ព័ត៌មានអន្ដរជាតិ

ថៃអនុម័តការវិនិយោគថ្មី ២ ប៊ីលានដុល្លារ សម្រាប់មជ្ឈមណ្ឌលទិន្នន័យ អេឡិចត្រូនិក

បានផុស

៣ ខែ មុន

នៅ

ថ្ងៃសុក្រ ១ វិច្ឆិកា ២០២៤

ដោយ

ក្រុមប្រឹក្សាភិបាលនៃការវិនិយោគរបស់ប្រទេសថៃ (BOI) បានឱ្យថា ក្រុមប្រឹក្សាបានអនុម័តលើការវិនិយោគថ្មី ដែលមានតម្លៃ ២ ប៊ីលានដុល្លារអាមេរិក ដើម្បីអភិវឌ្ឍមជ្ឈមណ្ឌលទិន្នន័យ និងការផលិតគ្រឿងអេឡិចត្រូនិក។ នេះបើតាមការចុះផ្សាយរបស់កាសែតបាងកកប៉ុស្តិ៍។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការអនុម័តទាំងអស់ រួមបញ្ជូលទាំងការវិនិយោគ ៩៦៨,១២ លានដុល្លារ ដោយក្រុមហ៊ុន Google ដែលជាក្រុមហ៊ុនបុត្រសម្ព័ន្ធរបស់ Alphabet Inc ដើម្បីបង្កើតមជ្ឈមណ្ឌលទិន្នន័យដ៏ធំមួយក្នុងប្រទេសថៃ។

កាលពីថ្ងៃអង្គារ BOI បានរាយការណ៍ថា ក្រុមហ៊ុនផ្តល់សេវាពពកអាមេរិក Equinix បានប្រកាសថា ខ្លួននឹងវិនិយោគចំនួន ៥០០ លានដុល្លារ ក្នុងការអភិវឌ្ឍន៍មជ្ឈមណ្ឌលទិន្នន័យនៅថៃក្នុងរយៈពេល ១០ ឆ្នាំ ដើម្បីបម្រើតម្រូវការដែលកើនឡើងពីអតិថិជននៅក្នុងតំបន់ CLMVT ដែលសំដៅលើកម្ពុជា ឡាវ មីយ៉ាន់ម៉ា វៀតណាម និងថៃ។

មន្រ្តី BOI បាននិយាយថា ការវិនិយោគរបស់ក្រុមហ៊ុន Equinix នឹងជំរុញហេដ្ឋារចនាសម្ព័ន្ធឌីជីថលរបស់ថៃ ហើយអនុញ្ញាតឱ្យអាជីវកម្មប្រើបណ្តាញឌីជីថលដែលមានគុណភាពខ្ពស់ ដែលអាចឱ្យពួកគេបង្កើតផលិតផល និងសេវាកម្មថ្មីៗ។

គួរគូសបញ្ជាក់ថា រដ្ឋាភិបាលថៃបានផ្ដល់ការលើកទឹកចិត្តផ្សេងៗដើម្បីទាក់ទាញការវិនិយោគទាំងក្នុង និងក្រៅស្រុក សម្រាប់វិស័យមជ្ឈមណ្ឌលទិន្នន័យ និងបច្ចេកវិទ្យាពាក់ព័ន្ធ ដើម្បីសម្រេចបាននូវគោលដៅក្លាយជាមជ្ឈមណ្ឌលទិន្នន័យនៃតំបន់អាស៊ាននៅឆ្នាំ២០២៧៕