ព័ត៌មានអន្ដរជាតិ

ឥណ្ឌូណេស៊ីគ្រោងបង្កើតធនាគារមាស ក្រោយអាចផលិតមាសដុំក្នុងស្រុក

បានផុស

៣ ខែ មុន

នៅ

ថ្ងៃព្រហស្បតិ៍ ១២ ធ្នូ ២០២៤

ដោយ

រដ្ឋមន្ត្រីក្រសួងសហគ្រាសគ្រប់គ្រងដោយរដ្ឋ (SOE) លោក Erick Thohir បានឱ្យដឹងកាលពីថ្ងៃពុធថា ឥណ្ឌូណេស៊ីបានត្រៀមខ្លួនរួចជាស្រេច ដើម្បីបង្កើតធនាគារមាស បន្ទាប់ពីប្រទេសមានសមត្ថភាពផលិតមាសដុំក្នុងស្រុកដោយខ្លួនឯង។ នេះបើតាមការចុះផ្សាយរបស់ទីភ្នាក់ងារសារព័ត៌មានរដ្ឋ Antara។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ផែនការបង្កើតធនាគារមាស នឹងមានការគាំទ្រពីក្រុមហ៊ុនរុករករ៉ែរដ្ឋ PT Aneka Tambang (Antam) និងក្រុមហ៊ុនរុករករ៉ែមាស PT Freeport Indonesia ដោយក្រុមហ៊ុនទាំងនេះ នឹងសហការគ្នាកែច្នៃមាសដុំក្នុងប្រទេសផ្ទាល់។

លោក Erick បានកត់សម្គាល់ថា តាំងពីដើមមក «វត្ថុធាតុដើមរបស់យើងភាគច្រើនត្រូវបាននាំចេញទៅក្រៅប្រទេស ប៉ុន្តែឥឡូវនេះ ពួកគេអាចកែច្នៃក្នុងស្រុកបាន»។

បើតាមមន្រ្តីដដែល កិច្ចសហប្រតិបត្តិការរវាងក្រុមហ៊ុន Antam និងក្រុមហ៊ុន Freeport នឹងបង្កើតទុនបម្រុងមាសគ្រប់គ្រាន់ដើម្បីប្រើប្រាស់ជាការសន្សំសាធារណៈ ហើយវានឹងជួយសន្សំប្រាក់ដល់ទៅ ២០០ ទ្រីលានរូពីឥណ្ឌូណេស៊ី (១២,៥៤ ប៊ីលានដុល្លារ) សម្រាប់ការចំណាយលើការនាំចូល៕