ព័ត៌មានជាតិ

ផែស្វយ័តភ្នំពេញរកចំណូលបានជាង៣៧លានដុល្លារក្នុងរយៈ ពេល១១ខែ ឆ្នាំ២០២៤

បានផុស

៤ ខែ មុន

នៅ

ថ្ងៃពុធ ១១ ធ្នូ ២០២៤

ដោយ

ប្រាក់ចំណូលសរុបរបស់កំពង់ផែស្វយ័តភ្នំពេញ (PPAP) ដែលជាក្រុមហ៊ុនចុះបញ្ជីនៅផ្សារមូលបត្រកម្ពុជា (CSX) សម្រេចបានជាង៣៧,៤៨លានដុល្លារក្នុងឆ្នាំ២០២៤ កើនឡោះង១៩ភាគរយធៀបនឹងរយៈពេលដូចគ្នាឆ្នាំមុន ឆ្លុះបញ្ចាំងអំពីកំណើនសកម្មភាពទំនិញឆ្លងកាត់ផែ។ បើយោងតាមសេចក្តីប្រកាសរបស់ PPAP។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍មិនបានធ្វើសវនកម្ម ដែល PPAP ផ្ញើទៅផ្សារមូលបត្រកម្ពុជាកាលពីម្សិលមិញ ក្នុងរយៈពេល១១ខែ ចំណូលពីប្រតិបត្តិការផែ (Port Operation) ដែលមានចំនួនជាង៣១លានដុល្លារ កើនឡើង ១៩ភាគរយពីចំនួន ជាង២៦ លានដុល្លារ កាលពីរយៈពេលដូចគ្នាកាលពីឆ្នាំ ២០២៣។ ចំណូលពីអាជ្ញាធរផែ (Port Authority) មានចំនួនជាង ៥,២៣១ លានដុល្លារ កើនឡើង២០ភាគរយ ពីចំនួន ជាង ៤,៣៥៤ លានដុល្លារ និងចំណូលពីសេវាកម្មផ្សេងៗ (Other Services) មានចំនួនជាង១លាន ដុល្លារ ថយពី១ ភាគរយ ពីចំនួនជាង ១,១ដុល្លារ ។

លោក ស៊ិន ចន្ធី ប្រធានសមាគមភ័ស្តុភារកម្មកម្ពុជា (CLA) ធ្លាប់ប្រាប់កម្ពុជាថ្មីថា ចាប់តាំងពីមានការផ្ទុះរាលដាលជំងឺកូវីដ ១៩ ថមថយ និងទោះបីជាការបន្តឡើងកំដៅនៃបញ្ហាភូមិសាស្រ្តនយោបាយ ការដឹកជញ្ជូនលើគ្រប់មធ្យោបាយមានសភាពដូចមុនបន្តិច ដោយសារតែស្ថានភាពសេដ្ឋកិច្ចសកលនិងក្នុងតំបន់ហាក់ល្អប្រសើរ។ ការរក្សាបាននូវភាពវិជ្ជមានទោះក្នុងកម្រិតទាប ក៏ជារឿងល្អផងដែរនៅក្នុងដំណាក់កាលនេះ។

លោកថ្លែងថា៖«យើងសង្កេតឃើញថាក្រោយពីបញ្ហាកូវិដ១៩ មក យើងនៅតែបន្តជួបប្រទះបញ្ហាប្រឈមមួយចំនូនពីខាងក្រៅពាក់ព័ន្ធនឹងរឿងសង្រ្គាមរុស៊្សីនិងអ៊ុយក្រែន ប៉ុន្តែស្ថានភាពសេដ្ឋកិច្ចសកលនិងក្នុងតំបន់មានភាពល្អប្រសើរបន្តិចជាហេតុអំណោយផលខ្លះៗដល់វិស័យដឹកជញ្ជូនទំនិញ។ ជាមួយគ្នានេះដែរ យើងក៏ឃើញថាការនាំចេញនិងនាំចូលរបស់យើងក៏មានកំណើនផងដែរ»។

PPAP បានប៉ាន់ស្មានថា ក្នុងរយៈពេល១២ខែនៃឆ្នាំ ២០២៤ កំពង់ផែស្វយ័តភ្នំពេញ រកចំណូលសរុបបានជាង៤២,៦៨លានដុល្លារក្នុងឆ្នាំ២០២៤ ខណៈផែក៏បានចំណាយសរុបជាង ២៧លានដុល្លារ។ ជាមួយគ្នានេះដែរការប៉ាន់ស្មានអំពីចំណេញមុនបង់ពន្ធមានចំនួនជាង១៥លានដុល្លារ; ពន្ធលើប្រាក់ចំណេញសម្រេចបាន ៣,៥លានដុល្លារ ខណៈប្រាក់ចំណេញសុទ្ធសម្រេចបានជាង ១១,៧ លានដុល្លារ។

ការដោះដូរទំនិញអន្តរជាតិរបស់កម្ពុជា សម្រេចបាននូវទំហំទឹកប្រាក់ប្រមាណជាង ៤៩ ពាន់លានដុល្លារ ក្នុងរយៈពេល ១១ ខែ ឆ្នាំ ២០២៤នេះ កើនឡើង ១៧,៤% ធៀបនឹងរយៈពេលដូចគ្នាពីជាង ៤២,៥ ពាន់លានដុល្លារនៅក្នុងឆ្នាំ ២០២៣។ នេះបើយោងតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា (GDCE) ចេញផ្សាយនៅថ្ងៃទី ១០ ខែធ្នូ ឆ្នាំ ២០២៤។

ទិន្នន័យរបស់ GDCE បង្ហាញថា ការនាំចេញទំនិញរបស់កម្ពុជា មានទំហំទឹកប្រាក់ ២៣,៩៣ ពាន់លានដុល្លារ កើនឡើង ១៦,៨% ចំណែកឯការនាំទំនិញចូលមកវិញមានទំហំទឹកប្រាក់ ២៥,៩៤ ពាន់លានដុល្លារ កើន ១៧,៩%៕

Related Topics:កំពង់ផែស្វយ័តភ្នំពេញ