ព័ត៌មានជាតិ

វិស័យពាណិជ្ជកម្មអេឡិចត្រូនិករបស់វៀតណាមកើនឡើង ១៨ភាគរយ

បានផុស

២ ខែ មុន

នៅ

ថ្ងៃសៅរ៍ ៩ វិច្ឆិកា ២០២៤

ដោយ

ទីផ្សារ e-commerce របស់វៀតណាមត្រូវបានប៉ាន់ប្រមាណថារកចំណូលបានចំនួន ២២ពាន់លានដុល្លារនៅឆ្នាំនេះ ដោយជាប់ចំណាត់ថ្នាក់ទីបីនៅក្នុងតំបន់អាស៊ីអាគ្នេយ៍ បន្ទាប់ពីប្រទេសឥណ្ឌូនេស៊ីដែមានចំនួន៦៥ ពាន់លានដុល្លារ និងប្រទេសថៃ ២៦ ពាន់លានដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ទីផ្សារអនឡាញរបស់វៀតណាមបានកើនឡើង ១៨ ភាគរយធៀបនឹងឆ្នាំមុន ដែលជាអត្រាលឿនបំផុតជាប់ចំណាត់ថ្នាក់ទីបីនៅពីក្រោយប្រទេសហ្វីលីពីន (២៣ភាគរយ) និងប្រទេសថៃ (១៩ ភាគរយ) នេះបើយោងតាមរបាយការណ៍ e-Conomy SEA ២០២៤ ដោយ Google, Temasek និង Bain & Company ។

ទីផ្សារអនឡាញរបស់វៀតណាមត្រូវបានគេព្យាករណ៍ថានឹងរក្សាបាននូវអត្រាកំណើនជាមធ្យមជាង ១៩ភាគរយជារៀងរាល់ឆ្នាំ និងឈានដល់ ៦៣ពាន់លានដុល្លារនៅឆ្នាំ ២០៣០0។ ការណ៏នេះត្រូវបានព្យាករណ៍ថានឹងវ៉ាដាច់ប្រទេសថៃដែលជាប់ចំណាត់ថ្នាក់ទី ២ ក្នុងតំបន់ នៅពីក្រោយប្រទេសឥណ្ឌូនេស៊ី។

ពាណិជ្ជកម្មតាមប្រព័ន្ធអេឡិចត្រូនិកមានចំនួនជាង ៦០ ភាគរយនៃសេដ្ឋកិច្ចឌីជីថលរបស់វៀតណាមនៅឆ្នាំនេះ ដោយបង្កើតវាជាកត្តាជំរុញកំណើនដ៏សំខាន់មួយក្នុងចំណោមកត្តាជំរុញកំណើនដ៏សំខាន់ពីរជាមួយនឹងវិស័យទេសចរណ៍តាមអ៊ីនធឺណិត។

សម្រាបផ្លេតហ្វមពាណិជ្ជកម្មអេឡិចត្រូនិកលក់រាយ រួមមាន Shopee, TikTok Shop, Lazada, Tiki និង Sendo ថ្មីៗនេះត្រូវបានបណ្តាក់ទុនដោយក្រុមហ៊ុនយក្សដូចជា Shein ដើម្បីពង្រីកជម្រើសទីផ្សារបន្ថែមទៀត។

ការផ្លាស់ប្តូរនេះបានជំរុញការផ្សាយផ្ទាល់ និងទំនិញដែលមានតម្លៃសមរម្យនៃនិន្នាការពាណិជ្ជកម្មអេឡិចត្រូនិក។