ព័ត៌មានអន្ដរជាតិ

វៀតណាមគ្រោងចាប់ផ្ដើមការអភិវឌ្ឍន៍ថាមពលនុយក្លេអ៊ែរឡើងវិញ

បានផុស

៤ ខែ មុន

នៅ

ថ្ងៃចន្ទ ២ ធ្នូ ២០២៤

ដោយ

សមាជិកសភាវៀតណាម បានអនុម័តផែនការដើម្បីបន្តការអភិវឌ្ឍន៍ថាមពលនុយក្លេអ៊ែរឡើងវិញ ក្នុងគោលបំណងធានាសន្តិសុខថាមពលជាតិ បន្ទាប់ពីផ្អាកអស់រយៈពេល៨ឆ្នាំ។ នេះបើតាមការចុះផ្សាយរបស់កាសែត VnExpress។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋសភាបានប្រគល់ភារកិច្ចឱ្យរដ្ឋាភិបាលក្នុងការចាប់ផ្តើមឡើងវិញនូវគម្រោងថាមពលនុយក្លេអ៊ែរ Ninh Thuan នៅខេត្តភាគកណ្តាល Ninh Thuan កាលពីថ្ងៃសៅរ៍។

ថាមពលនុយក្លេអ៊ែរ ត្រូវបានគេរំពឹងថានឹងជួយវៀតណាមធ្វើពិពិធកម្មប្រភពថាមពលរបស់ខ្លួន ធានាសន្តិសុខថាមពល និងសម្រេចបានគោលដៅអព្យាក្រឹតកាបូនត្រឹមឆ្នាំ ២០៥០។

គម្រោងដដែល ពាក់ព័ន្ធនឹងរោងចក្រថាមពលនុយក្លេអ៊ែរចំនួន២ នៅខេត្ត Ninh Thuan ដែលស្ថិតនៅក្នុងតំបន់ដែលត្រូវបានសិក្សាយ៉ាងល្អិតល្អន់ដោយអ្នកប្រឹក្សាក្នុងស្រុក និងអន្តរជាតិ ដើម្បីធានាថា រោងចក្រទាំងនោះបំពេញតាមស្តង់ដារសុវត្ថិភាពសកលដ៏តឹងរឹង។

ជាមួយគ្នានោះ រដ្ឋាភិបាលបានសន្យាថា ការអភិវឌ្ឍន៍ថាមពលនុយក្លេអ៊ែរនឹងប្រើប្រាស់បច្ចេកវិទ្យាចុងក្រោយបំផុត និងធានាសុវត្ថិភាពខ្ពស់បំផុត ដើម្បីកាត់បន្ថយហានិភ័យដល់មនុស្ស និងបរិស្ថាន។

គួរគូសបញ្ជាក់ថា ប្រទេស ៣២ នៅលើពិភពលោកមានប្រភពថាមពលពីរោងចក្រថាមពលនុយក្លេអ៊ែរ ដែលរួមចំណែកប្រមាណ ១០ ភាគរយ នៃផលិតកម្មថាមពលសកល។ គិតត្រឹមចុងខែសីហា ពិភពលោកមានម៉ាស៊ីនរ៉េអាក់ទ័រថាមពលចំនួន ៤១៥ ខណៈ ៦២ ផ្សេងទៀតកំពុងត្រឹមបានសាងសង់៕