ព័ត៌មានអន្ដរជាតិ
ត្រាំ គំរាមដាក់ពន្ធ ១០០ ភាគរយ លើប្លុក BRICS
ប្រធានាធិបតីជាប់ឆ្នោតរបស់សហរដ្ឋអាមេរិក លោក ដូណាល់ ត្រាំ ដែលនឹងឡើងកាន់អំណាចនៅខែមករា ឆ្នាំក្រោយ បានគំរាមកំហែងដាក់ពន្ធ ១០០ ភាគរយ លើអង្គការកិច្ចសហប្រតិបត្តិការនៃប្រទេស BRICS ប្រសិនបើប្លុកសេដ្ឋកិច្ចមួយនេះ បង្កើតរូបិយប័ណ្ណផ្ទាល់ខ្លួនដើម្បីជំរុញបដិដុល្លារូបនីយកម្ម។
លោកបានសរសេរនៅលើបណ្ដាញសង្គមដែលលោកបង្កើតឡើង Truth Social កាលពីថ្ងៃសៅរ៍ថា៖ «គំនិតដែលថាប្រទេស BRICS កំពុងព្យាយាមងាកចេញឆ្ងាយពីប្រាក់ដុល្លារ ខណៈយើងនៅឈរមើលនោះ គឺចប់ហើយ»។
លោកបន្តថា៖ «យើងទាមទារឱ្យមានការប្តេជ្ញាចិត្តពីប្រទេសទាំងនោះថា ពួកគេនឹងមិនបង្កើតរូបិយប័ណ្ណ BRICS ថ្មី ឬប្រើរូបិយប័ណ្ណផ្សេងទៀត ដើម្បីជំនួសប្រាក់ដុល្លារអាមេរិកដ៏អស្ចារ្យនោះទេ បើមិនដូច្នេះទេ ពួកគេនឹងប្រឈមមុខនឹងពន្ធ ១០០ ភាគរយ ហើយគួរតែត្រៀមនិយាយពាក្យលាទៅកាន់ការលក់ក្នុងសេដ្ឋកិច្ចដ៏អស្ចារ្យរបស់សហរដ្ឋអាមេរិក»។
ការគំរាមកំហែងរបស់លោក ត្រាំ គឺចំៗទៅលើប្រទេសសមាជិករបស់ BRICS ដែលរួមមាន ប្រេស៊ីល រុស្ស៊ី ឥណ្ឌា ចិន អាហ្រ្វិកខាងត្បូង អេហ្ស៊ីប អេត្យូពី អ៊ីរ៉ង់ និងអារ៉ាប់រួម ជាដើម។ ប្រទេសផ្សេងៗទៀតក៏ត្រៀមចូលរួមផងដែរ ដែលរួមមាន តួកគី ឥណ្ឌូណេស៊ី ថៃ វៀតណាម ម៉ាឡេស៊ី អាល់ហ្សេរី បេឡារូស គុយបា បូលីវី អ៊ូសបេគីស្ថាន កាហ្សាក់ស្ថាន នីហ្សេរីយ៉ា និងអ៊ូហ្គង់ដា។
គេមើលឃើញថា ការគំរាមកំហែងរបស់ប្រធានាធិបតីជាប់ឆ្នោតដដែល មិនមែនជាអ្វីដែលគួរឱ្យភ្ជាក់ផ្អើលនោះទេ ព្រោះនៅពេលធ្វើយុទ្ធនាការបោះឆ្នោត លោក ត្រាំ បានសន្យារួមមកហើយថា លោកនឹងដាក់ពន្ធ ១០០ ភាគរយ លើគ្រប់មុខទំនិញរបស់ប្រទេស ដែលចង់ងាកចេញពីការប្រើប្រាស់លុយដុល្លារ ឬធ្វើបដិដុល្លារូបនីយកម្ម។
យោងតាមមូលនិធិរូបិយវត្ថុអន្តរជាតិ (IMF) ប្រាក់ដុល្លារអាមេរិក រួមចំណែកប្រហែល ៥៨ ភាគរយ នៃទុនបម្រុងរូបិយប័ណ្ណបរទេសរបស់ពិភពលោក ហើយទំនិញសំខាន់ៗដូចជាប្រេង ក៏ត្រូវបានជួញដូរដោយប្រើប្រាក់ដុល្លារជាចម្បងផងដែរ។ ការសិក្សារកឃើញថា ភាពខ្លាំងនៃតួនាទីរបស់ប្រាក់ដុល្លារ នឹងមិនធ្វើឱ្យរូបិយប័ណ្ណមួយនេះងាយរងគ្រោះនោះទេ។
កន្លងមក រុស្ស៊ី ដែលជាសមាជិកធំរបស់ BRICS បានជំរុញឱ្យប្លុកនេះកាត់បន្ថយឥទ្ធិពលរបស់លោកខាងលិចលើប្រព័ន្ធហិរញ្ញវត្ថុរបស់ពិភពលោក រួមទាំងការធ្វើបដិដុល្លារូបនីយកម្ម ការងាកចេញពីប្រព័ន្ធផ្ទេរប្រាក់របស់លោកខាងលិចដូចជាប្រព័ន្ធ SWIFT និងស្ថាប័នហិរញ្ញវត្ថុអន្តរជាតិដែលគ្រប់គ្រងដោយលោកខាងលិច ដូចជា IMF ជាដើម។ រុស្ស៊ីក៏ជំរុញលើការប្រើប្រាស់រូបិយប័ណ្ណរបស់ប្រជាជាតិក្នុងប្លុក BRICS សម្រាប់ការទូទាត់ពាណិជ្ជកម្មផងដែរ ខណៈគេមើលឃើញថា ការធ្វើបែបនេះ អាចឱ្យរុស្ស៊ីគេចពន្ធ ឬទណ្ឌកម្មរបស់លោកខាងលិច។
គួរគូសបញ្ជាក់ផងដែរថា ការគំរាមកំហែងរបស់លោក ត្រាំ ធ្វើឡើងដោយស្របតាមការរំពឹងទុករបស់អ្នកវិភាគជាច្រើននាពេលកន្លងមក ដែលព្រមានឱ្យប្រទេសសមាជិក BRICS រៀងៗខ្លួន ដែលមានទំនាក់ទំនងពាណិជ្ជកម្មជាមួយសហរដ្ឋអាមេរិក ត្រូវប្រុងប្រយ័ត្នជំហររបស់ប្លុកនេះ ដោយខ្លាចក្រែង ទទួលផលប៉ះពាល់ដោយផ្ទាល់ពីរដ្ឋបាលរបស់ លោក ត្រាំ៕
TASS: ត្រាំបញ្ជាឲ្យរៀបចំសន្ទនាតាមទូរស័ព្ទជាមួយ ពូទីន នៅថ្ងៃឡើងកាន់អំណាច
មុនផុតអាណត្តិនៅម៉ោង១២យប់នេះ លោក បៃដិន លើកលែងការចោទប្រកាន់ទាំងអស់ដល់មនុស្សសំខាន់ៗ
រយៈពេល១០ឆ្នាំ សម្តេចតេជោ និងភរិយា សង់ផ្ទះជិត១០០០ខ្នង ជូនអតីតយុទ្ធជនក្នុងខេត្តពោធិ៍សាត់
ក្រសួងការងារពង្រឹងវិធានការអធិការកិច្ចការងារលើ សហគ្រាស គ្រឹះស្ថាន ដើម្បីធានាបាននូវអនុវត្តការបើកផ្តល់ប្រាក់ឈ្នួល និងអត្ថប្រយោជន៍សម្រាប់កម្មករនិយោជិត
សន្ទស្សន៍ទំនុកចិត្តឧស្សាហកម្មថៃ ធ្លាក់ចុះក្នុងខែធ្នូ ដោយកម្សោយតម្រូវការក្នុងស្រុក
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៣ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម៧ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ចរាចរណ៍១៣ ម៉ោង agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
កីឡា៤ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៣ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤