ព័ត៌មានអន្ដរជាតិ
BYD ច្រានចោលរបាយការណ៍ដែលថា កម្មករសាងសង់រោងចក្រខ្លួននៅប្រេស៊ីល ធ្វើការដូចទាសករ
អ្នកនាំពាក្យក្រុមហ៊ុនផលិតរថយន្តអគ្គិសនីចិន BYD បានច្រានចោលរបាយការណ៍អាជ្ញាធរប្រេស៊ីលដែលថា កម្មករចិននៅការដ្ឋានសាងសង់រោងចក្រផលិតរថយន្តអគ្គិសនី BYD ក្នុងប្រទេសប្រេស៊ីល ធ្វើការ និងរស់នៅក្នុងលក្ខខណ្ឌ «ដូចជាទាសករ»។ នេះបើតាមការចុះផ្សាយរបស់ទីភ្នាក់ងារសារព័ត៌មាន AP។
លោក Li Yunfei បានជំទាស់ខ្លាំងៗក្នុងសេចក្តីថ្លែងការណ៍មួយរបស់ខ្លួន ដែលបង្ហោះលើបណ្តាញសង្គម Weibo របស់លោក ដោយថា៖ «ដើម្បីលាបពណ៌ម៉ាកយីហោចិន លាបពណ៌ចិន និងប៉ុនប៉ងធ្វើឱ្យខូចចំណងមិត្តភាពរវាងចិន និងប្រេស៊ីល យើងបានមើលឃើញពីរបៀបដែលកម្លាំងបរទេសពាក់ព័ន្ធបានចូលរួមព្យាបាទ និងលាបពណ៌ដោយចេតនា»។
ក្នុងការបង្ហោះដដែលរបស់លោក Li នៅថ្ងៃព្រហស្បតិ៍នេះ ក៏បានភ្ជាប់ផងដែរ នូវវិដេអូការបកស្រាយពីកម្មករនៅការដ្ឋានកើតហេតុ។ កម្មករម្នាក់ បានអានសេចក្ដីបកស្រាយដែលថា របាយការណ៍ស្ដីពីស្ថានភាពដូចទាសករ និងការរំលោភសិទ្ធិមនុស្សរបស់កម្មករសំណង់ពីអាជ្ញាធរប្រេស៊ីល គឺជាលទ្ធផលនៃការយល់ខុស ហើយថា ពួកគេចង់បន្តធ្វើការ។
គួរគូសបញ្ជាក់ថា កាលពីថ្ងៃអង្គារ ការិយាល័យរដ្ឋអាជ្ញាការងារប្រេស៊ីល (MPT) បាននិយាយថា ខ្លួនបានជួញសង្រ្គោះកម្មករចិន ១៦៣ នាក់ ដែលសាងសង់រោងចក្រផលិតរថយន្ត BYD នៅទីក្រុង Camaçari នៃរដ្ឋ Bahia ក្នុង «លក្ខខណ្ឌដូចទាសករ»។ ការិយាល័យបានបញ្ចេញវិដេអូភស្តុតាង ដែលបង្ហាញថា គ្រែគេងរបស់កម្មករគ្មានពូក បន្ទប់ពួកគេគ្មានកន្លែងដាក់របស់ផ្ទាល់ខ្លួន ខណៈបន្ទប់ទឹក ១ ប្រើគ្នា ៣១ នាក់ ហើយត្រូវក្រោកម៉ោង ៤ ដើម្បីរៀបចំខ្លួនធ្វើការនៅម៉ោង ៥ កន្លះព្រឹក។
MPT បន្តថា កម្មករទាំងនោះត្រូវបានក្រុមហ៊ុនម៉ៅការសំណង់ចិន Jinjiang Construction ជាអ្នកជួលពួកគេពីចិន។ ក្រុមហ៊ុននេះបានរឹបអូសលិខិតឆ្លងដែនរបស់កម្មករ និងកិបប្រាក់ឈ្នួលរបស់ពួកគេទុក រហូតដល់ ៦០ ភាគរយ ហើយព្រមានឱ្យសងថ្លៃសំបុត្រយន្តហោះ បើហ៊ានឈប់ពីការងារ។
ពាក់ព័ន្ធនឹងចំណុចនេះ ក្រុមកម្មករបានបកស្រាយថា ក្រុមហ៊ុនគ្រាន់តែលិខិតឆ្លងដែនរបស់ពួកគេ ដើម្បីអនុញ្ញាតឱ្យក្រុមហ៊ុនដំណើរការលិខិតអនុញ្ញាតការងារ និងនីតិវិធីផ្សេងទៀត ដែលកម្មករមិនអាចគ្រប់គ្រងដោយខ្លួនឯងបាន ដោយសារបញ្ហាភាសា។
ជាមួយនឹងការច្រានចោលរបស់ BYD ក្រុមហ៊ុន Jinjiang ឯណោះវិញ បាននិយាយថា របាយការណ៍របស់ MPT គឺខុសភាគច្រើនដោយសារតែ «ភាពខុសគ្នានៃវប្បធម៌ បញ្ហាជាមួយនឹងការបកប្រែ និងការយល់ដឹង» ជាពិសេសពាក់ព័ន្ធនឹងការចោទប្រកាន់ថា កម្មករធ្វើការក្នុងលក្ខខណ្ឌដូចទាសករ។ ក្រុមហ៊ុនអះអាងថា ក្រុមកម្មករក៏មានឆន្ទៈនិយាយជាមួយសារព័ត៌មានផ្សេងៗលើបញ្ហានេះផងដែរ។
គួររំឭកថា បន្ទាប់ពី MPT ចេញរបាយការណ៍ ក្រុមហ៊ុន BYD បានអះអាងថា ខ្លួននឹងផ្ដាច់កុងត្រាជាក្រុមហ៊ុន Jinjiang ហើយសិក្សាពីវិធានការសមស្រប។ BYD បន្តថា កម្មករទាំងអស់នឹងដាក់ឱ្យស្នាក់សណ្ធាគារក្បែរការដ្ឋានសំណង់សិន ហើយពួកគេមិនប៉ះពាល់អ្វីទេ បើសុំឈប់ពីការងារ។
BYD ច្រានចោលរបាយការណ៍ដែលថា កម្មករសាងសង់រោងចក្រខ្លួននៅប្រេស៊ីល ធ្វើការដូចទាសករ
ជនសង្ស័យ ២ នាក់ កាច់.ក ម៉ូតូ ១ គ្រឿង ត្រូវម្ចាស់ឃើញស្រែកឆោឡោ ចាប់ប្រគល់ឲ្យសមត្ថកិច្ច
តារាអាសអាភាសភេទទី៣ថា ធ្លាប់ហៅ Justin មករួមភេទ ជាថ្នូរនឹងប្រាក់ខែ២លានដុល្លារ
“កុលាបមានបន្លា” កំពុង Trending ច្រៀងនិងរាំលេងពេញ Facebook និង TikTok
រុស្ស៊ី ប្រកាសត្រៀមពិភាក្សាជាមួយលោក ត្រាំ ដើម្បីបញ្ចប់សង្គ្រាមអ៊ុយក្រែន
រុស្ស៊ី ប្រកាសជោគជ័យ ក្រោយបាញ់មីស៊ីលរាប់រយគ្រាប់ វាយសន្ធាប់អ៊ុយក្រែន ថ្ងៃបុណ្យណូអែល
នាយករដ្ឋមន្ត្រីបញ្ជាឱ្យពិនិត្យធ្វើវិសោធនកម្មច្បាប់រឹតបន្ដឹងលើសកម្មភាពក្មេងទំនើង
អាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
ព្យុះទី២៦ ឈ្មោះប៉ាប៊ូក បានថយឥទ្ធិពល ខណៈសីតុណ្ហភាពមានចាប់ពី១៨ ទៅ៣២°C
២ចំណុចគួរឲ្យសង្ស័យ អំពីមូលហេតុនៃការធ្លាក់យន្តហោះនៅកាហ្សាក់ស្ថាន ស្លាប់មនុស្ស៣៨នាក់
-
ព័ត៌មានជាតិ៦ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៦ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
សន្តិសុខសង្គម១ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម២ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៥ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៥ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានអន្ដរជាតិ១ សប្តាហ៍ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ
-
ព័ត៌មានអន្ដរជាតិ៥ ថ្ងៃ agoស្ថានទូតចំនួន៦ ត្រូវបានកម្ទេច ពេលរុស្ស៊ីបាញ់មីស៊ីលវាយប្រហាររដ្ឋធានីកៀវ