ព័ត៌មានអន្ដរជាតិ
វៀតណាម និងចិន ព្រមព្រៀងគ្នាលើការទូទាត់ឆ្លងដែន កិច្ចសហការសេដ្ឋកិច្ចផ្សេងៗ
វៀតណាម និងចិនបានចុះហត្ថលេខាលើកិច្ចព្រមព្រៀងចំនួន ១០ រាប់ចាប់ពីកិច្ចសហប្រតិបត្តិការលើវិស័យកសិកម្មរហូតដល់ការទូទាត់ឆ្លងដែនដោយប្រើ QR កូដ QR កាលពីថ្ងៃអាទិត្យ ខណៈប្រទេសទាំង២ស្វែងរកការជំរុញទំនាក់ទំនង។
ទីភ្នាក់ងារសារព័ត៌មានរ៉យទ័រ ការព្រមព្រៀងដដែលធ្វើឡើង ក្នុងអំឡុងដំណើរទស្សនកិច្ចរយៈពេល៣ថ្ងៃរបស់នាយករដ្ឋមន្ត្រីចិន លោក លី កាង (Li Qiang) ទៅកាន់ទីក្រុងហាណូយ ដោយជួបជាមួយនាយករដ្ឋមន្រ្តីវៀតណាម លោក ផាម មិញ ឈិញ។
ភាគីទាំង២ បានចុះហត្ថលេខាលើអនុស្សរណៈនៃការយោគយល់គ្នា (MoU) ស្តីពីការអនុវត្តសេវាទូទាត់ប្រាក់ឆ្លងដែនតាមរយៈកូដ QR និងកិច្ចព្រមព្រៀងសិក្សាម៉ូដែល «តំបន់សហប្រតិបត្តិការសេដ្ឋកិច្ច» ឆ្លងដែន រវាងប្រទេសទាំង២។ កិច្ចព្រមព្រៀងនេះ នឹងជួញសម្រួលដល់ប្រតិបត្តិការពាណិជ្ជកម្មរវាងប្រទេសទាំង២ ជាពិសេសរវាងប្រជាជន និងប្រជាជន។
ក្រៅពីនេះ ទ្វេភាគីដដែល ក៏ព្រមព្រៀងគ្នាធ្វើការលើផែនការបច្ចេកទេសសម្រាប់ការតភ្ជាប់ផ្លូវដែករវាង ក្រុង Lao Cai នាភាគខាងជើងប្រទេសវៀតណាម និងក្រុង Hekou ក្នុងខេត្តយូណាន នៃប្រទេសចិន ផងដែរ។ កិច្ចព្រមព្រៀងលើការជំរុញវិស័យការពារជាតិ សន្តិសុខ និងកិច្ចសហប្រតិបត្តិការសេដ្ឋកិច្ច ក៏ត្រូវបានចុះហត្ថលេខាផងដែរ។
ចិនគឺជាដៃគូពាណិជ្ជកម្មដ៏ធំបំផុតរបស់វៀតណាម និងជាប្រភពសំខាន់នៃវត្ថុធាតុដើមនាំចូលដែលបម្រើឱ្យវិស័យផលិតកម្មរបស់វៀតណាម។ ពាណិជ្ជកម្មទ្វេភាគី បានកើនឡើង ២១ ភាគរយ ក្នុងអំឡុយរយៈពេល៣ត្រីមាសដំបូងនៃឆ្នាំនេះ ធៀបនឹងរយៈពេលដូចគ្នាកាលពីឆ្នាំមុន ដល់ប្រមាណ ១៤៨ ប៊ីលានដុល្លារ។
វាត្រូវបានគេមើលឃើញថា ជាការជំរុញទំនាក់ទំនងរវាងគ្នានិងគ្នា ខណៈទំនាក់ទំនងនៃប្រទេស២ស្ថិតក្នុងស្ថានភាពមិនសូវល្អ ជាពិសេសជុំវិញជម្លោះដែនទឹកនៅសមុទ្រចិនខាងត្បូង៕
-
ព័ត៌មានអន្ដរជាតិ៦ ថ្ងៃ ago
អ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
សេដ្ឋកិច្ច៤ ថ្ងៃ ago
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ៥ ថ្ងៃ ago
គួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ៥ ថ្ងៃ ago
Miss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៦ ថ្ងៃ ago
អ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ព័ត៌មានអន្ដរជាតិ៩ ម៉ោង ago
ផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ៣ ថ្ងៃ ago
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
-
ព័ត៌មានជាតិ៥ ថ្ងៃ ago
អភិបាលក្រុង-ស្រុក២រូប ត្រូវសម្ដេចធិបតីដកតំណែង ព្រោះប្រើអំណាចប៉ះពាល់ពលរដ្ឋ និងយកប្រាក់សូកប៉ាន់ ដើម្បីតំណែង