ព័ត៌មានអន្ដរជាតិ

OPEC ទម្លាក់ការព្យាករកំណើនតម្រូវការប្រេងសម្រាប់ ២០២៤ និង ២០២៥

បានផុស

២ ខែ មុន

នៅ

ថ្ងៃពុធ ១៣ វិច្ឆិកា ២០២៤

ដោយ

អង្គការនៃប្រទេសនាំចេញប្រេងកាត (OPEC) បានទម្លាក់ការព្យាកររបស់ខ្លួន លើកំណើនតម្រូវការប្រេងសកលសម្រាប់ឆ្នាំ ២០២៤ និងឆ្នាំ ២០២៥ ដោយសារតែកម្សោយនៃតម្រូវការនៅចិន ឥណ្ឌា និងតំបន់ផ្សេងៗទៀត។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទស្សនវិស័យចុងក្រោយនេះ បង្ហាញពីបញ្ហាដែល OPEC និងសម្ព័ន្ធមិត្ត (OPEC+) កំពុងប្រឈមមុខ ខណៈក្រុមនេះបន្តការកាត់បន្ថយផលិតកម្មប្រេងរបស់ខ្លួន ដើម្បីស្ដារតម្លៃដែលធ្លាក់ចុះ។

ក្នុងរបាយការណ៍ប្រចាំខែចេញផ្សាយកាលពីថ្ងៃអង្គារ OPEC បាននិយាយថា តម្រូវការប្រេងពិភពលោកនឹងកើនឡើង ១,៨២ លានបារ៉ែល/ថ្ងៃ ក្នុងឆ្នាំ ២០២៤ ដោយទាបជាងការព្យាករ ១,៩៣ លានបារ៉ែល/ថ្ងៃ កាលពីខែមុន។ ទស្សនវិស័យកំំណើនប្រចាំឆ្នាំ ២០២៥ វិញ ក៏ត្រូវបានទម្លាក់ចុះផងដែរ មកត្រឹម ១,៥៤ លានបារ៉ែល/ថ្ងៃ ពី ១,៦៤ លានបារ៉ែល/ថ្ងៃ។

របាយការណ៍បង្ហាញទៀតថា ចិនរួមចំណែកមួយភាគធំ លើការបន្ទាបការព្យាករសម្រាប់ឆ្នាំ ២០២៤ ដោយកំណើនតម្រូវការក្នុងប្រទេសនេះត្រូវបានបន្ថយមកត្រឹម ៤៥០ ០០០ បារ៉ែល/ថ្ងៃ ពី ៥៨០ ០០០ បារ៉ែល/ថ្ងៃ ដោយសារតែកម្សោយនៃសកម្មភាពរោងចក្រ និងសំណង់ ចំពេលសេដ្ឋកិច្ចចិនស្ថិតនៅក្នុងភាពស្រពិចស្រពិល៕