ព័ត៌មានអន្ដរជាតិ

ធនាគារពិភពលោក នឹងបង្កើនហិរញ្ញវត្ថុកសិកម្មដល់ ៩ ប៊ីលានដុល្លារ/ឆ្នាំ នៅឆ្នាំ ២០៣០

បានផុស

៥ ខែ មុន

នៅ

ថ្ងៃព្រហស្បតិ៍ ២៤ តុលា ២០២៤

ដោយ

ប្រធានធនាគារពិភពលោក បានឱ្យដឹងកាលពីថ្ងៃពុធថា ធនាគារពិភពលោកបង្កើនហិរញ្ញវត្ថុទ្វេដងសម្រាប់ការវិនិយោគលើការផ្ដល់ហិរញ្ញប្បទាន និងអាជីវកម្មក្នុងវិស័យកសិកម្ម ដល់ ៩ ប៊ីលានដុល្លារ/ឆ្នាំ នៅឆ្នាំ ២០៣០។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងអំឡុងកិច្ចប្រជុំកំពូលប្រចាំឆ្នាំរវាងមូលនិធិរូបិយវត្ថុអន្តរជាតិ និងធនាគារពិភពលោក លោកប្រធាន Ajay Banga បានថ្លែងថា៖ «យើងបានពិនិត្យមើលបញ្ហាប្រឈមពីគ្រប់តំបន់ ពីរបៀបបង្កើនផលិតកម្មស្បៀង ជំរុញផលិតភាព និងដោះស្រាយបញ្ហាពាក់ព័ន្ធនឹងកង្វះខាតនៃទឹក ជីកសិកម្ម ហេដ្ឋារចនាសម្ព័ន្ធ និងការផ្តល់ហិរញ្ញប្បទាន ជាដើម»។

ធនាគារពិភពលោក ដែលមានមូលដ្ឋាននៅទីក្រុងវ៉ាស៊ីនតោន បាននិយាយថា ការផ្លាស់ប្ដូរនៃទម្រង់កសិពាណិជ្ជកម្មជាច្រើនថ្មីៗនេះ គួបផ្សំនឹងកំណែទម្រង់របស់ធនាគារពិភពលោក បើកផ្លូវឱ្យមានការបង្កើនមូលនិធិសម្រាប់វិស័យកសិកម្ម។

មួយផ្នែក គឺដើម្បីបង្កើនធនធានហិរញ្ញវត្ថុអាកាសធាតុ ដោយសារតែវិស័យនេះកាន់តែងាយរងគ្រោះទៅៗនឹងហានិភ័យអាកាសធាតុ ខណៈរួចចំណែកដ៏ធំក្នុងការបំភាយឧស្ម័នផ្ទះកញ្ចក់នាពេលបច្ចុប្បន្ន។ វាទទួលបានត្រឹមតែ ៤ ភាគរយ នៃហិរញ្ញវត្ថុអាកាសធាតុនៅទូទាំងពិភពលោកប៉ុណ្ណោះ។

លោក Banga បានបន្ថែមថា ការបង្កើនការប្រើប្រាស់ឧបករណ៍ដែលកាត់បន្ថយហានិភ័យ ដូចជាការធានាឥណទាន និងការធានារ៉ាប់រងផ្សេងៗ ជួយធ្វើឱ្យការផ្តល់ប្រាក់កម្ចីមានសុវត្ថិភាព និងកាន់តែល្អសម្រាប់ការទាញយកការវិនិយោគពីវិស័យឯកជន។ ទន្ទឹមនឹងនេះ ការជឿនលឿនផ្នែកឌីជីថល បានធ្វើឱ្យមានភាពងាយស្រួលក្នុងការប្រមូលផ្តុំអាជីវកម្មកសិកម្ម ហើយតភ្ជាប់អាជីវកម្មនេះទៅអ្នកទិញ និងអ្នកផ្តល់សេវាហិរញ្ញវត្ថុ៕