ព័ត៌មានអន្ដរជាតិ
ការងើបឡើងវិញនៃទេសចរណ៍ថៃ ជំរុញការវិនិយោគលើវិស័យសណ្ឋាគារ
ការងើបឡើងវិញនៃឧស្សាហកម្មទេសចរណ៍ថៃ បានជំរុញការវិនិយោគលើវិស័យសណ្ធាគាររបស់ប្រទេស ដែលពឹងផ្អែកលើវិស័យទេសចរណ៍ដើម្បីគាំទ្រកំណើនសេដ្ឋកិច្ចមួយនេះ។ នេះបើតាមការចុះផ្សាយរបស់កាសែត The Nation កាលពីចុងសប្ដាហ៍។
យោងតាមរបាយការណ៍ដែលចេញផ្សាយថ្មីៗនេះ ពីក្រុមហ៊ុនភ្នាក់ងារអចលនទ្រព្យពាណិជ្ជកម្ម Colliers International Thailand (CIT) ប្រទេសថៃបានកត់ត្រាពីកិច្ចព្រមព្រៀងអភិវឌ្ឍន៍សណ្ឋាគារចំនួន ១២ ក្នុងតម្លៃសរុប ១៦ ប៊ីលានបាត គិតតែក្នុងឆ្នាំ ២០២៤។
នាយកផ្នែកស្រាវជ្រាវ និងទំនាក់ទំនងរបស់ CIT លោក Pattarachai Taweewong បានកត់សម្គាល់ថា សណ្ឋាគារទាំងនោះមានទីតាំងជាយុទ្ធសាស្ត្រនៅក្នុងបណ្ដាគោលដៅទេសចរណ៍ល្បីៗផ្សេងៗ ដូចជាកោះភូកេត ក្រុងបាងកក ក្រុងឈៀងម៉ៃ និងកោះសាមុយជាដើម។ មន្រ្តីដដែលអះអាងថា៖ «យើងប៉ាន់ប្រមាណថា ចំណូលសរុប(ពីវិស័យសណ្ធាគារ)សម្រាប់ឆ្នាំនេះ នឹងឡើងដល់ ១៨ ប៊ីលានបាត ដែលជាចំនួនខ្ពស់បំផុតក្នុងរយៈពេល ៥ ឆ្នាំកន្លងមកនេះ»។
លោក Pattarachai បន្តថា៖ «ទីផ្សារសណ្ឋាគារថៃ បន្តទាក់ទាញការចាប់អារម្មណ៍ខ្លាំងពីអ្នកវិនិយោគក្នុងស្រុក និងបរទេស ជាពិសេសប្រតិបត្តិករធំៗ។ ពួកគេកំពុងសកម្មក្នុងការស្វែងរកសណ្ឋាគារដែលមានតម្លៃសមរម្យតាមទិសដៅសំខាន់ៗដូចជាក្រុងបាងកក ភូកេត កោះសាមុយ ប៉ាតាយ៉ា និងឈៀងម៉ៃ ដើម្បីជួសជុល និងប្តូរឈ្មោះឡើងវិញ»។
ការកើនឡើងនៃតម្រូវការសណ្ធាគារពីភ្ញៀវទេសចរ បាននាំឱ្យមានការកើនឡើងគួរឱ្យកត់សម្គាល់នៅក្នុងអត្រាស្នាក់នៅរបស់សណ្ឋាគារ។ CIT បានលើកឡើងថា ការកើនឡើងនៃការវិនិយោគលើវិស័យសណ្ឋាគារ មានទំនាក់ទំនងដោយផ្ទាល់ទៅនឹងការស្ទុះងើបឡើងវិញនៃឧស្សាហកម្មទេសចរណ៍របស់ថៃ ក្រោយវិបត្តិកូវីដ១៩។
ក្នុងរយៈពេល៣ត្រីមាសដំបូងនៃឆ្នាំនេះ ថៃបានស្វាគមភ្ញៀវទេសចរបរទេសជាង ២៦,០៨ លាននាក់ ដោយកើនឡើង ៣០ ភាគរយ ធៀបនឹងរយៈពេលដូចគ្នាកាលពីឆ្នាំមុន។ ប្រភពភ្ញៀវសំខាន់ៗរួមមានចិន ម៉ាឡេស៊ី ឥណ្ឌា កូរ៉េខាងត្បូង រុស្ស៊ី ឡាវ តៃវ៉ាន់ វៀតណាម ជប៉ុន និងសហរដ្ឋអាមេរិក៕
ការងើបឡើងវិញនៃទេសចរណ៍ថៃ ជំរុញការវិនិយោគលើវិស័យសណ្ឋាគារ
ទូកល្បីប្រកួតមិនដែលចាញ់ “នរិន្ទរង្សី ពិជ័យចិត្របុត្រ” រៀបចំពិធីបួងសួងត្រៀមចេញដំណើរប្រកួតនៅទីក្រុងភ្នំពេញ
កម្មវិធីទូទាត់បាគងទេសចរជាមួយ Mastercardត្រូវបានដាក់ឱ្យដំណើការដើម្បីសម្រួលការទូទាត់ដល់ភ្ញៀវទេសចរអន្តរជាតិ
ក្រុមហ៊ុនបារាំងជំនាញ ផលិតកែច្នៃគ្រឿងអលង្ការ បើកដំណើរការរោងចក្រនៅកម្ពុជា
រដ្ឋបាលខណ្ឌជ្រោយចង្វារ សម្អាតបរិស្ថាន-អនាម័យ និងណែនាំទូកនេសាទ មិនឲ្យចតនៅខាងក្រោយសណ្ឋាគារសុខា
ត្រាំ ព្រមានពូទីន ខ្លាំងៗ ក្នុងការនិយាយទូរស័ព្ទលើកដំបូង ក្រោយជាប់ឆ្នោតអាណត្តិថ្មី
រឿងប្លែកទៀតហើយនៅ ឥណ្ឌា មនុស្សឈរតម្រង់ជួរត្រងទឹកម៉ាស៊ីនត្រជាក់ផឹក ព្រោះជឿថាបរិសុទ្ធ
ព្យុះសង្ឃរា ទី២២ និងព្យុះទី២៣ ចាប់ផ្ដើមដើរលើគន្លងតែមួយបង្កើនឥទ្ធិពលខ្លាំងលើរបបខ្យល់មូសុងឦសាន
អ៊ុយក្រែន បើកការវាយប្រហារដោយដ្រូនធំបំផុតមិនធ្លាប់មានលើក្រុងមូស្គូ
ផ្លូវលំប្រវែង ៥០គីឡូម៉ែត្រ ពីទីរួមខេត្តមណ្ឌលគិរី ទៅឃុំចុងផ្លាស់ ត្រូវបានជួសជុលឡើងវិញ
-
ព័ត៌មានជាតិ៤ ថ្ងៃ agoជង្ហុកជាច្រើនកន្លែងលើកំណាត់ផ្លូវ ៦០៨ បង្កគ្រោះថ្នាក់ដល់អ្នកដំណើរជារឿយៗ
-
ជីវិតកម្សាន្ដ៥ ថ្ងៃ agoលោក អ៊ិន សុភិន ចេញមុខអះអាងថា ខ្លួនមិនពាក់ព័ន្ធទេ ក្រោយផ្ទុះរឿងទិញសិទ្ធិ Miss Grand 2025
-
ជីវិតកម្សាន្ដ៥ ថ្ងៃ agoបវរកញ្ញាមីយ៉ាន់ម៉ា បង្ហាញខ្លួនលើកដំបូង ក្រោយបាត់បង់តំណែងលេខ២ MGI
-
ជីវិតកម្សាន្ដ៥ ថ្ងៃ agoអ្នកស្រី អ៊ឹម សុគន្ធា បញ្ជាក់ថា ព្រោះតែងរឿងចង់ចាញ់ឈ្នះ មានអ្នកខ្លះចង់ទិញសិទ្ធិ Miss Grand 2025
-
ជីវិតកម្សាន្ដ៣ ថ្ងៃ agoធ្លាយវីដេអូរសើប Selena ក្នុងពិធីជប់លៀងរបស់ Diddy ពី Weibo ចិន
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលរបបខ្យល់មូសុងឦសានខ្លាំងដល់ថ្ងៃទី៦វិច្ឆិកា
-
ព័ត៌មានជាតិ៦ ថ្ងៃ agoព្យុះទី២២ ឈ្មោះ ឃីនស៊ីង នឹងជះឥទ្ធិពលលើកម្ពុជា ចាប់ពីថ្ងៃនេះដល់ថ្ងៃទី៧វិច្ឆិកា
-
ព័ត៌មានជាតិ៥ ថ្ងៃ agoក្រុមហ៊ុនចិន គ្រោងពង្រីកការវិនិយោគលើដំណាំដំឡូងមី ស្វាយចន្ទី ដំឡើងរោងចក្រកែច្នៃគ្រាប់ស្វាយចន្ទីនៅកម្ពុជា