ព័ត៌មានអន្ដរជាតិ
វៀតណាម ជំរុញអាមេរិកឱ្យទម្លាក់ការរឹតត្បឹតលើបច្ចេកវិទ្យា និងទទួលស្គាល់ខ្លួនជា «សេដ្ឋកិច្ចទីផ្សារ»
នាយករដ្ឋមន្ត្រីវៀតណាម លោក ផាម មិញ ឈិញ បានអំពាវនាវជំរុញឱ្យសហរដ្ឋអាមេរិក ដកការរឹតត្បឹតបច្ចេកវិទ្យាលើវៀតណាម ហើយទទួលស្គាល់ប្រទេសរបស់ខ្លួនថាជា «ប្រទេសមានសេដ្ឋកិច្ចទីផ្សារ» ចំពេលដែលគូសត្រូវពីអតីតកាលទាំង២បង្កើនទំនាក់ទំនងពាណិជ្ជកម្មទ្វេភាគីកាន់តែខ្លាំងនាពេលបច្ចុប្បន្ន។ នេះបើតាមការចុះផ្សាយរបស់កាសែត The Investor។
ថ្លែងក្នុងកិច្ចប្រជុំកំពូលធុរកិច្ចអាមេរិក-វៀតណាមលើកទី៧ កាលពីថ្ងៃពុធ លោក ឈិញ បានលើកឡើងថា វៀតណាមនឹងអនុវត្តបច្ចេកវិទ្យារបស់សហរដ្ឋអាមេរិក ដើម្បីដោះស្រាយផលវិបាកនៃសង្រ្គាម ដូចជាអាវុធមិនទាន់ផ្ទុះ និងសារធាតុគីមីលឿង (Agent Orange) ជាដើម។ លោកអះអាងថា វៀតណាមនឹងមិនប្រើបច្ចេកវិទ្យាអាមេរិកដើម្បីយកទៅប្រឆាំងប្រទេសណាមួយនោះទេ ដែលការណ៍នេះស្របតាមគោលនយោបាយការពារជាតិរបស់ខ្លួន។
មេដឹកនាំវៀតណាមដដែល ក៏បានអំពាវនាវផងដែរ ឱ្យសហរដ្ឋអាមេរិកទទួលស្គាល់វៀតណាម ថាជាប្រទេសមានសេដ្ឋកិច្ចទីផ្សារឱ្យបានឆាប់ តាមរយៈ «ការសម្រេចចិត្តនយោបាយ ជាជាងបច្ចេកទេស»។
គួររំឭកថា កាលពីខែសីហា សហរដ្ឋអាមេរិកបានសម្រេចចិត្តបន្តចាត់ទុកវៀតណាម ថាជាប្រទេសសេដ្ឋកិច្ចក្រៅទីផ្សារ ដោយសម្អាងថា រដ្ឋាភិបាលកុម្មុយនីស្តនៃប្រទេសនេះ នៅតែបន្តជ្រៀតជ្រែកលើកិច្ចការសេដ្ឋកិច្ច។
បច្ចុប្បន្ន សហរដ្ឋអាមេរិក គឺជាទីផ្សារនាំចេញដ៏ធំបំផុតរបស់វៀតណាម និងជាដៃគូពាណិជ្ជកម្មធំទី២ បន្ទាប់ពីប្រទេសចិន។ លើសពីនេះ វៀតណាមក៏បានក្លាយជាដៃគូពាណិជ្ជកម្មធំបំផុតមួយក្នុងចំណោមដៃគូពាណិជ្ជកម្មទាំង ១០ របស់អាមេរិក។
យ៉ាងណាមិញ លោកនាយករដ្ឋមន្ត្រី ឈិញ នៅតែបន្តទទូចថា ការវិនិយោគរបស់សហរដ្ឋអាមេរិកនៅវៀតណាមនៅតែមានកម្រិតតិចតួច និងទាបជាងសក្តានុពលដែលអាចទៅរួច។
យោងតាមទិន្នន័យពីរដ្ឋាភិបាលវៀតណាម ពាណិជ្ជកម្មទ្វេភាគីវៀតណាម-អាមេរិក បនាឈានដល់កំណត់ត្រា ១១០,៨ ប៊ីលានដុល្លារ ក្នុងឆ្នាំ ២០២៣ និងកើនឡើងបន្ថែមទៀតដល់ ១១០,៩ ប៊ីលានដុល្លារ ក្នុងរយៈពេល ១០ ខែដើមឆ្នាំនេះ។ ជាមួយគ្នានោះ គិតត្រឹមខែតុលា ឆ្នាំ ២០២៤ សហរដ្ឋអាមេរិកបានវិនិយោគលើគម្រោងចំនួន ១ ៤០០ នៅក្នុងប្រទេសវៀតណាម ដោយមានដើមទុនចុះបញ្ជីសរុបជិត ១២ ប៊ីលានដុល្លារ៕
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៩ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ១៩ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?