ព័ត៌មានជាតិ

វិថីឆ្នេរអង្កោលប្របតាមមាត់សមុទ្រ នឹងសម្ពោធដាក់ឲ្យប្រើប្រាស់ជាផ្លូវការនៅដើមខែវិច្ឆិកានេះ

បានផុស

២ years មុន

នៅ

ថ្ងៃសុក្រ ២៥ តុលា ២០២៤

ដោយ

វិថីតេជោសន្តិភាពឆ្នេរអង្កោលដែលសាងសង់ប្របតាមមាត់សមុទ្រនៅក្នុងខេត្តកែប គ្រោងសម្ពោធដាក់ឲ្យប្រើប្រាស់នៅដើមខែវិច្ឆិកានេះ ក្រោមអធិបតីភាពសម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា។

កាលពីម្សិលមិញនេះ លោក វង្ស ពិសិដ្ឋ អនុរដ្ឋលេខាធិការ ក្រសួងសាធារណការ និងដឹកជញ្ជូន និងជាអនុប្រធានគណៈកម្មការរៀបចំពិធី បានដឹកនាំកិច្ចប្រជុំគណៈកម្មការត្រៀមរៀបចំពិធីសម្ពោធបើកឱ្យប្រើប្រាស់ជាផ្លូវការ វិថីតេជោសន្តិភាព ឆ្នេរអង្កោល ដើម្បីពិនិត្យវឌ្ឍនភាព និងកិច្ចការងារផ្សេងៗដែលនៅសេសសល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វិថីតេជោសន្តិភាពឆ្នេរអង្កោលតភ្ជាប់ពីផែកោះទន្សាយទៅកាន់ឆ្នេរអង្កោលមានប្រវែងជាង ១១ គីឡូម៉ែត្រ ត្រូវបានស្ថាបនាឡើង ក្រោមមូលនិធិរបស់ធនាគារអភិវឌ្ឍន៍អាស៊ី (ADB) ចំណាយថវិកាអស់ប្រមាណ ១០ លានដុល្លារអាមេរិក។

ផ្លូវថ្មីដែលសាងសង់ឡើងសសៀរតាមមាត់សមុទ្រនេះ នឹងក្លាយជាសរសៃឈាមទេសចរណ៍យ៉ាងសំខាន់តភ្ជាប់គ្នារវាងឆ្នេរកែបនិងឆ្នេរអង្កោល ដែលអាចបញ្ជៀសការកកកុញរបស់ភ្ញៀវទេសចរមកកម្សាន្តនៅឆ្នេរកែប ហើយក៏នឹងជួយជំរុញកំណើនភ្ញៀវទេសចរសម្រុកមកសម្រាកលំហែក្នុងខេត្តកែបទ្វេដងផងដែរ៕