ព័ត៌មានអន្ដរជាតិ

Toyata និង NTT បណ្ដាក់ទុនជាង ៣ ប៊ីលានដុល្លារ លើការផលិតឡានបើកបរខ្លួនឯងដោយប្រើ AI

បានផុស

៥ ខែ មុន

នៅ

ថ្ងៃអង្គារ ២៩ តុលា ២០២៤

ដោយ

ក្រុមហ៊ុនផលិតរថយន្ត Toyota Motor និងក្រុមហ៊ុនទូរគមនាគមន៍ជប៉ុន Nippon Telegraph and Telephone (NTT) គ្រោងរួមគ្នាបណ្ដាក់ទុន ៣,២៦ ប៊ីលានដុល្លារ សម្រាប់ការស្រាវជ្រាវ និងការអភិវឌ្ឍ ដើម្បីផលិតឡានបើកបរខ្លួនឯងដោយប្រើបច្ចេកវិទ្យាបញ្ញាសិប្បនិម្មិត (AI)។ នេះបើតាមការចុះផ្សាយរបស់កាសែត Nikkei Asia នៅថ្ងៃអង្គារនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុនទាំង២ គ្រោងនឹងបង្កើតកម្មវិធីរថយន្តដែលនឹងប្រើ AI ដើម្បីប្រមើលមើលគ្រោះថ្នាក់ និងគ្រប់គ្រងរថយន្ត ហើយបានកំណត់គោលដៅឱ្យសម្រេចបាននូវប្រព័ន្ធនេះរួចរាល់នៅឆ្នាំ ២០២៨ និងអាចលក់ឱ្យក្រុមហ៊ុនផលិតឡានផ្សេងៗទៀត។

កិច្ចព្រមព្រៀងរវាងក្រុមហ៊ុនជប៉ុនទាំង២ដដែល សម្រេចឡើងចំពេលដែលក្រុមហ៊ុនផលិតរថយន្តជប៉ុនផ្សេងៗ កំពុងសម្លឹងប្រឡូកខ្លួនចូលទៅទីផ្សារឡានបើកបរដោយស្វ័យប្រវត្តិកម្រិតខ្ពស់ដែលកំពុងរីកចម្រើន។ វិស័យរថយន្តប្រភេទនេះ កំពុងគ្របដណ្ដប់ដោយផលិតផលរថយន្តរបស់ក្រុមហ៊ុនអាមេរិក Tesla និងក្រុមហ៊ុនចិនផ្សេងៗទៀត។

គួររំឭកថា Toyota និង NTT នៅឆ្នាំ ២០១៧ បានចាប់ដៃគ្នាដើម្បីបង្កើតបច្ចេកវិទ្យាសម្រាប់រថយន្តដែលភ្ជាប់បណ្តាញ 5G ដើម្បីជាផ្នែកមួយនៃគម្រោងទីក្រុងឆ្លាតវៃក្នុងឆ្នាំ ២០២០៕