ព័ត៌មានអន្ដរជាតិ

ហ្វីលីពីន ចរចាជាមួយឥណ្ឌា និងប៉ាគីស្ថាន លើការនាំចូលអង្ករ ២ លានតោន/ឆ្នាំ

បានផុស

៣ ខែ មុន

នៅ

ថ្ងៃព្រហស្បតិ៍ ១៩ ធ្នូ ២០២៤

ដោយ

ក្រសួងកសិកម្មហ្វីលីពីន កំពុងចរចារជាមួយប៉ាគីស្ថាន និងឥណ្ឌា ដើម្បីឱ្យប្រទេសទាំង២ផ្គត់ផ្គង់អង្ករ ២ លានតោនក្នុងមួយឆ្នាំឱ្យបានជាប់លាប់។ នេះបើតាមការចុះផ្សាយរបស់កាសែត Philippine Daily Inquirer។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីក្រសួងកសិកម្ម លោក Francisco Tiu Laurel Jr. បានឱ្យដឹងថា លោកបានជួបជាមួយឯកអគ្គរដ្ឋទូតប៉ាគីស្ថានប្រចាំហ្វីលីពីន លោក Imtiaz Kazi ដើម្បីបញ្ចប់អនុស្សរណៈនៃការយោគយល់គ្នាមួយ។ ក្រោមសំណើ ប៉ាគីស្ថាននឹងផ្គត់ផ្គង់អង្ករទៅហ្វីលីពីនរហូតដល់១លានតោន/ឆ្នាំ ដែលស្មើនឹងប្រហែល ២៥ ភាគរយនៃតម្រូវការនាំចូលអង្កររបស់ប្រទេសនេះ។

ក្រសួងកសិកម្មក៏កំពុងធ្វើការលើកិច្ចព្រមព្រៀងស្រដៀងគ្នា ជាមួយឥណ្ឌាផងដែរ។ នាពេលបច្ចុប្បន្ន វៀតណាមនាំមុខគេ លើការផ្គត់ផ្គង់អង្ករសម្រាប់ហ្វីលីពីន ហើយបន្ទាប់មកគឺថៃ និងប៉ាគីស្ថាន។

កាលពីខែមុន ឯកអគ្គរដ្ឋទូតប៉ាគីស្ថាន លោក Kazi បានបង្ហាញចំណាប់អារម្មណ៍របស់ប៉ាគីស្ថានក្នុងការបង្កើតភាពជាដៃគូជាមួយហ្វីលីពីនលើការនាំចូលអង្ករ ខណៈពាណិជ្ជករប៉ាគីស្ថានស្វែងរក «ស្ថិរភាព និងភាពប្រាកដប្រជា» លើបរិមាណអង្ករ ដែលត្រូវនាំចូលហ្វីលីពីន ដោយលើកឡើងពីការប្រែប្រួលតម្លៃពន្ធដែលកំណត់ដោយរដ្ឋាភិបាល និងតម្លៃប្រកួតប្រជែងសកល។

គួរគូសបញ្ជាក់ថា ហ្វីលីពីនគឺជាប្រទេសនាំចូលអង្ករដ៏ធំបំផុតមួយរបស់ពិភពលោកប្រមាណ ៣,៨ លានតោននៅឆ្នាំ ២០២៣ ដោយសារតែផលិតកម្មស្រូវរបស់ប្រទេសកោះសម្បូរគ្រោះធម្មជាតិមួយនេះ មានចំនួនតិចជាងតម្រូវការ។ ការណ៍នេះ ធ្វើឱ្យហ្វីលីពីនងាយរងគ្រោះនៃការប្រែប្រួលនៃតម្លៃអង្កររបស់សកល ជាពិសេសចំពេលដែលការផ្គត់ផ្គង់រងការរំខាន៕