ព័ត៌មានអន្ដរជាតិ
ក្រុមហ៊ុនបច្ចេកវិទ្យាអាមេរិក ព្រួយបារម្ភពីព្រាងច្បាប់វៀតណាម ស្ដីពីការរឹតត្បឹតលំហូរទិន្នន័យ
ក្រុមហ៊ុនបច្ចេកវិទ្យាអាមេរិកផ្សេងៗបានព្រមានរដ្ឋាភិបាលវៀតណាមថា សេចក្តីព្រាងច្បាប់ដែលរឹតបន្តឹងការការពារទិន្នន័យ និងកំណត់ការផ្ទេរទិន្នន័យទៅក្រៅប្រទេស នឹងរឹតត្បឹតវេទិកាបណ្ដាញសង្គម និងប្រតិបត្តិករមជ្ឈមណ្ឌលទិន្នន័យ មិនឱ្យរីកលូតលាស់អាជីវកម្មរបស់ពួកគេនៅក្នុងប្រទេស។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
លោក Jason Oxman ប្រធានក្រុមប្រឹក្សាឧស្សាហកម្មព័ត៌មានវិទ្យាអាមេរិក (ITI) ដែលជាសមាគមពាណិជ្ជកម្មតំណាងក្រុមហ៊ុនធំៗដូចជា Meta, Google, ក្រុមហ៊ុនប្រតិបត្តិការមជ្ឈមណ្ឌលទិន្នន័យ Equinix បានថ្លែងថា សេចក្តីព្រាងច្បាប់វៀតណាម នឹងបង្កើតការលំបាកសម្រាប់ក្រុមហ៊ុនបច្ចេកវិទ្យា វេទិកាបណ្ដាញសង្គម និងប្រតិបត្តិករមជ្ឈមណ្ឌលទិន្នន័យ ក្នុងការឈោងទៅដល់អតិថិជន។
មន្រ្តីវៀតណាមបានឱ្យដឹងថា សេចក្តីព្រាងច្បាប់ ដែលសភាវៀតណាមកំពុងពិភាក្សាគ្នា ក៏ត្រូវបានរៀបចំឡើងផងដែរ ដើម្បីសម្រួលដល់ការទទួលបានព័ត៌មានរបស់អាជ្ញាធរ និងមានការជំរុញពីក្រសួងសន្តិសុខសាធារណៈ។ ការព្រាងច្បាប់នេះឡើង ធ្វើឡើងចំពេលដែលវៀតណាមមានបំណងជំរុញឧស្សាហ៍កម្មមជ្ឈមណ្ឌលទិន្នន័យរបស់ខ្លួនក្រោមការវិនិយោគបរទេសនារយៈពេលប៉ុន្មានឆ្នាំខាងមុខ ខណៈប្រទេសដែលមានប្រជាជន ១០០ លាននាក់មួយនេះ គឺជាទីផ្សារដ៏ធំបំផុតមួយរបស់ពិភពលោកសម្រាប់វេទិកាបណ្ដាញសង្គមដូចជា Facebook ជាដើម។
ប្រសិនបើដំណើរការប្រកបទៅដោយរលូន សភាវៀតណាមអាចនឹងអនុម័តសេចក្ដីព្រាងច្បាប់ដដែលនៅថ្ងៃទី ៣០ ខែវិច្ឆិកា នេះ។ នាពេលបច្ចុប្បន្ន បទប្បញ្ញត្តិវៀតណាមដែលមានស្រាប់ បានកំណត់ការផ្ទេរទិន្នន័យឆ្លងដែនរួចទៅហើយសម្រាប់កាលៈទេសៈមួយចំនួន ប៉ុន្តែកម្រនឹងអនុវត្តណាស់។
ក្នុងចំណោមបទប្បញ្ញត្តិនៃសេចក្តីព្រាងច្បាប់នេះ គឺការតម្រូវឱ្យមានការអនុញ្ញាតជាមុនសម្រាប់ការផ្ទេរទៅក្រៅប្រទេសនៃ «ទិន្នន័យស្នូល» និង «ទិន្នន័យសំខាន់ៗ» ដែលបច្ចុប្បន្នត្រូវបានកំណត់មិនច្បាស់លាស់។ លោក Oxman បានប្រាប់រ៉យទ័រថា៖ «វានឹងរារាំងប្រតិបត្តិការអាជីវកម្មបរទេស»។
ក្រុមហ៊ុនបច្ចេកវិទ្យា និងក្រុមហ៊ុនផ្សេងទៀតពេញចិត្តលំហូរទិន្នន័យឆ្លងដែន ដើម្បីកាត់បន្ថយការចំណាយ និងកែលម្អសេវាកម្ម ប៉ុន្តែយុត្តាធិការជាច្រើន រួមទាំងសហភាពអឺរ៉ុប និងប្រទេសចិន បានកំណត់ការផ្ទេរទាំងនោះ ដើម្បីគ្រប់គ្រង «ឯកជនភាព និងព័ត៌មានរសើប»៕
បុគ្គល លី សាម៉េត សារភាពថា«ខ្លួនពិតជាបានយកឈ្មោះសម្ដេចតេជោ ទៅបោកលុយអ្នកដទៃ» និងសុំពេលព្យាបាលជំងឺមួយរយៈ រួចនឹងទៅទទួលទោសតាមផ្លូវច្បាប់
កម្ពុជាជាប់ចំណាត់ថ្នាក់លេខ១ ជាគោលដៅទេសចរសម្រាប់ឆ្នាំ ២០២៥
ក្រុមហ៊ុនបច្ចេកវិទ្យាអាមេរិក ព្រួយបារម្ភពីព្រាងច្បាប់វៀតណាម ស្ដីពីការរឹតត្បឹតលំហូរទិន្នន័យ
ក្រុមចម្រៀងស្រី NewJeans ក្លាយជាទូតសុច្ឆន្ទៈរបស់អុីនដូមី
ការវិនិយោគបរទេសនៅថៃ កើនឡើងខ្លាំងនៅរយៈពេល ៩ ខែ ដើមឆ្នាំ
កម្ពុជា រងឥទ្ធិពលរបបខ្យល់មូសុងឦសានខ្លាំងដល់ថ្ងៃទី៦វិច្ឆិកា
អគ្គិភ័យឆេះផ្សារបឹងឈូក ក្នុងក្រុងបាត់ដំបង
បុគ្គល លី សាម៉េត សារភាពថា«ខ្លួនពិតជាបានយកឈ្មោះសម្ដេចតេជោ ទៅបោកលុយអ្នកដទៃ» និងសុំពេលព្យាបាលជំងឺមួយរយៈ រួចនឹងទៅទទួលទោសតាមផ្លូវច្បាប់
ក្រុមនិស្សិតប្លាស្ទិក ផ្តើមយុទ្ធនាការសម្អាតសំរាមនៅកោះស្តេចប្រែក្លាយជាតំបន់ទេសចរណ៍ដ៏ទាក់ទាញ
Update៖ អគ្គិភ័យឆេះផ្សារបឹងឈូកក្នុងក្រុងបាត់ដំបង អស់តូបលក់ដូរចំនួន១៥០
-
ជីវិតកម្សាន្ដ៥ ថ្ងៃ agoMiss Grand មីយ៉ាន់ម៉ា លេចធ្លោ និងឈ្នះមកុដធំៗចំនួន ៥ ទោះអាយុទើប១៨ឆ្នាំក្ដី
-
ព័ត៌មានអន្ដរជាតិ៤ ថ្ងៃ agoបាតុភូត ផែនដីមានព្រះចន្ទ២ នឹងបន្តរហូតដល់ចុងខែវិច្ឆិកា
-
ព័ត៌មានជាតិ៤ ថ្ងៃ agoម៉ាស៊ីនស្វ័យប្រវត្តិ ថតបានភស្តុងតាងសត្វកម្រ ១០៨ ប្រភេទ ក៏មានហ្វូងសត្វឆ្កែព្រៃចុងក្រោយបង្អស់នៅកម្ពុជា
-
ព័ត៌មានជាតិ៤ ថ្ងៃ agoអគារជាប់គាំងនៅខេត្តព្រះសីហនុ ចាប់ផ្តើមសកម្មភាពសាងសង់ឡើងវិញបណ្តើរៗ
-
សេដ្ឋកិច្ច៤ ថ្ងៃ agoក្រុមហ៊ុនវៀតណាម ដាក់ទុនវិនិយោគជាង $៨០០ លាន លើឧស្សាហកម្មកៅស៊ូនៅកម្ពុជា
-
ជីវិតកម្សាន្ដ៥ ថ្ងៃ agoខណៈរឿង កូនប្រសារស្រី ផ្ទុះល្បីឡើងវិញ អ្នកស្រី ពាន់ ភួងបុប្ផា បង្ហោះសារបែបនេះ ភ្ជាប់ជាមួយលីងរឿងពេញ!
-
សន្តិសុខសង្គម១ សប្តាហ៍ agoអ្នកភូមិគោកដូង ជិតពាក់កណ្ដាលជាអ្នកប្រកបរបររាវខ្យងលក់ ខណៈមានឈ្មួញនាំចេញទៅប្រទេសជិតខាង
-
ព័ត៌មានជាតិ៥ ថ្ងៃ agoបេក្ខជនប្រឡងបាក់ឌុបឆ្នាំនេះ ជាប់ជាង ១០ ម៉ឺននាក់ ក្នុងនោះសិស្សជាប់និទ្ទេស A មានជាង ២ ពាន់នាក់