ព័ត៌មានអន្ដរជាតិ
វៀតណាមស្នើគម្រោងផ្លូវដែកថ្មី ៧ ប៊ីលានដុល្លារ សម្រាប់តំបន់ភាគខាងជើង
អាជ្ញាធរផ្លូវដែកវៀតណាម បានដាក់សំណើទៅក្រសួងដឹកជញ្ជូនរបស់ប្រទេស ដើម្បីត្រួតពិនិត្យ និងអនុម័តផែនការអភិវឌ្ឍន៍ផ្លូវរថភ្លើងថ្មីនៅតំបន់ភាគខាងជើងប្រទេស ដែលមានតម្លៃ ៧ ប៊ីលានដុល្លារ។ នេះបើតាមការចុះផ្សាយរបស់កាសែត Viet Nam News នាថ្ងៃអង្គារនេះ។
ផ្លូវរថភ្លើងនេះមានប្រវែងប្រមាណ ៤២៧ គីឡូម៉ែត្រ ដោយចាប់ផ្តើមពីស្ថានីយ៍ Lào Cai ជាកន្លែងដែលវាតភ្ជាប់ជាមួយផ្លូវរថភ្លើងចិន និងបញ្ចប់នៅស្ថានីយ៍នៃក្រុងឆ្នេរសមុទ្រ Hạ Long ។ ផ្លូវដដែល នឹងមានស្ថានីយ៍ចំនួន ៤១ និងឆ្លងកាត់ខេត្ត និងក្រុងចំនួន ១០ នៅភាគខាងជើងនៃប្រទេសវៀតណាម។
បើតាមអាជ្ញាធរផ្លូវដែក គម្រោងនេះត្រូវបានស្នើឡើង ដើម្បីបំពេញតាមតម្រូវការដឹកជញ្ជូនតាមរថភ្លើង ដែលមានសារៈសំខាន់សម្រាប់សេដ្ឋកិច្ច។ នៅឆ្នាំ ២០៣០ គេរំពឹងថា វានឹងអាចផ្ទុកទំនិញបាន ១២,៧៧ លានតោន និងអ្នកដំណើរ ៤,៦៥ លាននាក់។
តម្រូវការនេះរំពឹងថានឹងកើនឡើងដល់ ១៤,៩៤ លានតោនសម្រាប់ទំនិញ និងអ្នកដំណើរ ៦,២២ លាននាក់ នៅឆ្នាំ ២០៤០ ខណៈបន្តកើនឡើងដល់ ១៧,៤៨ លានតោនសម្រាប់ទំនិញ និងអ្នកដំណើរ ៨,៣១ លាននាក់ នៅឆ្នាំ ២០៥០។
គម្រោងផ្លូវរថភ្លើងថ្មី រំពឹងថានឹងលើកកំពស់សមត្ថភាពដឹកជញ្ជូន និងការតភ្ជាប់ជាមួយកំពង់ផែសមុទ្រ តំបន់ឧស្សាហកម្ម និងតំបន់ទេសចរណ៍ ដូច្នេះរួមចំណែកដល់កិច្ចខិតខំប្រឹងប្រែងឧស្សាហូបនីយកម្ម និងទំនើបកម្មរបស់ប្រទេស។
ការស្នើនៃគម្រោងនេះឡើង ធ្វើឡើងចំពេលដែលរដ្ឋាភិបាលវៀតណាមដាក់ចេញផែនការអទិភាពលើការអភិវឌ្ឍផ្លូវរថភ្លើងនាពេលអនាគត ជាពិសេសផ្លូវរថភ្លើងល្បឿនលឿន៕
-
ព័ត៌មានអន្ដរជាតិ៥ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម១ សប្តាហ៍ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ១ សប្តាហ៍ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១៩ ម៉ោង ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ព័ត៌មានអន្ដរជាតិ៤ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
កីឡា១ ថ្ងៃ ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ព័ត៌មានអន្ដរជាតិ១៦ ម៉ោង ago
សង្គ្រាមលោកលើកទី៣លេចឡើងស្ទង់ៗ
-
ជីវិតកម្សាន្ដ១៩ ម៉ោង ago
តាមពិត Kan ផ្ទុករឿងអាស្រូវច្រើនសន្ធឹក ខណៈដែលមហាជនសម្រុកជីកកកាយឡើងវិញ