ព័ត៌មានអន្ដរជាតិ
ធនាគារកណ្ដាលថៃកាត់បន្ថយអត្រាការប្រាក់ ០,២៥ ភាគរយ ចំពេលសេដ្ឋកិច្ចបន្តដើរអូសជើង
ធនាគារកណ្ដាលថៃ បានចេញវិធានការគួរឱ្យភ្ញាក់ផ្អើលនាថ្ងៃពុធនេះ ដោយកាត់អត្រាការប្រាក់គោលជាលើកដំបូងក្នុងរយៈពេល៤ឆ្នាំ ចំពេលដែលសេដ្ឋកិច្ចរបស់ប្រទេសស្ថិតនៅក្នុងស្ថានភាពមិនសូវស្រួល ដោយសារតែបំណុលគ្រួសារខ្ពស់ កម្សោយផលិតកម្ម និងការប្រើប្រាស់ និងភាពរឹងមាំនៃប្រាក់បាត។
តាមការចុះផ្សាយរបស់ទីភ្នាក់ងារសារព័ត៌មានរ៉យទ័រ គណៈកម្មាធិការគោលនយោបាយរូបិយវត្ថុរបស់ធនាគារកណ្តាលថៃបានបោះឆ្នោតគាំទ្រក្នុងសម្លេង ៥ ទល់នឹង ២ ដើម្បីកាត់បន្ថយអត្រា «Repo Rate» (អត្រាដែលធនាគារកណ្ដាលគិតលើកម្ចីសម្រាប់ធនាគារពាណិជ្ជដើម្បីដោះដូរមូលបត្រ) ប្រមាណ ២៥ ពិន្ទុ ពោលគឺ ០,២៥ ភាគរយ ឱ្យមកនៅត្រឹម ២,២៥ ភាគរយ។
អត្រា «Repo Rate» របស់ធនាគារកណ្ដាលថៃ បានស្ថិតនៅកម្រិតខ្ពស់បំផុតក្នុងរយៈពេល ១០ ឆ្នាំ (២,៥០ ភាគរយ) រាប់តាំងពីខែកញ្ញា ឆ្នាំ ២០២៣ មកម្ល៉េះ។ ធនាគារដដែលបានកាត់បន្ថយអត្រាការប្រាក់ជាលើកចុងក្រោយ តាំងតែពីខែឧសភា ឆ្នាំ ២០២០។
ការបោះជំហានដ៏គួរឱ្យភ្ញាក់ផ្អើលរបស់ធនាគារកណ្ដាលថៃនាពេលនេះ ធ្វើឡើងក្រោយរដ្ឋាភិបាលថៃ ដែលដឹកនាំដោយគណបក្សភឿថៃ រដ្ឋមន្រ្តី ក៏ដូចជាស្ថាប័នផ្សេងៗ បានទទូចទាមទាររាប់ខែ ឱ្យធនាគារកាត់បន្ថយអត្រាការប្រាក់ ប៉ុន្តែរងការជំទាស់។ រដ្ឋាភិបាលលើកឡើងនាពេលកន្លងមកថា ការកាត់បន្ថយអត្រាការប្រាក់មានសារៈសំខាន់ ក្នុងការជួញសម្រួលលើថ្លៃប្រាក់កម្ចី ដើម្បីជួយជំរុញសេដ្ឋកិច្ចដែលកំពុងបន្តដើរអូសជើង។
ចំណែកឯប្រធានសភាពាណិជ្ជកម្មថៃ លោក Sanan Angubolkul បានថ្លែងកាលពីសប្ដាហ៍មុនថា ការចំណាយតិចលើអត្រាការប្រាក់នៃកម្ចី នឹងជួយអាជីវកម្មថៃដែលកំពុងប្រឈមនឹងការចំណាយខ្ពស់ និងប្រាក់បាតដ៏រឹងមាំ ដែលប៉ះពាល់ដល់ការនាំចេញរបស់ថៃ។
ជាមួយគ្នានោះ ក៏មានមន្រ្តីថៃជាច្រើនធ្លាប់បានជំរុញការកាត់អត្រាការប្រាក់ផងដែរ ដោយហេតុថា អតិផរណាស្ថិតនៅក្រោមគោលដៅ ១-៣ ភាគរយ របស់ធនាគាររួចទៅហើយនាពេលបច្ចុប្បន្ន។ បើតាមបាងកកប៉ុស្តិ៍ តម្លៃទំនិញប្រើប្រាស់នៅខែសីហាបានកើនឡើង ០,៣៥ ភាគរយ បើធៀបនឹងរយៈពេលដូចគ្នាកាលពីឆ្នាំមុន។
ទោះបីជាយ៉ាងណាក៏ដោយ ទេសាភិបាលធនាគារកណ្តាលថៃ លោក Sethaput Suthiwartnaruput បានប្រកាន់ជំហរថា អត្រាការប្រាក់ទាបនឹងមិនជួញជំរុញសេដ្ឋកិច្ចខ្លាំង ដូចការធ្វើកំណែទម្រង់រចនាសម្ព័ន្ធធំៗនោះទេ។ ប៉ុន្តែលោកបានគូសបញ្ជាក់ថា ការសម្រេចចិត្តផ្សេងៗទាក់ទងនឹងអត្រាការប្រាក់ នឹងផ្អែកលើទស្សនវិស័យសម្រាប់ស្ថានភាពសេដ្ឋកិច្ច និងហិរញ្ញវត្ថុក្នុងស្រុក ក៏ដូចជាអតិផរណា។
គួរគូសបញ្ជាក់ថា សេដ្ឋកិច្ចថៃមានកំណើនយឺតយ៉ាវ ដែលរួមចំណែកមួយភាគធំដោយបំណុលគ្រួសារ និងថ្លៃកម្ចីខ្ពស់។ គិតត្រឹមខែមិថុនា ថៃមានបំណុល «គ្រួសារធៀបនឹង GDP» ប្រមាណ ៨៩,៦ ភាគរយ ឬមានបំណុលគ្រួសារគិតជាប្រាក់សុទ្ធ ៤៨៨,៩០ ប៊ីលានដុល្លារ ដែលធ្វើឱ្យថៃក្លាយជាប្រទេសមានបំណុលគ្រួសារច្រើនជាងគេបំផុត១មួយ។
ធនាគារកណ្តាលថៃ បានបង្កើនការព្យាករណ៍កំណើនសេដ្ឋកិច្ចឆ្នាំ ២០២៤ របស់ខ្លួន ដល់ ២,៧ ភាគរយ ពីប្រមាណ ២,៦ ភាគរយ ដែលខ្លួនបានព្យាករកាលពីលើកមុន។ កត្តាជំរុញសំខាន់នៃកំណើន រួមមានវិស័យទេសចរណ៍ ការប្រើប្រាស់ឯកជន និងភាពប្រសើរឡើងនៃការនាំចេញ ដែលជំរុញដោយតម្រូវការខ្ពស់នៃអេឡិចត្រូនិក។
យ៉ាងណាមិញ គណៈកម្មាធិការគោលនយោបាយរូបិយវត្ថុ នៅតែនិយាយថា ការស្ទុះងើបឡើងវិញមិនស្មើគ្នានៅគ្រប់វិស័យនោះទេ ដោយការតែការនាំចេញផលិតផលមួយចំនួន ផលិតកម្មរោងចក្រ ក៏ដូចជាសហគ្រាសធុនតូច និងមធ្យមកំពុងបន្តរងនូវបញ្ហារចនាសម្ព័ន្ធ។ អ្នកវិភាគពន្យល់ថា កាលណាការប្រាក់ខ្ពស់នៅ នោះនឹងធ្វើឱ្យក្រុមហ៊ុនអាជីវកម្ម ឬបុគ្គល កាត់បន្ថយការខ្ចីទៅវិនិយោគ ឬចំណាយផ្សេងៗ ដែលធ្វើឱ្យតម្រូវការចុះខ្សោយ៕
ធនាគារកណ្ដាលថៃកាត់បន្ថយអត្រាការប្រាក់ ០,២៥ ភាគរយ ចំពេលសេដ្ឋកិច្ចបន្តដើរអូសជើង
ក្រុមហ៊ុនសេវាហោះហើរឯកជនរបស់អាមេរិកបង្ហាញចំណាប់អារម្មណ៍ចំពោះទីផ្សារអាកាសចរណ៍កម្ពុជា
ធនាគារពិភពលោក៖ តំបន់ហ្គាហ្សារងការខូចខាតប្រហែល២០ពាន់លានដុល្លារព្រោះសង្គ្រាម
ពលករខ្មែរឆ្លងដែនជួបគ្រោះថ្នាក់ចរាចរណ៍ស្លាប់៤នាក់ នៅទឹកដីថៃ
ករណីធ្វើទារុណកម្មស្លាប់ជនជាតិចិននៅខេត្តប៉ៃលិន៖ ចាប់ខ្លួនជនជាតិចិន-ខ្មែរ ៧នាក់ បន្តស្រាវជ្រាវម្នាក់ទៀត
ព្យុះខ្លាំងមួយទៀត នឹងវាយប្រហាររដ្ឋ Florida ចុងសប្តាហ៍នេះ
កសិករនៅស្រុកបាណន់ម្នាក់ ទទួលផលពីផ្លែទៀបស្វិតខ្មែរ ដោយនឹកស្មានមិនដល់
ធនប័ត្រអនុស្សាវរីយ៍ប្រភេទ ២សែនរៀលនឹងចូលរួមចំណែកដល់ការលើកកម្ពស់ការប្រើប្រាស់រូបិយបណ្ណក្នុងស្រុក
រោងចក្រផលិតអគ្គិសនីដើរដោយឧស្ម័នធម្មជាតិ តម្លៃ ១,៣ ពាន់លានដុល្លារ បើកការដ្ឋានសាងសង់នៅថ្ងៃនេះ
សមត្ថកិច្ចសម្រេចឃាត់ខ្លួនជនសង្ស័យ កាម៉ារូទីន ស៊ូហៃមី ពាក់ព័ន្ធករណីរំលោភសិស្សសាលាខ្មែរឥស្លាមច្រើននាក់
-
សន្តិសុខសង្គម១ ថ្ងៃ agoនគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ១ ថ្ងៃ agoភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
សេដ្ឋកិច្ច៦ ថ្ងៃ agoរោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ព័ត៌មានអន្ដរជាតិ១ សប្តាហ៍ agoគួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
ជីវិតកម្សាន្ដ១ សប្តាហ៍ agoMiss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ព័ត៌មានអន្ដរជាតិ២ ថ្ងៃ agoផ្កាយដុះកន្ទុយ បង្ហាញខ្លួននៅប្រទេស ថៃ
-
ជីវិតកម្សាន្ដ១ សប្តាហ៍ agoអ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ជីវិតកម្សាន្ដ៥ ថ្ងៃ agoភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង