ព័ត៌មានអន្ដរជាតិ
អារ៉ាប់រួមនឹងដកពន្ធលើ ៩៩ ភាគរយ នៃផលិតផលវៀតណាម ក្រោមកិច្ចព្រមព្រៀងពាណិជ្ជកម្មសេរីថ្មី
ប្រទេសវៀតណាម និងអេមីរ៉ាត់អារ៉ាប់រួម បានចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ (CEPA) ក្នុងគោលបំណងបង្កើនទំហំពាណិជ្ជកម្មទ្វេភាគីដល់ ១០ ប៊ីលានដុល្លារ ខណៈរដ្ឋមជ្ឈិមបូព៌ាដដែល បានប្ដេជ្ញាដកពន្ធជាបណ្ដើរៗលើ ៩៩ ភាគរយ នៃផលិតផលវៀតណាម ក្រោយកិច្ចព្រមព្រៀងថ្មីនេះ។ នេះបើតាមការចុះផ្សាយរបស់កាសែត VnExpress។
ភាគីទាំង២បានចុះហត្ថលេខាលើកិច្ចព្រមព្រៀងនេះ នៅទីក្រុងឌូបៃ កាលពីថ្ងៃចន្ទ ក្នុងអំឡុងដំណើរទស្សនកិច្ចទៅអារ៉ាប់រួមរបស់នាយករដ្ឋមន្ត្រីវៀតណាម លោក ផាម មិញ ឈិញ (Pham Minh Chinh) ដែលវាជាកិច្ចព្រមព្រៀងពាណិជ្ជកម្មសេរីដំបូងរបស់វៀតណាមជាមួយប្រជាជាតិអារ៉ាប់ ហើយបានចំណាយពេលជាង១ឆ្នាំសម្រាប់ការចរចា។
CEPA រំពឹងថានឹងផ្តល់ផលប្រយោជន៍ដល់ប្រទេសទាំង2 និងស្របតាមគោលដៅរបស់ពួកគេក្នុងការពង្រីកកិច្ចសហប្រតិបត្តិការលើវិស័យជាច្រើន ខណៈនឹងជំរុញការនាំចេញទំនិញវៀតណាម និងអនុញ្ញាតឱ្យអាជីវកម្ម ចាប់យកឱកាសពាណិជ្ជកម្ម និងវិនិយោគនៅមជ្ឈឹមបូព៌ា។
ជាមួយនឹងការដកពន្ធរបស់អារ៉ាប់រួម និងផលប្រយោជន៍ផ្សេងៗទៀត រដ្ឋមន្ត្រីក្រសួងឧស្សាហកម្ម និងពាណិជ្ជកម្មវៀតណាម លោក Nguyen Hong Dien បាននិយាយថា ការនាំចេញសំខាន់ៗរបស់វៀតណាម ដូចជាទំនិញប្រើប្រាស់ (រួមទាំងវាយនភណ្ឌ ស្បែកជើង និងអេឡិចត្រូនិក) ជលផល និងផលិតផលឈើ នឹងទទួលបានអត្ថប្រយោជន៍ពី CEPA។
ផលិតផលកសិកម្មដូចជាគ្រាប់ស្វាយចន្ទី ម្រេច និងទឹកឃ្មុំ រំពឹងថានឹងទទួលបានកាន់តែច្រើនទៅកាន់ប្រទេសអារ៉ាប់រួម និងទីផ្សារមជ្ឈិមបូព៌ាដ៏ទូលំទូលាយ ដែលមានតម្រូវការផលិតផលកសិកម្មគុណភាពខ្ពស់ ជាពិសេសផលិតផលហាឡាល និងសរីរាង្គ។
កិច្ចព្រមព្រៀង CEPA ក៏អាចទាក់ទាញការវិនិយោគរបស់អារ៉ាប់រួម ក្នុងវិស័យផលិតកម្ម កសិកម្មបច្ចេកវិទ្យាខ្ពស់ និងហេដ្ឋារចនាសម្ព័ន្ធរបស់វៀតណាមផងដែរ។ ជាមួយគ្នានោះ វៀតណាមបានប្តេជ្ញាលុបចោលការយកពន្ធតាមដំណាក់កាលៗដូចគ្នា លើ ៩៨,៥ ភាគរយ នៃផលិតផលនាំចូលពីអារ៉ាប់រួម។
គួរគូសបញ្ជាក់ថា វៀតណាម និងអារ៉ាប់រួម បានបង្កើតទំនាក់ទំនងការទូតក្នុងឆ្នាំ ១៩៩៣ ដោយអារ៉ាប់រួមគឺជាទីផ្សារនាំចេញធំបំផុតរបស់វៀតណាម និងជាដៃគូពាណិជ្ជកម្មធំទី២ បន្ទាប់ពីគុយវ៉ែត នៅអាស៊ីខាងលិច។ កាលពីឆ្នាំមុន ពាណិជ្ជកម្មទ្វេភាគីរបស់ប្រទេសទាំង២ មានតម្លៃជិត ៤,៧ ប៊ីលានដុល្លារ បន្ទាប់ពីកើនឡើង ៦ ភាគរយ ពីឆ្នាំ ២០២២៕
ស្នងការខេត្តបន្ទាយមានជ័យ ៖ បុណ្យចូលឆ្នាំថ្មីខាងមុននេះ ហាមច្រកទឹកក្នុងថង់ គប់ដាក់គ្នា
Update! សង្ស័យផ្ដើមពីផ្ទុះធុងហ្គាស ទើបឆេះឃ្លាំងរោងចក្រ៣ រាលដាលដល់ផ្ទះពលរដ្ឋ០៤ខ្នង
ព្រឹត្តិការណ៍ “សង្ក្រាន្តវត្តភ្នំ” ៣ថ្ងៃមានរៀបចំកម្មវិធីបែបប្រពៃណីជាតិ និងកម្មវិធី កម្សាន្តសប្បាយជាច្រើន
អ្នកវិភាគ និងអ្នកឃ្លាំមើល៖ នាយករដ្ឋមន្ត្រីកម្ពុជាតែងផ្ដល់អាទិភាពខ្ពស់ ចំពោះសុខទុក្ខប្រជាពលរដ្ឋ
លោក Munoz និយាយពីកីឡាករចំណូលថ្មី ក្រោយរកបាន Hat-trick
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ទូកទេសចរណ៍ផ្ទុកមនុស្ស ៣៦នាក់ ផ្ទុះឆេះនៅ ថៃ
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១១ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១១ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់