ព័ត៌មានអន្ដរជាតិ
ធនាគារពិភពលោកកំណត់ ៣០ ប៊ីលានដុល្លារ សម្រាប់កម្ចីបន្ថែម ដើម្បីជួញប្រទេសកំពុងអភិវឌ្ឍ
ប្រធានធនាគារពិភពលោក លោក Ajay Banga បានថ្លែងប្រាប់ទីភ្នាក់ងារសារព័ត៌មានរ៉យទ័រផ្ដាច់មុខថា ធនាគារបានបោះឆ្នោតកាលពីថ្ងៃអង្គារ ដើម្បីធ្វើកំណែទម្រង់លើគោលការណ៍ណែនាំស្ដីពីការផ្តល់ប្រាក់កម្ចីផ្ទៃក្នុងរបស់ខ្លួន ដែលនឹងអាចបញ្ចេញប្រាក់ប្រមាណ ៣០ ប៊ីលានដុល្លារ «ជាកម្ចីបន្ថែម» ក្នុងរយៈពេលមួយទសវត្សរ៍ទៅមុខ ដើម្បីជួយប្រទេសកំពុងអភិវឌ្ឍ និងទីផ្សារកំពុងរីកចម្រើន លើការដោះស្រាយបញ្ហាពាក់ព័ន្ធនឹងការប្រែប្រួលអាកាសធាតុ និងបញ្ហាប្រឈមជាសកលផ្សេងៗទៀត។
លោក Banga បាននិយាយថា ធនាគារពិភពលោកកំពុងជំរុញការបង្កើនមូលនិធិរបស់សមាគមអភិវឌ្ឍន៍អន្តរជាតិ (IDA) ដែលផ្ដោតលើការជួយប្រទេសក្រីក្របំផុតរបស់ពិភពលោក ឱ្យបានជាង ១០០ ប៊ីលានដុល្លារ។ លោកបន្តថា តាមការស្នើផ្សេងៗពីមេដឹកនាំនៃបណ្ដាប្រទេសនៅអាហ្វ្រិក និងសមុទ្រការ៉ាអ៊ីប ធនាគារកំណត់គោលដៅប្រមាណ ១២០ ប៊ីលានដុល្លារ ។
យ៉ាងណាមិញ ដើម្បីឈានដល់ចំនួនសរុបនោះ ម្ចាស់ភាគហ៊ុនរបស់ធនាគារពិភពលោក និងប្រទេសម្ចាស់ជំនួយ នឹងត្រូវជំរុញការរួមចំណែករបស់ខ្លួន ពី ២៤ ប៊ីលានដុល្លារ ដល់ ៣០ ប៊ីលានដុល្លារ ដែលនឹងក្លាយជាបញ្ហាប្រឈមមួយដោយសារការកើនឡើងនៃប្រាក់ដុល្លារអាមេរិក និងបញ្ហាប្រឈមសារពើពន្ធក្នុងស្រុក។
ជាមួយគ្នានោះ លោក Banga បានថ្លែងថា ធនាគារអន្តរជាតិសម្រាប់ការកសាងឡើងវិញ និងអភិវឌ្ឍន៍ (IBRD) ដែលជាភ្នាក់ងាររបស់ធនាគារពិភពលោក នឹងកាត់បន្ថយអនុបាតមូលធនធៀបនឹងកម្ចីរបស់ខ្លួន ១ ភាគរយ នៅត្រឹម ១៨ ភាគរយ ។ ការផ្លាស់ប្ដូរ ដែលគួបផ្សំនឹងកំណែទម្រង់គោលនយោបាយកំណត់តម្លៃរបស់ធនាគារនេះ មានន័យថា ធនាគារពិភពលោកនឹងបង្កើនសមត្ថភាពផ្តល់ប្រាក់កម្ចីសរុបរបស់ខ្លួន ដល់ ១៥០ ប៊ីលានដុល្លារ ក្នុងរយៈពេល ៧ ទៅ ១០ ឆ្នាំ ខាងមុខ។
ការផ្លាស់ប្តូរដដែល ធ្វើឡើងខណៈមានកំណើននៃបញ្ហាប្រឈមជាសកល ដូចជាសង្រ្គាមនៅអ៊ុយក្រែន ភាពតានតឹងនៃជម្លោះនៅមជ្ឈិមបូព៌ា គ្រោះមហន្តរាយអាកាសធាតុកាន់តែអាក្រក់ និងកម្រិតបំណុលរដ្ឋាភិបាលដ៏ធំជាដើម។ លោក Banga បាននិយាយថា វិបត្តិដែលកំពុងលេចចេញដ៏ធំបំផុតមួយនោះ គឺទីផ្សារការងារដែលមិនអាចបំពេញតម្រូវការដ៏ច្រើនលើសលុបបាន។ នៅរយៈពេល ១០ ឆ្នាំខាងមុខ នឹងមានមនុស្សប្រមាណ ១,២ ប៊ីលាននាក់ ដល់អាយុធ្វើការ ប៉ុន្តែការងារមានត្រឹមតែ ៨០០ លាន កន្លែងប៉ុណ្ណោះ។
អ្នកជំនាញខ្លះប៉ាន់ស្មានថា ប្រទេសកំពុងអភិវឌ្ឍ និងប្រទេសមានទីផ្សារកំពុងរីកចម្រើន នឹងត្រូវការថវិកាយ៉ាងតិច ៣ ត្រីលានដុល្លារជារៀងរាល់ឆ្នាំ ដើម្បីដោះស្រាយជំងឺរាតត្បាតនាពេលអនាគត ការប្រែប្រួលអាកាសធាតុ និងបញ្ហាប្រឈមផ្សេងៗទៀត។
បើតាមរ៉យទ័រ IBRD បានផ្លាស់ប្តូរសមាមាត្រមូលធនធៀបនឹងប្រាក់កម្ចីរបស់ខ្លួនជាលើកចុងក្រោយ ក្នុងឆ្នាំ ២០២៣ ដោយទម្លាក់វាមកត្រឹម ១៩ ភាគរយ ពី ២០ ភាគរយ៕
ក្រុមហ៊ុនRipple Inc ចាប់អារម្មណ៍ក្នុងការផលិតបន្ទះសូឡានៅកម្ពុជា សម្រាប់នាំចេញទៅកាន់សហរដ្ឋអាមេរិក
រកឃើញហើយជើងខ្លាំងខាងខ្លែងខ្មែរ! ផ្នែកខ្លែងឯក លេខ១បានទៅមន្ទីរវប្បធម៌ខេត្តកណ្តាល លេខ២ បានទៅស្រុកបន្ទាយស្រី
អភិបាលក្រុងបាវិត ណែនាំឱ្យអាជ្ញាធរត្រូវតែបង្ក្រាបឱ្យបានក្មេងទំនើងដែលអុកឡុកនៅមូលដ្ឋានរំខានដល់ប្រជាពលរដ្ឋ
ឆ្នាំនេះ អាជ្ញាធរស្រុកស្រែអំបិល កសាងផ្លូវបេតុងចំនួន៨ខ្សែ ស្មើនឹងប្រវែង៦គីឡូម៉ែត្រជូនពលរដ្ឋ
សម្រាប់ឆ្លងឆ្នាំសកលនេះ ខេត្តរតនគិរី បានត្រៀមខ្លួនរួចហើយសម្រាប់ទទួលភ្ញៀវទេសចរជាតិ និងអន្តរជាតិមកលេងកម្សាន្ត
Zhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
សម្រាប់ឆ្លងឆ្នាំសកលនេះ ខេត្តរតនគិរី បានត្រៀមខ្លួនរួចហើយសម្រាប់ទទួលភ្ញៀវទេសចរជាតិ និងអន្តរជាតិមកលេងកម្សាន្ត
ខេត្តមណ្ឌលគិរី៖ សាលាបឋមសិក្សាមួយកន្លែង ដំបូលក៏ធ្លុះធ្លាយ ជញ្ជាំងក៏ពុកផុយ គ្រូ និងសិស្ស ស្នើសុំឱ្យជួយជួសជុល
សម្តេចតេជោ៖ ជំនឿទុកចិត្តក្នុងការអនុវត្តនយោបាយឈ្នះឈ្នះនៅកម្ពុជា មានតម្លៃជាងកិច្ចព្រមព្រៀងសន្តិភាពនៅប្រទេសខ្លះ
អតីតមន្ត្រីបក្សប្រឆាំងទូទាំងប្រទេស អបអរសាទរ«ទិវាសន្តិភាពនៅកម្ពុជា» ខណៈពួកគេស្អប់ខ្ពើមសង្រ្គាម
-
សន្តិសុខសង្គម៦ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៧ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ជីវិតកម្សាន្ដ១៩ ម៉ោង agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
សន្តិសុខសង្គម៤ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ចរាចរណ៍៦ ថ្ងៃ agoអ្នកដឹកជញ្ជូនម្ហូបអាហារម្នាក់ត្រូវរថយន្ដបុកស្លាប់ពេលជិះឆ្លងផ្លូវ
-
ព័ត៌មានជាតិ៧ ថ្ងៃ agoក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
-
ព័ត៌មានអន្ដរជាតិ១ សប្តាហ៍ agoបាក់ស្ពាននៅប្រេស៊ីល ធ្លាក់រថយន្តផ្ទុកអាស៊ីដស៊ុលផួរិច លេចធ្លាយសារធាតុគីមីពេញទន្លេ
-
ព័ត៌មានអន្ដរជាតិ១ សប្តាហ៍ agoរន្ធត់! មួយគ្រួសារមានសមាជិក ១០នាក់ ស្លាប់ទាំងអស់ ក្នុងហេតុការណ៍ធ្លាក់យន្តហោះនៅ ប្រេស៊ីល