ព័ត៌មានអន្ដរជាតិ

ថៃរំពឹងនាំចេញអង្ករច្រើនជាងឆ្នាំមុន ទោះបីឆ្នាំនេះជួបគ្រោះទឹកជំនន់ធ្ងន់ធ្ងរក្ដី

បានផុស

៣ ខែ មុន

នៅ

ថ្ងៃសៅរ៍ ១៩ តុលា ២០២៤

ដោយ

សមាគមអ្នកនាំចេញអង្ករថៃ (TREA) បានឱ្យដឹងកាលពីពេលថ្មីៗនេះថា ការនាំចេញអង្កររបស់ប្រទេសថៃនៅឆ្នាំនេះ ត្រូវបានគេរំពឹងថានឹងកើនឡើងខ្ពស់ជាងឆ្នាំមុន បើទោះបីជាមានវិបត្តិទឹកជំនន់នាពេលថ្មីៗនេះក៏ដោយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធាន TREA លោក Chookiat Ophaswongse មាននិយាយថា ផលប៉ះពាល់នៃទឹកជំនន់លើផលិតកម្មស្រូវ មិនទាន់ខ្លាំងនៅឡើយទេ ដោយបន្ថែមថា ទឹកជំនន់មិនប៉ះពាល់ដល់ដីស្រែសំខាន់ៗរបស់ប្រទេសនៅភាគឦសាននោះទេ។

លោកបន្តថា ទិន្នផលស្រូវឆ្នាំនេះនឹងឡើងដល់ប្រមាណ ៣៣-៣៤លានតោន ពោលគឺខ្ពស់ជាងឆ្នាំមុន ដែលមានត្រឹម ៣២ លានតោន។ លើសពីនេះ លោកបានកត់សម្គាល់ថា ធនធានទឹកមានសារៈសំខាន់សម្រាប់ការបង្កបង្កើនផលស្រូវឆ្នាំក្រោយ។

បើតាមលោក Chookiat ដដែល គិតត្រឹមរយៈពេល៩ខែដើមឆ្នាំ ២០២៤ ប្រទេសថៃបាននាំចេញអង្ករចំនួន ៧ លានតោន ហើយតួលេខនេះត្រូវបានគេរំពឹងថានឹងកើនឡើងបន្ថែមទៀត ដោយសារតែការបញ្ជាទិញអង្ករដែលកំពុងបន្ត និងការហាមឃាត់ការនាំចេញរបស់ឥណ្ឌា ដែលធ្វើតម្រូវការអង្ករថៃខ្ពស់៕