ព័ត៌មានអន្ដរជាតិ

វៀតណាមវ៉ាដាច់ហ្វីលីពីន ក្លាយជាអ្នកផ្គត់ផ្គត់ចេកដ៏ធំបំផុតសម្រាប់ចិន

បានផុស

៤ សប្តាហ៍ មុន

នៅ

ថ្ងៃចន្ទ ១៦ ធ្នូ ២០២៤

ដោយ

វៀតណាម បានវ៉ាដាច់ហ្វីលីពីន ក្លាយជាប្រទេសផ្គត់ផ្គង់ផ្លែចេកដ៏ធំបំផុតសម្រាប់ចិន ដោយរួមចំណែកប្រមាណ ៤០,៧ ភាគរយ នៃចំណែកទីផ្សារចេករបស់ចិន ក្នុងរយៈពេលពេល ៨ ដំបូងឆ្នាំ ២០២៤។ នេះបើតាមការចុះផ្សាយរបស់កាសែត VnExpress កាលពីសប្ដាហ៍មុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទិន្នន័យពីនាយកដ្ឋានគយចិន បានបង្ហាញថា ប្រទេសចិនបានបង្កើនការនាំចូលពីប្រទេសវៀតណាមចំនួន ១៩,៨ ភាគរយ ខណៈការនាំចូលពីហ្វីលីពីន បានធ្លាក់ចុះខ្លាំងដល់ ៣៩,២ ភាគរយ។

បើតាមក្រសួងឧស្សាហកម្ម និងពាណិជ្ជកម្មហ្វីលីពីន បញ្ហាធាតុអាកាស និងជំងឺដែលមិនអំណោយផល បានកាត់បន្ថយទិន្នផលចេករបស់ហ្វីលីពីនក្នុងឆ្នាំនេះ ហើយបានជំរុញឱ្យតម្លៃកើនឡើង។

បញ្ហាទាំងអស់នេះហើយ ដែលធ្វើឱ្យតម្រូវការចេញនាំចេញពីវៀតណាម កើនឡើង។ លើសពីនេះផ្សារទំនើបអ៊ីអន (Aeon) ក្នុងប្រទេសចិន កាលពីដើមឆ្នាំនេះ បានចាប់ផ្តើមលក់តែចេករបស់វៀតណាម ហើយបានបញ្ឈប់ការនាំចូលពីប្រទេសហ្វីលីពីន និងតៃវ៉ាន់។

ក្រុមអ្នកនាំចេញនិយាយថា ចេកវៀតណាមមានគុណភាព និងបរិមាណល្អ និងមានតម្លៃប្រកួតប្រជែង ខណៈភូមិសាស្រ្តដែលវៀតណាមនៅជាប់ចិន បានជួយកាត់បន្ថយថ្លៃដឹកជញ្ជូន។ នាពេលកន្លងមក ក្រុមហ៊ុនវៀតណាមបានព្យាយាមបំពេញតាមស្តង់ដារតឹងរឹងរបស់ប្រទេសចិន ដែលបណ្តាលឱ្យមានការនាំចេញកើនឡើង។

យ៉ាងណាមិញ ក៏មានបញ្ញាមួយចំនួនផងដែរ ដោយអ្នកនាំចេញបានលើកឡើង តម្លៃចេកនៅចិនជួនកាលប្រែប្រួលយ៉ាងខ្លាំង ដោយផលិតផលក្នុងស្រុកបានជន់លិចទីផ្សារក្នុងរដូវប្រមូលផល និងធ្វើឱ្យតម្លៃធ្លាក់ចុះ៕