ព័ត៌មានជាតិ
ថៃស្នើកម្ពុជាឱ្យចូលរួមគំនិតផ្តួចផ្តើម «ប្រទេស៦;ទិសដៅតែមួយ» ដើម្បីជំរុញវិស័យទេសចរណ៍ក្នុងតំបន់
ទីប្រឹក្សារបស់លោករដ្ឋមន្ត្រីការបរទេសថៃបានស្នើកម្ពុជាចូលរួមលើគំនិតផ្តួចផ្តើមទេសចរណ៍ «៦ប្រទេស;គោលដៅតែ១»ក្នុងគោលបំណងបង្កើតបទពិសោធន៍ថ្មីសម្រាប់ភ្ញៀវទេចរធ្វើដំណើរប្រកបដោយភាពរលូននៅទូទាំងតំបន់។
លោក Dusit Menapan និង Chayika Wongnapachant ទីប្រឹក្សារដ្ឋមន្ត្រីការបរទេសថៃកាលពីនៅថ្ងៃទី២១ ខែតុលា បានជួបពិភាក្សាការងារជាមួយរដ្ឋមន្ត្រីក្រសួងទេសចរណ៍កម្ពុជា លោក ហួត ហាក់ បានពិភាក្សាអំពីការសម្របសម្រួលការធ្វើដំណើរឆ្លងដែន និងការលើកកម្ពស់វិស័យទេសចរណ៍ប្រកបដោយគុណភាពនៅក្នុងបណ្តាប្រទេសទាំង៦។ នេះបើយោងតាមសារព័ត៌មានថៃ Pataya Mail ចុះផ្សាយនៅថ្ងៃទី២២ខែតុលា។
គំនិតផ្ដួចផ្ដើមនេះរួមមានប្រទេសប្រ៊ុយណេ កម្ពុជា ឡាវ ម៉ាឡេស៊ី វៀតណាម និងថៃ។ ជាមួយគ្នានេះដែរ ប្រទេសថៃគ្រោងនឹងចាប់ផ្តើមការពិភាក្សាអំពីគោលនយោបាយជាមួយកម្ពុជាជាគម្រោងសាកល្បងដោយមានគោលដៅពង្រីកកិច្ចសហប្រតិបត្តិការទៅកាន់ប្រទេសផ្សេងៗទៀត។
បើតាមសារព័ត៌មានដដែល សម្រាប់កិច្ចប្រជុំនោះក៏បានពិភាក្សាអំពីយុទ្ធសាស្ត្រផ្សេងៗ ដើម្បីបង្កើនកិច្ចសហប្រតិបត្តិការទេសចរណ៍។ ចំណុចសំខាន់ៗរួមមានការស្នើសុំការលើកលែងទិដ្ឋាការទៅវិញទៅមក និងសិទ្ធិទិដ្ឋាការពេលមកដល់សម្រាប់ប្រទេសមួយចំនួន ការស្វែងរកវិធីដើម្បីពន្លឿនដំណើរការអន្តោប្រវេសន៍ និងការអភិវឌ្ឍអត្តសញ្ញាណទេសចរណ៍រួមជាដើម។
លើសពីនេះ កិច្ចប្រជុំក៏បានផ្តោតសំខាន់លើការពង្រឹងកិច្ចសហប្រតិបត្តិការផ្នែកឯកជនក្នុងវិស័យទេសចរណ៍ ការបង្កើតផ្លូវទេសចរណ៍តភ្ជាប់ ជាពិសេសការតភ្ជាប់តំបន់បេតិកភណ្ឌពិភពលោក និងការបង្កើនការតភ្ជាប់ជើងហោះហើររវាងប្រទេសទាំង៦ ស្របពេលដែរ ក្រុមហ៊ុន Thai Airways បានប្រកាសពីផែនការបង្កើនជើងហោះហើរទៅកាន់ខេត្តសៀមរាប ដែលជាផ្នែកនៃកិច្ចខិតខំប្រឹងប្រែងទាំងនេះ។
រដ្ឋមន្ត្រីក្រសួងទេសចរណ៍កម្ពុជាបានយល់ព្រមពិចារណាលើសំណើរបស់ប្រទេសថៃ និងពិភាក្សាជាមួយភ្នាក់ងារពាក់ព័ន្ធរបស់កម្ពុជា រួមមានក្រសួងមហាផ្ទៃ និងនាយកដ្ឋានគយ មុននឹងស្វែងរកការយល់ព្រមពីគណៈរដ្ឋមន្ត្រី។
ភាគីទាំងពីរបានសម្តែងក្តីសង្ឃឹមថា គំនិតផ្តួចផ្តើមនេះ អាចត្រូវបានអនុវត្ត មុនពេលដំណើរទស្សនកិច្ចផ្លូវការរបស់នាយករដ្ឋមន្ត្រីថ្មីរបស់ថៃមកទស្សនកិច្ចនៅកម្ពុជានាពេលឆាប់ខាងមុខនេះ។
កាលពីឆ្នាំមុន ប្រទេសអាស៊ីអាគ្នេយ៍ទាំង៦នេះបានស្វាគមន៍ភ្ញៀវទេសចរបរទេសចំនួន ៧០លាននាក់។ នេះបើយោងតាមទិន្នន័យផ្លូវការរបស់រដ្ឋាភិបាល៕
-
ព័ត៌មានអន្ដរជាតិ៥ ថ្ងៃ ago
អ្នកជំនាញព្រមានឲ្យវៀតណាម ត្រៀមខ្លួនទទួលកំពូលព្យុះទីហ្វុង ខែក្រោយ
-
សន្តិសុខសង្គម១ សប្តាហ៍ ago
នគរបាលបញ្ជូនលោក ដួង តារា ទៅឃុំខ្លួននៅពន្ធនាគារប៉េហ្សុី
-
ជីវិតកម្សាន្ដ១ សប្តាហ៍ ago
ភឹម ស្រីណូ ត្រូវអ្នកលេងបណ្ដាញសង្គមថៃតាមវាយប្រហារ ក្នុងនោះក៏មានបវរកញ្ញាថៃឆ្នាំ ២០២០ ផងដែរ
-
ព័ត៌មានអន្ដរជាតិ១ ថ្ងៃ ago
ទឹកជំនន់ភ្លាមៗវាយប្រហាររដ្ឋ New Mexico បណ្តាលឱ្យស្លាប់និងរបួសច្រើន
-
ព័ត៌មានអន្ដរជាតិ៤ ថ្ងៃ ago
ប្រព័ន្ធធ្វើចលនាទឹកជុំវិញផែនដីបានបាត់បង់តុល្យភាពជាលើកដំបូងក្នុងប្រវត្តិសាស្ត្រមនុស្សជាតិ
-
កីឡា១ ថ្ងៃ ago
ម្ចាស់មេដាយទាំងអស់ក្នុងការប្រកួតយុទ្ធគុនចម្រុះខ្មែរបុរាណ ពានរង្វាន់សម្តេចធិបតី
-
ព័ត៌មានអន្ដរជាតិ២២ ម៉ោង ago
សង្គ្រាមលោកលើកទី៣លេចឡើងស្ទង់ៗ
-
ជីវិតកម្សាន្ដ១ ថ្ងៃ ago
តាមពិត Kan ផ្ទុករឿងអាស្រូវច្រើនសន្ធឹក ខណៈដែលមហាជនសម្រុកជីកកកាយឡើងវិញ