ព័ត៌មានជាតិ
រដ្ឋាភិបាលបានអនុម័តការចុះបញ្ជីតាមប្រព័ន្ធអនឡាញដល់ក្រុមហ៊ុនប្រមាណ៤ម៉ឺន ជាមួយទុនជាង១៤ពាន់លានដុល្លារ
ក្រុមហ៊ុនប្រមាណ ៤០ ពាន់បានចុះបញ្ជីដោយជោគជ័យតាមថ្នាលបច្ចេកវិទ្យាព័ត៌មានបានដោយមានដើមទុនសរុបជាង ១៤ពាន់លានដុល្លារ គិតត្រឹមដំណាច់ខែតុលា ឆ្នាំ២០២៤ កើនពី៩ពាន់លានដុល្លារកាលពីដំណាច់ឆ្នាំ២០២៣។ នេះបើយោងតាម Online Business Registration Service (OBR)។
ប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មានដំណាក់កាលទី១ ត្រូវបានរដ្ឋាភិបាលប្រកាសដាក់ឱ្យដំណើរការកាលពីថ្ងៃទី១៥ ខែមិថុនា ឆ្នាំ២០២០ ដែលរួមមានក្រសួង-ស្ថាប័នរដ្ឋចំនួន ៦ចូលរួម គឺក្រសួងមហាផ្ទៃ, ក្រសួងសេដ្ឋកិច្ច និងហិរញ្ញវត្ថុ, ក្រសួងពាណិជ្ជកម្ម, ក្រសួងការងារនិងបណ្ដុះបណ្ដាលវិជ្ជាជីវៈ, អគ្គនាយកដ្ឋានពន្ធដារ, និងក្រុមប្រឹក្សាអភិវឌ្ឍន៍កម្ពុជា។ ក្រោយមករដ្ឋាភិបាលបានប្រកាសដាក់ឱ្យដំណើរការដំណាក់កាលទី ២ នៅថ្ងៃទី១៥ ខែកញ្ញា ឆ្នាំ២០២១ និងដំណាក់កាលទី៣ កាលពីថ្ងៃទី២២ ខែមិថុនា ឆ្នាំ២០២៣ ដោយបានបន្ថែមក្រសួង-ស្ថាប័នមួយចំនួនទៀត។
អនុប្រធានសភាពាណិជ្ជកម្មកម្ពុជា អ្នកឧកញ៉ា លឹម ហេង បានប្រាប់កម្ពុជាថ្មីថា ការរឹតបណ្តឹងច្បាប់ ការសម្រួលនីតិវិធីដែលអនុញ្ញាតឱ្យម្ចាស់អាជីវកម្មអាចធ្វើការចុះបញ្ជីពីចម្ងាយ និងចំណេះដឹងប្រព័ន្ធបច្ចេកវិទ្យា បានជួយឱ្យចំនួនអាជីវកម្មចុះបញ្ជីកើនឡើងជាបន្តបន្ទាប់។
អ្នកឧកញ៉ា លឹម ហេងបានបន្ថែមថា ការចុះបញ្ជីនៅអាជ្ញាធរ នឹងផ្តល់ផលប្រយោជន៍ទាំងអាជ្ញាធរ និងម្ចាស់អាជីវកម្ម ជាពិសេសជួយឱ្យការទិញ-លក់ទំនិញមានតម្លាភាពជាងមុន(ទប់ស្កាត់ការលក់បង្ខូចថ្លៃ) ព្រោះប្រភេទអាជីវកម្មដូចគ្នា គឺត្រូវគោរពច្បាប់ដូចគ្នា បង់ពន្ធដូចគ្នា និងអាចទទួលបានការជួយគាំទ្រពីរដ្ឋាភិបាលក្នុងករណីមានបញ្ហាដូចគ្នា។
លោកលើកឡើងថា៖«យើងពិតជាចង់ឃើញគ្រប់អាជីវកម្មទាំងអស់ត្រូវស្ថិតនៅក្រោមច្បាប់។ ក្រៅពីការផ្តល់ផលប្រយោជន៍ដូចរៀបរាប់ខាងលើ ការបង្កើតអាជីវកម្មដោយមានច្បាប់ត្រឹមត្រូវ ក៏អាចជាព័ត៌មានល្អសម្រាប់ទាក់ទាញវិនិយោគិនបរទេសឱ្យចូលមកបើកអាជីវកម្មនៅកម្ពុជាកាន់តែច្រើនផងដែរ»។
កាលពីថ្ងៃទី១០ ខែតុលា ឆ្នាំ២០២៣ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាថ្លែង នៅក្នុងពិធីប្រកាសដាក់ឱ្យអនុវត្តជាផ្លូវការយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធឆ្នាំ២០២៣-២៨ បានលើកឡើងពីកម្លាំងចលករដ៏សំខាន់របស់អ្នកប្រកបអាជីវកម្មសម្រាប់សេដ្ឋកិច្ចជាតិ និងបានជំរុញឱ្យម្ចាស់អាជីវកម្មទាំងអស់ត្រូវទៅចុះបញ្ជីនៅអាជ្ញាធរ ដើម្បីអាចឱ្យរដ្ឋាភិបាលមានព័ត៌មាន និងអាចជួយរកដោះស្រាយបានទាន់ពេលវេលានៅពេលមានបញ្ហាអ្វីមួយកើត ឡើង។
លោកបានថ្លែងថា៖«យើងចង់បានបងប្អូនចូលរួមឱ្យបានច្រើនក្នុងដំណាក់កាលអន្តរកាលនេះ ដើម្បីងាយស្រួលរដ្ឋាភិបាលចង់បានទិន្នន័យ ដើម្បីងាយស្រួលក្នុងការគ្រប់គ្រងគោលនយោបាយដើម្បីជួយបងប្អូនឱ្យទាន់ពេលវេលា និងចំគោលដៅ ជាពិសេសក្នុងពេលលំបាក»៕
ជាងកាត់សក់ជប៉ុន វ័យ១០៨ឆ្នាំ នៅតែមាំមួន ដោយសារប្រកាន់ខ្ជាប់នូវទស្សនវិជ្ជានៃជីវិត
គ្រូធំ អេស្ប៉ាញ បង្ហើបហេតុផល ដែលធ្វើឱ្យលោកកោះហៅ Raul Asencio មកកាន់ជម្រើសជាតិ
សហគ្រិនខ្មែរមួយរូប ត្រូវបានទស្សនាវដ្ដីល្បីឈ្មោះនៅជប៉ុនកោតសរសើរជា «ដៃគូវិនិយោគដ៏ល្អនៅប្រទេសជប៉ុន»
ភ្ញៀវទេសចរប្រមាណ១ពាន់នាក់បានធ្វើដំណើរឆ្លងកាត់កំពង់ផែទេសចរណ៍ខេត្តព្រះសីហនុក្នុង១ថ្ងៃ
អ្នកជំនាញវៀតណាមរំពឹងពីការស្ទុះងើបឡើងវិញនៃការនាំចេញអង្ករ
ម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
សម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
អឺរ៉ុបនឹងសាងសង់ស្ពានតម្លៃជាង១០លានដុល្លារភ្ជាប់ទៅកោះខ្សាច់ទន្លានៅខេត្តកណ្ដាល
ពូទីន៖ តាមសំណើលោក ត្រាំ រុស្ស៊ីនឹងទុកជីវិតទាហានអ៊ុយក្រែននៅ Kursk បើពួកគេចុះចាញ់
ដ្រូនអ៊ុយក្រែន វាយប្រហារខ្នាតធំលើក្រុងមូស្គូ ជាលើកទី២ ក្នុងពេលត្រឹម៣ថ្ងៃ
-
ព័ត៌មានអន្ដរជាតិ៣ ថ្ងៃ agoមេដឹកនាំអាស៊ី ៤រូប ដែល ICC ចេញដីកាចាប់ខ្លួន ជុំវិញបទឧក្រិដ្ឋកម្មប្រឆាំងមនុស្សជាតិ
-
សន្តិសុខសង្គម១៥ ម៉ោង agoម្ចាស់ប្រេនសម្រស់ធារ៉ា ត្រូវសមត្ថកិច្ចឃុំខ្លួន ពាក់ព័ន្ធការកែច្នៃគ្រឿងសំអាងគ្មានច្បាប់អនុញ្ញាត
-
សន្តិសុខសង្គម៧ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ព័ត៌មានជាតិ១៩ ម៉ោង agoសម្តេចធិបតី៖ ឧកញ៉ា ១៤០រូប ត្រូវបានលុបឈ្មោះចេញ ក្នុងនោះមានឧកញ៉ាខ្លះប្រព្រឹត្តបទល្មើស
-
សន្តិសុខសង្គម២ ថ្ងៃ agoភ្លៀងលាយឡំខ្យល់កន្ត្រាក់បំផ្លាញផ្ទះពលរដ្ឋ៣ភូមិអស់ ៥៤ខ្នង
-
ព័ត៌មានជាតិ១ ថ្ងៃ agoអាជ្ញាធរប្រឆាំងគ្រឿងញៀនស្នើរឹបអូសទ្រព្យសម្បត្តិឈ្មួញគ្រឿងញៀនជាប្រាក់រង្វាន់
-
ព័ត៌មានអន្ដរជាតិ៤ ថ្ងៃ agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
សន្តិសុខសង្គម១ សប្តាហ៍ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ