ព័ត៌មានអន្ដរជាតិ

ឥណ្ឌូណេស៊ីបង្កើនពន្ធអាករតម្លៃបន្ថែមដល់ ១២ ភាគរយ គ្រោងអនុវត្តនៅដើមឆ្នាំក្រោយ

បានផុស

៣ ខែ មុន

នៅ

ថ្ងៃសៅរ៍ ៧ ធ្នូ ២០២៤

ដោយ

រដ្ឋាភិបាលឥណ្ឌូណេស៊ីបានប្រកាសបង្កើនអត្រាពន្ធករលើតម្លៃបន្ថែម (VAT) ពី ១១ ភាគរយ ដល់ ១២ ភាគរយ ដោយគ្រោងចាប់ផ្ដើមអនុវត្តចាប់ពីថ្ងៃទី ១ ខែមករា ឆ្នាំ ២០២៥ តទៅ ទោះបីជាមានការប្រឆាំងខ្លាំងៗពីអាជីវកម្ម និងសាធារណជនក៏ដោយ។ នេះបើតាមការចុះផ្សាយរបស់កាសែត Jakarta Globe។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Mukhamad Misbakhun ប្រធានគណៈកម្មការសភាតំណាងទី១១ ដែលត្រួតពិនិត្យគោលនយោបាយម៉ាក្រូសេដ្ឋកិច្ចក្នុងស្រុក បានប្រកាសពីការសម្រេចចិត្តនេះ ក្រោយកិច្ចប្រជុំជាមួយប្រធានាធិបតី លោក ប្រាបូវូ ស៊ូប៊ីយ៉ានតូ កាលពីថ្ងៃព្រហស្បតិ៍។

លោក Misbakhun បាននិយាយថា ការដំឡើងពន្ធអាករលើតម្លៃបន្ថែម នឹងអនុវត្តទៅតាមគោលដៅជ្រើសរើស ដើម្បីធានាថា វាមិនប៉ះពាល់ដល់អ្នកងាយរងគ្រោះបំផុតក្នុងសង្គមនោះទេ ដោយវានឹងដោយផ្តោតលើ «ទំនិញប្រណីតៗក្នុងស្រុក និងនាំចូល»។

លោកបានបញ្ជាក់ច្បាស់ថា ទំនិញ និងសេវាកម្មសំខាន់ៗមួយចំនួន ដូចជាទំនិញទូទៅ សេវាថែទាំសុខភាព ធនាគារ និងសេវាសាធារណៈផ្សេងទៀត នឹងបន្តយកពន្ធតាមអត្រាបច្ចុប្បន្ន ឬត្រូវបានលើកលែងទាំងស្រុង។

គួរគូសបញ្ជាក់ថា ការប្រកាន់នូវការដំឡើងពន្ធនេះ ប្រកាសឡើងទោះបីជាមានការជំទាស់ពីភាគីជាច្រើនក្នុងប្រទេស ដោយអ្នកវិភាគខ្លះលើកឡើងថា វាមិនត្រឹមតែប៉ះពាល់ដល់ប្រជាជន ឬអ្នកប្រើប្រាស់ប៉ុណ្ណោះទេ ប៉ុន្តែក៏អាចកាត់បន្ថយ GDP របស់ប្រទេសផងដែរ៕