ព័ត៌មានអន្ដរជាតិ
វៀតណាមជាប់ឈ្មោះជាប្រទេសនាំចេញដ៏កំពូលមួយលើពិភពលោក
អង្គការពាណិជ្ជកម្មពិភពលោក (WTO) បានឱ្យដឹងថា វៀតណាមជាប់ចំណាត់ថ្នាក់ទី ២៣ ក្នុងចំណោមប្រទេស កំពូលៗចំនួន ៣០ ដែលនាំមុខគេលើការនាំចេញ ក្នុងឆ្នាំ ២០២៣ ជាឆ្នាំដែល WTO បានកត់ត្រាពីការធ្លាក់ចុះ ៥ ភាគរយ នៃការនាំចេញជាសកល មកត្រឹម ២៣,៨ ទ្រីលានដុល្លារ ធៀបនឹងឆ្នាំ ២០២២។ នេះបើតាមការចុះផ្សាយរបស់កាសែត Viet Nam News។
![](https://www.kampucheathmey.com/wp-content/uploads/2024/11/image-1308-1024x768.png)
វៀតណាមបាននាំចេញសរុបជាទឹកប្រាក់ ៣៥៤ ប៊ីលានដុល្លារ ក្នុងឆ្នាំ ២០២៣ ដោយរួមចំណែកប្រមាណ ១,៥ ភាគរយលើការនាំចេញសរុបរបស់សកល។ ទោះយ៉ាងណាក៏ដោយ តម្លៃនេះបានធ្លាក់ចុះ ៤,៦ ភាគរយ (ប្រហែល ១៧,០៤ ប៊ីលានដុល្លារ) បើធៀបនឹងឆ្នាំ ២០២២។
វិស័យដែលវៀតណាមបានកត់ត្រាពីការធ្លាក់ចុះគួរឱ្យកត់សម្គាល់រួមមាន ទូរស័ព្ទ និងគ្រឿងបន្លាស់ វាយនភណ្ឌ សម្លៀកបំពាក់ និងស្បែកជើង ផលិតផលឈើ គ្រឿងម៉ាស៊ីន គ្រឿងឧបករណ៍ និងគ្រឿងបន្លាស់ផ្សេងៗ និងសារធាតុគីមី និងផលិតផលគីមី ជាដើម។
យ៉ាងណាមិញ វៀតណាមក៏បានមើលឃើញផងដែរ ពីកំណើននៃការនាំចេញតាមវិស័យមួយចំនួន ដូចជា ផ្លែឈើ និងបន្លែ យានយន្ត និងគ្រឿងបន្លាស់ អង្ករ និងគ្រាប់ស្វាយចន្ទី ជាដើម។
![](https://www.kampucheathmey.com/wp-content/uploads/2024/11/image-1309.png)
ភាពខ្លាំងនៃការនាំចេញរបស់វៀតណាម ត្រូវបានអ្នកជំនាញគូសភ្ជាប់ទៅនឹងកត្តាជាច្រើន រួមទាំងកំណើននៃផលិតផលនាំចេញ គួបផ្សំនឹងកិច្ចព្រមព្រៀងពាណិជ្ជកម្មសេរីពហុភាគី និងទ្វេភាគីផ្សេងៗ ដែលវៀតណាមមានជាមួយប្រទេសជាច្រើនលើពិភពលោក។
ប៉ុន្តែ ការធ្លាក់ចុះនៃការនាំចេញសរុបរបស់វៀតណាមក្នុងឆ្នាំ ២០២៣ គឺជារូបភាពដូចគ្នាដែលប្រទេសចំនួន ២០ ក្នុងចំណោមប្រទេសកំពូលៗ ៣០ បានជួបប្រទះ ដែលវាជាលទ្ធផលនៃរបាំងពាណិជ្ជកម្មសកល ដែលបណ្ដាលមកពីកំណើននៃវិធានការពាណិជ្ជកម្មបែបការពារនិយម។
ទោះបីជាបែបនេះក៏ដោយ ចិននៅតែបន្តជាប្រទេសនាំចេញកំពូលរបស់ពិភពលោក ដោយក្នុងឆ្នាំ ២០២៣ ប្រទេសនេះបាននាំចេញសរុបជាទឹកប្រាក់ ៣,៤ ទ្រីលានដុល្លារ ដោយលើសការនាំចេញរបស់អាមេរិក ប្រមាណ ១,៤ ទ្រីលាន ដុល្លារ៕
![](https://kampucheathmey.com/wp-content/uploads/2020/12/1-01-2-01-1.png)
-
បច្ចេកវិទ្យា៥ ថ្ងៃ ago
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
ព័ត៌មានជាតិ៣ ម៉ោង ago
គ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
ព័ត៌មានជាតិ៣ ថ្ងៃ ago
រថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ជីវិតកម្សាន្ដ៥ ថ្ងៃ ago
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ១ សប្តាហ៍ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
សន្តិសុខសង្គម១ ថ្ងៃ ago
ដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានអន្ដរជាតិ១ សប្តាហ៍ ago
អាមេរិកទៀតហើយ! យន្តហោះមួយគ្រឿង បើកទៅបុកយន្តហោះមួយគ្រឿងទៀត
-
ព័ត៌មានអន្ដរជាតិ៤ ថ្ងៃ ago
រុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម