សេដ្ឋកិច្ច
តម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល
ប្រជាកសិករនៅតាមបណ្ដាស្រុកនានានៅក្នុងខេត្តបាត់ដំបង កំពុងមមាញឹកប្រមូលផលដំណាំពោតក្រហម និងដំឡូងមី ដើម្បីលក់លើទីផ្សារ ខណៈនៅក្នុងឆ្នាំនេះ កសិករនាំគ្នាត្អូញត្អែរថា តម្លៃពោតក្រហម និងដំឡូងមីធ្លាក់ចុះជាងឆ្នាំមុន។
កសិករក្នុងស្រុកភ្នំព្រឹក និងស្រុកបាណន់ បានឲ្យដឹងថា ពេលដល់រដូវប្រមូលផលម្តងៗ ពួកគេតែងសប្បាយចិត្ត ដោយសារតែដល់ពេលបានថវិកាទ្រទ្រង់សេដ្ឋកិច្ចគ្រួសារដែលកំពុងខ្វះខាត ហើយមួយផ្នែកទៀត ក៏បានសងដល់ធនាគារ ហើយប្រសិនបើដល់រដូវកាលដាំដុះជាថ្មី យើងងាយស្រួលខ្ចីបន្តទៀត បើសិនជាយើងមានការខ្វះខាតទុន។
ប៉ុន្តែ សម្រាប់ដំឡូងមី និងពោតក្រហម ឆ្នាំនេះ នៅតាមសាយឡូ បានធ្លាក់តម្លៃជាងឆ្នាំកន្លងទៅ ធ្វើឲ្យកសិករដែលបានដាំលើផ្ទៃដីទំហំធំ មិនសូវបានសល់ថវិកា ព្រោះចំណាយទៅលើកម្លាំងពលករ ហើយអ្នកដែលបានធ្វើលើទំហំដីតិចតួច ក៏មិនសូវបានចំណូលប៉ុន្មានដែរ។
អ្នកស្រី សុខ ឃឿន ជាកសិករនៅក្នុងស្រុកបាណន់ បានឲ្យដឹងថា ឆ្នាំនេះអ្នកស្រីបានដាំដំឡូងមី មិនបានច្រើនដូចឆ្នាំកន្លងទៅនោះទេ ដោយសារតែខ្វះខាតទុន គឺធ្វើតាមលទ្ធភាពខ្លួនឯងមិនបានខ្ចីបុលពីធនាគារដូចឆ្នាំមុននោះទេ។
អ្នកស្រីថា៖ «ឆ្នាំនេះបើទោះបីជាបានទិន្នផលតិចតួចមែន តែបានចំណូលមកវិញគឺ មិនបាច់សងបំណុលទៅណាទេ បើសល់ខ្ញុំអាចបង្កើនផ្ទៃដីដាំបន្ត តែឆ្នាំនេះធ្វើបានតិចហើយ ត្រូវធ្លាក់តម្លៃជាងឆ្នាំមុនទៅវិញ»។
ដោយឡែកកសិករម្នាក់ទៀត នៅស្រុកភ្នំព្រឹក លោក រិនដា បានត្អូញត្អែរថា៖ «ឆ្នាំនេះខាងសាយឡូ ទម្លាក់តម្លៃដំណាំដំឡូងមី និងពោតក្រហមជាង ២០០រៀល ក្នុង ១ គីឡូក្រាម តែលោកថា ប្រហែលជា ៥ ថ្ងៃមុន លោកក៏បានលក់ពោតក្រហមខាតជាងនេះទៅទៀត តែពេលនេះបានឡើងបន្តិចវិញខ្លះហើយ»។
ស្របពេលជាមួយគ្នានេះដែរ មន្ត្រីនៃមន្ទីរកសិកម្មខេត្តបានឲ្យដឹងថា បើគិតត្រឹមខែតុលា នេះ កសិករនៅតាមបណ្តាស្រុកទូទាំងខេត្តបានប្រមូលផលដំណាំសាកវប្បកម្ម និងឧស្សាហកម្ម បានប្រហែលពាក់កណ្តាលនៃផ្ទៃដីដាំដុះឆ្នាំនេះសរុប ជាង ២០ម៉ឺនហិកតា ខណៈឆ្នាំកន្លងទៅផ្ទៃដីដាំដុះសរុបចំនួនជាង ២៣ម៉ឺន ៦ពាន់ហិកតា បើធៀបឆ្នាំមុនចំនួនថយចុះជាង ៣ ពាន់ហិកតា។
លោក ឈឹម វជ្ជរ៉ា ប្រធានមន្ទីរកសិកម្មខេត្តបាត់ដំបង បានឲ្យដឹងដែរថា បើគិតមកទល់ពេលនេះ ការងារប្រមូលផល ពោតក្រហម បានចំនួន ៦០% នៃផ្ទៃដីដាំដុះសរុបជាង ១១ម៉ឺន ៧ពាន់ហិកតា និងការងារប្រមូលផល ដំឡូងមី បានចំនួន ៤០% នៃផ្ទៃដីដាំដុះសរុបជាង ១០ម៉ឺន ៨ពាន់ហិកតា។
លោកបន្តថា តម្លៃពោត និង ដំឡូងមី ឆ្នាំនេះ បើប្រៀបធៀបនិងឆ្នាំមុន មិនខុសគ្នាប៉ុន្មានទេ ឆ្នាំនេះអាចខុសគ្នាតិចតួច ឬប្រហាក់ប្រហែលឆ្នាំមុន អាស្រ័យលើគុណភាពគ្រាប់ពោត និងកម្រិតធាតុម្សៅក្នុងដំឡូងមី ខណៈរបាយការណ៍ពីខាងមន្ទីរកសិកម្មបានបង្ហាញថា តម្លៃពោតក្រហមទាំងស្នូល តម្លៃ ៥,៧៥បាត ពោតគ្រាប់សំណើម តម្លៃ ៧,៣បាត ចំណែកដំឡូងមីស្រស់ តម្លៃ ២,៣បាត និង ដំឡូងស្ងួតតម្លៃ ៦,៥បាត ខណៈតម្លៃខាងលើនេះ មិនខុសគ្នានិងតម្លៃនៅតាម សាយឡូ បានកំណត់នោះទេ តែគេសង្កេតឃើញខុសត្រូវគ្នាតែប៉ុន្មានកាក់តែប៉ុណ្ណោះនៅតាមសាយឡូ នីមួយៗ៕
អត្ថបទ៖ សៅ សារិទ្ធ
លោកស្រី ជា សិរី៖ការប្រែក្លាយមណ្ឌលសិក្សាទៅជាវិទ្យាស្ថានរួមចំណែកដល់ការអភិវឌ្ឍវិស័យធនាគារនិងសេដ្ឋកិច្ចកម្ពុជា
នគរបាលខណ្ឌពោធិ៍សែនជ័យ ចុះល្បាតតាមភូមិសាស្ត្រ ឃាត់ខ្លួនក្មេងទំនើង ៥ នាក់
កម្ពុជា-វៀតណាម រៀបចំតាំងពិព័រណ៍ផលិតផលសក្តានុពលរួមគ្នារយៈពេល៥ថ្ងៃ នៅក្នុងខេត្តមណ្ឌលគិរី
គម្រោងសាងសង់ផ្លូវក្រវាត់ព្រំដែន សម្រេចបានលទ្ធផលមួយចំនួន បន្ទាប់ពីបើកការដ្ឋានជិត ២ ខែ
ឡើងដឹកនាំជាអភិបាលខេត្តព្រះសីហនុបន្តពីលោក គួច ចំរើន លោក ម៉ាង ស៊ីណេត ប្រាប់ពីផែនការក្នុងការដឹកនាំអភិវឌ្ឍខេត្តព្រះសីហនុ
ស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
ឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
នាយករដ្ឋមន្ត្រីបញ្ជាឱ្យពិនិត្យធ្វើវិសោធនកម្មច្បាប់រឹតបន្ដឹងលើសកម្មភាពក្មេងទំនើង
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ៧ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម២ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៦ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៦ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
សន្តិសុខសង្គម១៧ ម៉ោង agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ