កម្ពុជាទទួលបានគម្រោងវិនិយោគជាង ៤០០ ដែលមានទំហំទឹកប្រាក់ ៦,៩ ពាន់លានដុល្លារ នៅឆ្នាំ ២០២៤

នៅក្នុងឆ្នាំ ២០២៤ រាជរដ្ឋាភិបាលកម្ពុជាបានអនុម័តគម្រោងវិនិយោគចំនួន ៤១៤ គម្រោង កើន​​​ពី ២៦៨ គម្រោងនៅឆ្នាំ ២០២៣ ស្មើនឹង ៥៤%។

យោងតាមក្រុមប្រឹក្សាអភិវឌ្ឍន៍កម្ពុជា ទំហំទុនវិនិយោគទទួលបានចំនួន ៩ ៦០០ លានដុល្លារ កើនឡើង ៤០% នៅក្នុងឆ្នាំ ២០២៤ ធៀបនឹងឆ្នាំ ២០២៣ ដែលមានចំនួនតែ ៤ ៩២៧ លានដុល្លារ។

សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងជាប្រធានក្រុមប្រឹក្សាអភិវឌ្ឍន៍កម្ពុជា បាន​ដឹក​នាំកិច្ចប្រជុំក្រុមប្រឹក្សា​អភិវឌ្ឍកម្ពុជាលើកដំបូង​នៅថ្ងៃទី ២០ ខែធ្នូ ឆ្នាំ ២០២៤។

លោក ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍកម្ពុជា មាន​ប្រសាសន៍ថា កម្ពុជាមានសង្ឃឹងថា នឹងទទួលបានអ្នកវិនិយោគ​កាន់តែច្រើន​បន្ថែមទៀតនៅឆ្នាំ ២០២៥ ខាមុខ ខណៈមានក្រុមហ៊ុនបរទេសមួយចំនួន​ចង់ប្ដូរ​ទី​តាំង​មកកម្ពុជា៕