ព័ត៌មានអន្ដរជាតិ
អាមេរិកកាត់ទោសបុរសម្នាក់ឱ្យជាប់គុក ២ ឆ្នាំ ជុំវិញការលួចព័ត៌មានសម្ងាត់ពាណិជ្ជកម្ម Tesla
ក្រសួងយុត្តិធម៌អាមេរិក បានឱ្យដឹងកាលពីថ្ងៃចន្ទថា ជនជាតិអាល្លឺម៉ង់-កាណាដាម្នាក់រស់ដែលរស់នៅក្នុងប្រទេសចិន ត្រូវបានកាត់ទោសឱ្យជាប់គុក២ឆ្នាំនៅសហរដ្ឋអាមេរិក ពីបទលួចព័ត៌មានពាណិជ្ជកម្មរបស់ក្រុមហ៊ុនផលិតរថយន្តអគ្គិសនីយក្ស Tesla ដើម្បីយកទៅប្រើប្រាស់សម្រាប់អាជីវកម្មថ្មរថយន្តអគ្គិសនីរបស់ខ្លួននៅចិន។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
លោក Klaus Pflugbeil អាយុ ៥៩ ឆ្នាំ បានសារភាពកំហុសកាលពីខែមិថុនាផងដែរថា លោកបានឃុបឃិតគ្នាជាមួយបុគ្គលជាដៃគូអាជីវកម្មម្នាក់ទៀត ឈ្មោះ Yilong Shao ដើម្បីលក់ព័ត៌មានសម្ងាត់នៃការផលិតថ្មរបស់ក្រុមហ៊ុន Tesla ទៅឱ្យភ្នាក់ងារការិយាល័យស៊ើបអង្កេតសហព័ន្ធ (FBI) ដែលបន្លំខ្លួនធ្វើជាអ្នកជំនួញមកពី Long Island។
ជំនួយការអគ្គមេធាវីអាមេរិក លោក Matthew Olsen បាននិយាយក្នុងសេចក្ដីថ្លែងការណ៍ថា៖ «ក្នុងការលួចព័ត៌មានសម្ងាត់ពាណិជ្ជកម្មពីក្រុមហ៊ុនផលិតរថយន្តអគ្គិសនីរបស់អាមេរិក ដើម្បីប្រើប្រាស់ក្នុងក្រុមហ៊ុនដែលមានមូលដ្ឋាននៅចិនផ្ទាល់របស់លោក សកម្មភាពរបស់លោក Pflugbeil គឺផ្តល់ផលប្រយោជន៍ដល់ (សាធារណរដ្ឋប្រជាមានិតចិន) នៅក្នុងឧស្សាហកម្មដ៏សំខាន់មួយ ដែលមានផលប៉ះពាល់ដល់សន្តិសុខជាតិ»។
លោក Pflugbeil បានរងការចោទប្រកាន់ពីបទចោទនេះជាផ្លូវការកាលពីខែមីនា ក្រោយត្រូវបានចាប់ខ្លួន។ រដ្ឋអាជ្ញាសហរដ្ឋអាមេរិក បានអះអាងថា លោក និងលោក Shao ដែលកំពុងរត់គេចខ្លួន បានបង្កើតអាជីវកម្មថ្មរថយន្តអគ្គិសនីរបស់ខ្លួន ដោយប្រើព័ត៌មានសម្ងាត់របស់ «ក្រុមហ៊ុនរថយន្តអគ្គិសនីឈានមុខគេ ដែលមានមូលដ្ឋាននៅសហរដ្ឋអាមេរិក»។ បើតាមរ៉យទ័រ រដ្ឋអាជ្ញាមិនបានបញ្ចេញឈ្មោះក្រុមហ៊ុននោះទេ ប៉ុន្តែបានចង្អុលលើព័ត៌មានមួយចំនួន ដែលបង្ហាញថាក្រុមហ៊ុននោះជាក្រុមហ៊ុន Tesla។
បើតាមក្រសួងយុត្តិធម៌ លោក Pflugbeil និងលោក Shao បានធ្វើការឱ្យក្រុមហ៊ុនផលិតថ្មរថយន្តអគ្គិសនីកាណាដា Hibar ដែលក្រុមហ៊ុន Tesla ទិញយកក្នុងឆ្នាំ ២០១៩ មុនពេលអ្នកទាំង២ចូលរួមអាជីវកម្មជាមួយគ្នាក្នុងឆ្នាំ ២០២០។ រដ្ឋអាជ្ញាបានឱ្យដឹងថា អាជីវកម្មរបស់បុគ្គលទាំង២ មានទីតាំងនៅក្នុងប្រទេសចិន កាណាដា អាល្លឺម៉ង់ និងប្រេស៊ីល ដែលផលិតឧបករណ៍ដំឡើងថ្មរថយន្តអគ្គិសនីដូចគ្នាទៅនឹងក្រុមហ៊ុនដែលពួកគេធ្លាប់ធ្វើការឱ្យ៕
ផ្លែឈើ ៣មុខ បើញ៉ាំច្រើនពេកនឹងបំផ្លាញថ្លើមយ៉ាងឆាប់រហ័ស
មីន អ៊ុងឡាំងប្រកាសចូលរួមកិច្ចប្រជុំថ្នាក់តំបន់លើកដំបូង ក្រោយការប្រកាសរៀបចំបោះឆ្នោត
កម្ពុជា-អូស្ត្រាលី បញ្ជាក់ពីការបន្តកិច្ចសហការអនុវត្តច្បាប់លើការប្រយុទ្ធប្រឆាំងឧក្រិដ្ឋកម្មឆ្លងដែន
រដ្ឋមន្ត្រីឧស្សាហកម្ម លើកទឹកចិត្តឱ្យអតីតនិស្សិតខ្មែរពីជប៉ុន ដើរតួជាស្ពានសម្រាប់សហគ្រាសធុនតូច និងមធ្យមជប៉ុន នៅកម្ពុជា
មីន អ៊ុងឡាំង ប្រកាសរៀបចំបោះឆ្នោតក្នុងខែធ្នូឆ្នាំនេះ ខណៈក្រុមប្រឆាំងថា «នឹងអុកឡុក»
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
មន្ទីរសុខាភិបាលភ្នំពេញ ឱ្យម្ចាស់ហ្វេសប៊ុក Mommy Natural លុបវីដេអូដែលថា លេបប្រមាត់ទាកាប៉ាស្រស់ល្អសម្រាប់អ្នកកាត់ប្រមាត់
មេសន្តិសុខជាតិប៉ូឡូញ៖ បើរុស្ស៊ីវាយ ខ្លួនអាចទប់ជាប់បានត្រឹម២សប្តាហ៍ប៉ុណ្ណោះ
ហ្សេលេនស្គី ថា ពូទីន នឹងស្លាប់ឆាប់ៗ
អឺរ៉ុប ប្តេជ្ញាបញ្ជូនទ័ពរក្សាសន្តិភាពទៅអ៊ុយក្រែន និងមិនដកទណ្ឌកម្មរុស្ស៊ី ដាច់ខាត
-
ព័ត៌មានអន្ដរជាតិ៣ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា៧ ថ្ងៃ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
សន្តិសុខសង្គម១ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានជាតិ៦ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
ព័ត៌មានជាតិ៧ ថ្ងៃ agoគណបក្សថ្មីមួយទៀត ត្រូវបានក្រសួងមហាផ្ទៃ សម្រេចចុះបញ្ជីឱ្យធ្វើសកម្មភាពនយោបាយ