ព័ត៌មានអន្ដរជាតិ

តម្លៃជួលអចលនទ្រព្យនៅសិង្ហបុរី ថ្លៃជាងគេលើពិភពលោក រាប់ពាន់ដុល្លារ/ខែ

បានផុស

២ ខែ មុន

នៅ

ថ្ងៃសុក្រ ១៣ ធ្នូ ២០២៤

ដោយ

ទិន្នន័យចុងក្រោយស្ដីពីតម្លៃនៃការរស់នៅរបស់គេហទំព័រអនឡាញ Numbeo បានបង្ហាញថា តម្លៃជួលអចលនទ្រព្យកំពុងកើនឡើងទូទាំងពិភពលោក ដោយប្រទេសសិង្ហបុរីកំពុងឈរនៅលើកំពូលទីផ្សារដោយមានតម្លៃថ្លៃបំផុតរាប់ពាន់ដុល្លារ/ខែ។ នេះបើតាមការចុះផ្សាយរបស់សារព័ត៌មាន Yahoo។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យបង្ហាញថា អាផាតមិនមួយបន្ទប់គេងនៅកណ្តាលក្រុងក្នុងប្រទេសសិង្ហបុរី មានតម្លៃជួលជាមធ្យម ៣ ៦៣៦ ដុល្លារ/ខែ ដែលការហក់ឡើងខ្ពស់នេះគឺដោយសារតែតម្រូវការខ្លាំងក្រោយវិបត្តិកូវីដ១៩ និងកង្វះលំនៅដ្ឋានតម្លៃសមរម្យ ចំពេលសេដ្ឋកិច្ចសិង្ហបុរីក៏បន្តក្នុងកំណើនសមប្រកប។ ការព្យាករចុងក្រោយពីអាជ្ញាធររូបិយវត្ថុសិង្ហបុរី (MAS) បានឱ្យដឹងថា សេដ្ឋកិច្ចរបស់ប្រទេសនេះរំពឹងថានឹងកើនឡើង ៣,៦ ភាគរយ នៅឆ្នាំ ២០២៤។

តម្លៃជួលអចលនទ្រព្យដូចគ្នា នៅទីក្រុងផ្សេងៗទៀតជុំវិញពិភពលោក ក៏ឃើញពីកំណើនកប់ពពកផងដែរ ដែលក្នុងនោះរួមមានហុងកុង (២ ៩២០ ដុល្លារ/ខែ) ស្វីស (២ ៥២៥ ដុល្លារ/ខែ) សហរដ្ឋអាមេរិក (២ ៣៦៦ ដុល្លារ/ខែ) អៀរឡង់ (២ ២៤៥ ដុល្លារ/ខែ) និងអារ៉ាប់រួម (២ ២១៣ ដុល្លារ/ខែ) ជាដើម។

តួលេខបង្ហាញថា តម្លៃជួលអចលនទ្រព្យខ្ពស់ភាគច្រើនគឺនៅក្នុងបណ្ដាប្រទេសអភិវឌ្ឍ ដែលមានសេដ្ឋកិច្ចជឿនលឿន។ កំណើនតម្លៃកាន់តែធ្ងន់ធ្ងរឡើងៗ ដែលជំរុញគួបផ្សំដោយកំណើនប្រជាជន និងនិន្នាការធ្វើចំណាកស្រុកក្រោយវិបត្តិកូវីដ ដែលធ្វើឱ្យអ្នកជួលផ្ទះ ឬអចលនទ្រព្យកាន់តែពិបាកស្វែងរកកន្លែងរស់នៅដែលមានតម្លៃសមរម្យ៕