ព័ត៌មានជាតិ
វិនិយោគិនមានសក្តានុពលខ្ពស់ ២ រូប ស្នើចូលសញ្ជាតិខ្មែរ គ្រោងបោះទុនវិនិយោគរយលាននៅខេត្តព្រះសីហនុ
បើយោងតាមប្រភពពីក្រុមការងារជំរុញការវិនិយោគក្នុងខេត្តព្រះសីហនុបានឲ្យដឹងថា មានការស្នើសុំចូលសញ្ជាតិខ្មែររបស់វិនិយោគិនដ៏មានសក្តានុពលខ្ពស់ចំនួន ២ រូប ដែលមានគម្រោងវិនិយោគទុនរយលានដុល្លារក្នុងខេត្តព្រះសីហនុ។
ក្នុងកិច្ចប្រជុំមួយកាលពីពេលថ្មីៗនេះ នៅទីស្តីការក្រសួងសេដ្ឋកិច្ច និង ហិរញ្ញវត្ថុ ដែលដឹកនាំដោយលោក ហ៊ាន សាហ៊ីប ប្រធានក្រុមការងារជំរុញការវិនិយោគក្នុងខេត្តព្រះសីហនុ បានប្រជុំពិភាក្សាលើការស្នើការលើកទឹកចិត្ត ការអនុគ្រោះ និងការសម្រួលនីតិវិធី ព្រមទាំងពិនិត្យការស្នើចូលសញ្ជាតិខ្មែររបស់វិនិយោគិន ២ រូប ដែលមានគម្រោងវិនិយោគដ៏ធំក្នុងខេត្តព្រះសីហនុក្នុងក្របខ័ណ្ឌ “កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ ២០២៤”។
បើតាមមន្រ្តីក្នុងកិច្ចប្រជុំបានឲ្យដឹងថា ក្នុងកិច្ចប្រជុំបានពិនិត្យនិងពិភាក្សា ដើម្បីស្នើសុំការសម្រេចពីប្រមុខរាជរដ្ឋាភិបាល លើការស្នើចូលសញ្ជាតិខ្មែររបស់វិនិយោគិនដែលមានសក្តានុពលខ្ពស់ចំនួន ២ រូប ដែលមានគម្រោងវិនិយោគពាក់ព័ន្ធនឹងការកែច្នៃអាលុយមីញ៉ូម និង ការវិនិយោគបង្កើតតំបន់សេដ្ឋកិច្ចពិសេស នៅស្រុកព្រៃនប់ ខេត្តព្រះសីហនុ ក្រោមទុនវិនិយោគសរុបចំនួន ១១០ លានដុល្លារអាម៉េរិក ក្នុងទំហំដី ៣០៣ ហិកតា។
ពាក់ព័ន្ធការស្នើសុំចូលសញ្ជាតិរបស់វិនិយោគិនដ៏មានសក្តានុពលនេះ កម្ពុជាថ្មីមិនទាន់អាចសាកសួរព័ត៌មានបន្ថែមពីក្រុមការងារជំរុញការវិនិយោគក្នុងខេត្តព្រះសីហនុជុំវិញអត្តសញ្ញាណវិនិយោគិនទាំង ២ រូប ដែលស្នើសុំចូលសញ្ជាតិខ្មែរ ហើយដែលគ្រោងបោះទុនវិនិយោគរយលានដុល្លារនៅខេត្តព្រះសីហនុ ខណៈដែលលោក ឡុង ឌីម៉ង់ អភិបាលរងខេត្តព្រះសីហនុ កម្ពុជាថ្មីបានទំនាក់ទំនងសាកសួរតាមតេលេក្រាម តែលោកមិនទាន់មានការឆ្លើយតបទេមកដល់ពេលនេះ។
បើយោងតាមច្បាប់ស្តីពីសញ្ជាតិខ្មែរ ឆ្នាំ២០១៨ នៃព្រះរាជាណាចក្រកម្ពុជា ការផ្តល់សញ្ជាតិជូនជនបរទេសបានកំណត់នូវលក្ខខណ្ឌមាន ០៤ (បួន) ករណីគឺ (១) ការទទួលបានសញ្ជាតិខ្មែរពីកំណើត (២) ការទទួលបានសញ្ជាតិខ្មែរដោយការស្មុំកូនពេញលេញ (៣) ការទទួលបានសញ្ជាតិខ្មែរដោយអាពាហ៍ពិពាហ៍ និង (៤) ការទទួលបានសញ្ជាតិខ្មែរដោយសញ្ជាតូបនីយកម្ម។
នៅចំណុចទី ៤ ពាក់ព័ន្ធការទទួលបានសញ្ជាតិខ្មែរដោយសញ្ជាតូបនីយកម្ម គឺសំដៅដល់ការផ្តល់សញ្ជាតិខ្មែរតាមរយៈការស្នើសុំរបស់ជនបរទេសដោយផ្អែកតាមលក្ខខណ្ឌនៃការស្នាក់នៅ ការវិនិយោគ អំណោយសាច់ប្រាក់ និងគុណសម្បត្តិពិសេស ឬថ្វីដៃពិសេស។
តាមមាត្រា ២១ នៃច្បាប់សញ្ជាតិខ្មែរបានបញ្ជាក់ថា ជនបរទេសណាដែលទទួលបានការអនុញ្ញាតឲ្យវិនិយោគត្រឹមត្រូវតាមច្បាប់ពីស្ថាប័នមានសមត្ថកិច្ច ហើយបានចំណាយទុនអនុវត្តគម្រោងវិនិយោគជាក់ស្ដែងក្នុងប្រទេសកម្ពុជា ជនបរទេសនោះអាចស្នើសុំសញ្ជាតិខ្មែរដោយសញ្ជាតូបនីយកម្មបាន។
ដោយឡែក (មាត្រា២២) ចំពោះជនបរទេសណាដែលបានផ្ដល់អំណោយជាសាច់ប្រាក់ដល់ថវិកាជាតិ សម្រាប់ជាផលប្រយោជន៍ដល់ការអភិវឌ្ឍសេដ្ឋកិច្ចសង្គម ឬវិស័យមនុស្សធម៌នៅក្នុងប្រទេសកម្ពុជា ជនបរទេសនោះនឹងអាចសុំចូលសញ្ជាតិខ្មែរបាន ក្នុងករណីដែលជននោះបានបំពេញលក្ខខណ្ឌពេញលេញ ហើយដែលចំនួនទឹកប្រាក់ដែលត្រូវបរិច្ចាគគឺត្រូវកំណត់ដោយអនុក្រឹត្យ។
ចំណែក (មាត្រា២៣) ជនបរទេសដែលបានបង្ហាញភស្តុតាងថា ខ្លួនបានផ្តល់គុណសម្បត្តិ ឬថ្វីដៃអ្វីមួយអ្វីមួយជាប្រយោជន៍ដល់ព្រះរាជាណាចក្រកម្ពុជា និងបានទទួលស្គាល់ដោយរដ្ឋាភិបាលកម្ពុជា ជនបរទេសនោះអាចស្នើសុំសញ្ជាតិខ្មែរដោយសញ្ជាតូបនីយកម្មបាន
សរុបមកជនបរទេសដែលស្នើសុំសញ្ជាតិខ្មែរត្រូវគោរពតាមបែបបទ និងនីតិវិធីនៃច្បាប់ស្តីពីសញ្ជាតិរបស់ព្រះរាជាណាចក្រកម្ពុជា ហើយការផ្ដល់សញ្ជាតិខ្មែរដល់ជនបរទេសគឺត្រូវសម្រេចដោយព្រះរាជក្រឹត្យ ហើយត្រូវចូលទៅធ្វើសម្បថនៅចំពោះមុខតុលាការកំពូល៕
ការផ្ទេរអំណាចសន្តិភាពនៅអាមេរិក៖ ពីចូ បៃដិនទៅដូណាល់ ត្រាំ ខុសពី ដូណាល់ ត្រាំ ទៅចូ បៃដិន
នារីម្នាក់ត្រូវឃាតករសម្លាប់រួចចាក់សោរក្នុងបន្ទប់ជួលរហូតធុំក្លិនស្អុយទេីបបែកការណ៍
ស្នងការនគរបាលរាជធានី គ្រោងបង្កើតក្រុមសមត្ថកិច្ចចល័តដើម្បីតាមពិនិត្យអនុវត្តលើអ្នកដំណើរទាំងឡាយណា ដែលសមត្ថកិច្ចមានការសង្ស័យថាមានជាតិស្រវឹង
ពូទីន ប្រកាសចំហចរចាជាមួយរដ្ឋបាលដូណាល់ ត្រាំ ខណៈហុងគ្រីបរិហារអឺរ៉ុប
ក្រសួងប្រៃសណីយ៍កម្ពុជា និង ក្រសួងបច្ចេកវិទ្យាគមនាគមន៍នៃសាធារណរដ្ឋហ្វីលីពីនធ្វើសន្និសីទស្តីពីការផ្ទេរបច្ចេកវិទ្យាឌីជីថលឱ្យគ្នាដើម្បីជំរុញល្បឿននៃការធ្វើបរិវត្តកម្ម
ពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
បុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
ថាក់ស៊ីន៖ ក្រុមឆបោកអនឡាញប្រើ AI ត្រាប់សំឡេង លោក ដូណាល់ ត្រាំ ឲ្យកូនស្រីលោកវេរលុយទៅហុងកុង
ភាគពាយព្យ ថៃ រញ្ជួយដី ១៣លើក, ពលរដ្ឋភ័យតាំងពីយប់ ដល់ព្រឹក
អ្នកឧកញ៉ា សំអាង វឌ្ឍនៈ ឧបត្ថម្ភ១០០លានរៀល ធ្វើឲ្យលោក ធន់ សុភា រំភើបនិយាយមិនចង់ចេញ
-
ចរាចរណ៍១ សប្តាហ៍ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍១ សប្តាហ៍ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ៤ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៦ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម១៣ ម៉ោង agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ចរាចរណ៍១៨ ម៉ោង agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
កីឡា៥ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៤ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤