សេដ្ឋកិច្ច
តម្លៃ និងទិន្នផលផ្លែមៀនប៉ៃលិនមានភាពល្អប្រសើរនាឆ្នាំនេះ
កសិករដាំមៀនមៀនប៉ៃលិន និងមន្ត្រីកសិកម្ម បានលើកឡើងថា នៅរដូវប្រមូលផលផ្លែមៀនប៉ៃលិនក្នុងខែតុលា ឆ្នាំ ២០២៤ នេះ តម្លៃ និងទិន្នផលផ្លែមៀនប៉ៃលិនមានភាពល្អប្រសើរ ដោយសារការថែទាំដិតដល់ និងអាកាសធាតុអំណោយផល។
![](https://www.kampucheathmey.com/wp-content/uploads/2024/10/449755804_10161649772641163_4761678531632665650_n-1-2.jpg)
លោក សួន ជុំ អនុប្រធានសមាគមមៀនប៉ៃលិន ប្រាប់កម្ពុជាថី្មថា កសិករបានចាប់ផ្ដើមប្រមូលផលបណ្ដើរៗ នាដើមរដូវនេះ ដែលទទួលបានទិន្នផលល្អប្រសើរ ដោយសារបទពិសោធន៍របស់កសិករ និងមានភ្លៀងធ្លាក់ច្រើនដែលអំណោយផលដល់ដំណាំមៀន។ កសិករមួយចំនួនបានលើកឡើងថា ទំហំផ្ទៃដីដាំផ្លែមៀនមួយហិកតា អាចទទួលបានទិន្នផលមៀនប្រមាណ ៣ តោន។
លោក ងិន ឆាយ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម មានប្រសាសន៍នៅថ្ងៃទី ២៥ ខែតុលា ឆ្នាំ ២០២៤ថា ទិន្នផលផ្លែមៀនប៉ៃលិន និងតម្លៃមានលក្ខណៈល្អប្រសើរ មិនមានបញ្ហាចោទជាឧសគ្គច្រើននោះទេ ខណៈប្រជាកសិករដែលទទួលបានការចុះបញ្ជី អនុវត្តកសិកម្មល្អ (GAP) ក៏គាត់បានអនុវត្តបានត្រឹមត្រូវ ហើយការនាំចេញទៅចិនបានដោយរលូន។
![](https://www.kampucheathmey.com/wp-content/uploads/2024/10/656_1005.00_40_54_06.Still002-1-1024x576.jpg)
ក្រុមហ៊ុន ឆាយណា ជីនវ័រយាន និងតំណាងសហគមន៍ផ្លែមៀនប៉ៃលិនបានចុះកិច្ចសន្យាទិញផ្លែមៀនប៉ៃលិនក្នុងតម្លៃ ៣០០០ រៀល ក្នុងមួយគីឡូក្រាម សម្រាប់រដូវកាលថ្មី ឆ្នាំ ២០២៤ ពោលគឺមានតម្លៃទាបជាងឆ្នាំមុនបន្តិច។
លោក សួន ជុំ អនុប្រធានសមាគមមៀនប៉ៃលិនយល់ឃើញថា តម្លៃ ៣០០០ រៀល ក្នុងមួយគីឡូក្រាម អាចទទួលយកបាន ប្រសិនបើកសិករចេះថែទាំមៀនត្រូវតាមក្បួនខ្នាតបច្ចេកទេសនោះគឺកសិករនឹងអាចចំណេញ។
![](https://www.kampucheathmey.com/wp-content/uploads/2024/10/3105-1.jpg)
យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ គិតត្រឹមឆមាសទី១ ឆ្នាំ ២០២៤ ការនាំចេញផ្លែមៀនស្រស់របស់កម្ពុជាទៅទីផ្សារអន្តរជាតិ សម្រេចបានជាង ១ ៤០០០ តោន កើនឡើងជាង ១២០ ភាគរយ គិតជាទឹកប្រាក់ប្រមាណ ២២ លានដុល្លារ បើធៀបនឹងរយៈពេលដូចគ្នាកាលពីឆ្នាំមុន។
នៅក្នុងឆ្នាំ២០២៣ កម្ពុជាបាននាំចេញផ្លែមៀនស្រស់មានបរិមាណសរុបជាង ១៧ ៤៩៧ តោន គិតជាទឹកប្រាក់សរុបចំនួន ២៤,៧៥ លានដុល្លារ៕
អត្ថបទ៖ ឡេង ដេត
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៦ ថ្ងៃ ago
UN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៦ ថ្ងៃ ago
លោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម២៣ ម៉ោង ago
ដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម២ ថ្ងៃ ago
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៥ ថ្ងៃ ago
ស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៥ ថ្ងៃ ago
ផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានអន្ដរជាតិ១ សប្តាហ៍ ago
នារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
-
ព័ត៌មានអន្ដរជាតិ៥ ថ្ងៃ ago
ស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ