សេដ្ឋកិច្ច
តាមការប៉ាន់ស្មាន ត្រឹមឆ្នាំ២០៣០ ខេត្តព្រះសីហនុ នឹងទទួលបានភ្ញៀវទេសចរ ៥.៤ លាននាក់ ក្នុងមួយឆ្នាំ
យោងតាមរបាយការណ៍ដែលរៀបចំឡើងដោយក្រសួងសេដ្ឋកិច្ច និងហិរញ្ញវត្ថុ និងរដ្ឋបាលខេត្តព្រះសីហនុ ស្តីពី«វេទិកាវិនិយោគក្នុងខេត្តព្រះសីហនុ» បានគូសបញ្ជាក់ឱ្យដឹងថា តាមការប៉ាន់ស្មានរបស់អ្នកជំនាញជាមធ្យមនៅត្រឹមឆ្នាំ២០៣០ ខេត្តព្រះសីហនុ នឹងទទួលបានភ្ញៀវទេសចរប្រមាណ ៥.៤ លាននាក់ក្នុងមួយឆ្នាំ។
ខេត្តព្រះសីហនុ គឺជាខេត្តមួយដែលមានសក្ដានុពលសេដ្ឋកិច្ចខ្ពស់ ដោយអំណោយផលទៅលើការវិនិយោគជាយុទ្ធសាស្ត្រលើហេដ្ឋារចនាសម្ព័ន្ធ ពាណិជ្ជកម្ម ទេសចរណ៍ តំបន់សេដ្ឋកិច្ចពិសេស និងឧស្សាហូបនីយកម្ម។ ខេត្តនេះក៏ត្រូវបានចាត់ទុកជាទីក្រុងកំពង់ផែធំជាងគេ ដែលមានការតភ្ជាប់តាមផ្លូវអាកាសទាំងកម្រិតអន្តរជាតិ និងតំបន់ ការដឹកជញ្ជូនដោយកប៉ាល់ និងផ្លូវគោកផងដែរ។
ទន្ទឹមនឹងការចាប់យកឱកាសនៃលំហូរឆ្លងកាត់ព្រំដែន ការផ្ទេរឧស្សាហកម្ម និងការអភិវឌ្ឍសេដ្ឋកិច្ចថ្មី ដើម្បីគាំទ្រកំណើនសេដ្ឋកិច្ចក្នុងស្រុក ខេត្តព្រះសីហនុ ត្រៀមក្លាយជាបង្គោលអភិវឌ្ឍន៍ឧស្សាហកម្ម និងជាមជ្ឈមណ្ឌលជាតិសម្រាប់នវានុវត្តន៍បច្ចេកវិទ្យា។ មិនតែប៉ុណ្ណោះ ខេត្តមួយនេះ គឺកំពុងវិវត្តទៅជាទីក្រុងអាស៊ាន ជាមួយនឹងរូបភាព និងគំរូថ្មីនៃទីក្រុងបៃតង និងនិរន្តរភាពទីក្រុង មិត្តភាពនៃវប្បធម៌ចម្រុះ និងជាទីក្រុងឆ្លាតវៃ។
ស្របការកំណើនសេដ្ឋកិច្ចដែលតែងតែរីកចម្រើនជាបន្តបន្ទាប់ តាមការប៉ាន់ស្មាន របស់ក្រសួងសេដ្ឋកិច្ច និងរដ្ឋបាលខេត្ត ជាមធ្យមនៅត្រឹមឆ្នាំ២០៣០ ខេត្តព្រះសីហនុ នឹងមានប្រជាជនស្មើនឹង ៥% នៃប្រជាជនសរុប ឬ ជិត ១ លាននាក់។
ក្នុងនោះ ខេត្តព្រះសីហនុ ក៏នឹងទទួលបានភ្ញៀវទេសចរប្រមាណ ៥.៤ លាននាក់ ក្នុងមួយឆ្នាំ និងមានផលិតផលក្នុងស្រុកប្រមាណ ១០% នៃប្រទេសទាំងមូល។ នៅក្នុងសេណារីយ៉ូមូលដ្ឋាននៃផែនការ ខេត្តព្រះសីហនុ នឹងក្លាយជាខេត្តដែលមានចំណូលខ្ពស់ក្នុងរយៈពេល ១២ ឆ្នាំ មុនខេត្តផ្សេងៗទៀតទូទាំងប្រទេស។
គួរជម្រាបថា ខេត្តព្រះសីហនុ មានកោះតូច-ធំចំនួន ៣២ ថ្មដុះចំនួន ១ និងថ្មប៉ប្រះទឹកចំនួន ៥ ឆ្នេរសមុទ្រប្រវែង ១៧៥,៨១ គីទ្បូម៉ែត្រ ទឹកសមុទ្រខៀវស្រងាត់ ឧទ្យានជាតិសមុទ្ររាម ឧទ្យានសមុទ្រកោះរ៉ុង កោះរ៉ុង សន្លឹម ស្មៅសមុទ្រ ផ្កាថ្ម ព្រែក ព្រៃកោងកាង វាលទំនាប ខ្ពង់រាប ជម្រាលភ្នំ ទឹកជ្រោះ គម្របព្រៃឈើធម្មជាតិ និងជីវៈចម្រុះគ្រប់ប្រភេទ ដែលអាចទាក់ទាញភ្ញៀវទេសចរមកលេងកម្សាន្តជាហូរហែ។
ក្រៅពីនេះ ខេត្តក៏នៅមានអាកាសយានដ្ឋានអន្តរជាតិ ផ្លូវជាតិ ផ្លូវល្បឿនលឿនភ្នំពេញ-ក្រុងព្រះសីហនុ ផ្លូវដែក កំពង់ផែសមុទ្រទឹកជ្រៅ ដែលរាជរដ្ឋាភិបាលបាន និងកំពុងសាងសង់ចំណតផែកុងតឺន័រទឹកជ្រៅថ្មី ជំហានទី១ និងគ្រោងសាងសង់ចំណតផែកុងតឺន័រទឹកជ្រៅជំហានទី២ និងជំហានទី៣ បន្ថែមទៀត ដែលអនុញ្ញាតឱ្យកំពង់ផែរបស់កម្ពុជាមានសមត្ថភាពទទួលការចូលចតរបស់នាវាដឹកទំនិញលើពិភពលោកស្ទើរតែ១០០% អាចចូលចតបាន៕
តាមការប៉ាន់ស្មាន ត្រឹមឆ្នាំ២០៣០ ខេត្តព្រះសីហនុ នឹងទទួលបានភ្ញៀវទេសចរ ៥.៤ លាននាក់ ក្នុងមួយឆ្នាំ
ក.ប.ទ៖ ពលរដ្ឋបានងាកមកប្រើបណ្ដាញសង្គមជំនួសការទាក់ទងតាមលេខទូរស័ព្ទផ្ទាល់
Honda និង Nissan ពិភាក្សាពីការច្របាច់បញ្ចូលគ្នា ដើម្បីជម្នះការប្រកួតប្រជែងក្នុងឧស្សាហកម្មយានយន្ត
រោងចក្រទឹកស្អាតមួយទៀត ដាក់ឱ្យដំណើរការ មានសមត្ថភាពផលិត ៦ ពាន់ម៉ែត្រគូបក្នុងមួយថ្ងៃ
កម្ពុជា-អាមេរិក កំពុងរិះរកមធ្យោបាយធ្វើឱ្យប្រសើរឡើងទំនាក់ទំនងកងទ័ព ពិសេសធ្វើសមយុទ្ធរួមឡើងវិញ
អាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
ជាថ្មីម្ដងទៀត! លោក ហ្សេលេនស្គី អញ្ជើញសម្ដេចតេជោ ធ្វើទស្សនកិច្ចនៅអ៊ុយក្រែន តែសម្តេចឆ្លើយថា រង់ចាំពេលសមស្របសិន
លោក Zelensky៖ រុស្ស៊ីដុតមុខសាកសពទាហានកូរ៉េខាងជើង ដើម្បីលាក់អត្តសញ្ញាណ (វីដេអូ)
មនុស្សជិត១៣ម៉ឺនគ្រួសាររងគ្រោះដោយទឹកជំនន់នៅថៃ ខណៈអ្នកស្លាប់កើនដល់៣៥នាក់
តើ អាមេរិក និយាយបែបណា ពេលអ៊ុយក្រែន ធ្វើឃាតប្រធានកងកម្លាំងនុយក្លេអ៊ែរ រុស្ស៊ី?
-
ចរាចរណ៍១ សប្តាហ៍ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
វប្បធម៌ ជំនឿ៥ ថ្ងៃ agoកត់ចំណាំទុក បើគេងយល់សប្តិឃើញ ១០ ប្រភេទនេះ គួរពិចារណា
-
សុខភាព៥ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ១ សប្តាហ៍ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
សេដ្ឋកិច្ច៦ ថ្ងៃ agoឆ្នាំ២០២៥ ខាងមុខនេះ កសិដ្ឋានចិញ្ចឹមគោសាច់មួយនៅបាត់ដំបង គ្រោងទិញគោពីកសិករប្រមាណជាង ១ម៉ឺនក្បាល
-
ព័ត៌មានជាតិ១ សប្តាហ៍ agoក្រសួងអប់រំ ហាមលក់ ផ្សព្វផ្សាយភេសជ្ជៈប៉ូវកម្លាំង ជាប់បរិវេណសាលារៀន
-
នយោបាយ១ ថ្ងៃ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
សុខភាព១ សប្តាហ៍ agoឈ្វេងយល់ពីជំងឺមហារីកពោះវៀនធំ និងកត្តាតំណពូជ