សេដ្ឋកិច្ច

CDC អនុម័តគម្រោងវិនិយោគចំនួន ៤៣ ជាមួយទុន ជាង ៩០០ លានដុល្លារ ក្នុងខែវិច្ឆិកា

បានផុស

៣ ថ្ងៃ មុន

នៅ

ថ្ងៃសុក្រ ៦ ធ្នូ ២០២៤

ដោយ

ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងថ្មីចំនួន ៤០ និងគម្រោងពង្រីកផលិតកម្មចំនួន ៣ គម្រោងដែលមានទុន វិនិយោគចំនួន ៩៤០ លានដុល្លារ និងអាចបង្កើតការងារ ៣៩ ពាន់កន្លែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមគម្រោងវិនិយោគសរុប គម្រោងវិនិយោគដែលមានទីតាំងស្ថិតនៅក្រៅតំបន់សេដ្ឋកិច្ចពិសេស មានចំនួន ៣២ គម្រោង និងគម្រោងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ចពិសេស មានចំនួន ១១ គម្រោង។

លោកឧបនាយករដ្ឋមន្ត្រី ស៊ុន ចាន់ថុល អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា សង្ឃឹមថា វិនិយោគិនអន្តរជាតិជាច្រើនទៀត នឹងមកបណ្ដាក់ទុនវិនិយោគនៅកម្ពុជា នៅឆ្នាំ ២០២៥ ខណៈមានក្រុមហ៊ុនមួយចំនួន នៅប្រទេសចិន និងប្រទេសផ្សេងទៀត ចង់រើទីតាំងមកកម្ពុជា។

កម្ពុជារំពឹងថា គម្រោងចំនួន ៤០០ នឹងត្រូវបានអនុម័ត នៅក្នុងឆ្នាំ ២០២៤ ខណៈគិតមកដល់ពេលនេះ គម្រោងចំនួន ៣៧៩ ត្រូវបានអនុម័តជាមួយទុនវិនិយោគប្រមាណជាង ៦ ពាន់លានដុល្លារ៕