សេដ្ឋកិច្ច
តម្លៃស្រូវធ្លាក់ចុះក្រោម ៨០០ រៀល នៅខេត្តបាត់ដំបង
ប្រជាកសិករមួយចំនួនបានលើកឡើងពីតម្លៃស្រូវធ្លាក់ចុះ ក្រោម ៨០០ រៀល ក្នុងមួយគីឡូក្រាម និងស្នើឱ្យរដ្ឋាភិបាលជួយរកដំណោះស្រាយ។
អ្នកស្រី ថាង រស្មី កសិករធ្វើស្រែប្រាំងបានប្រាប់ថា តម្លៃស្រូវបច្ចុប្បន្នធ្លាក់ចុះមកនៅត្រឹមជាង ៦០០ រៀល ក្នុងមួយគីឡូក្រាម ដែលមិនអាចទូទាត់ជាមួយតម្លៃជី ប្រេង ថ្នាំ និងកម្លាំងពលកម្ម។

លោក ឈឹម វជិរ៉ា ប្រធានមន្ទីរកសិកម្ម រុក្ខា ប្រមាញ់ និងនេសាទ ខេត្តបាត់ដំបងប្រាប់កម្ពុជាថ្មី នៅថ្ងៃទី ០៨ ខែមករា ឆ្នាំ ២០២៥ ថា តម្លៃស្រូវនាងខុន បានប្រមូលផលចាប់តាំងពីដំណាខែធ្នូ ឆ្នាំ ២០២៤ ដែលឆ្នាំ កន្លងមក វៀតណាមមានការប្រមូលទិញស្រូវច្រើនដើម្បីបង្គ្រប់ស្ដុក រួមផ្សំនឹងការបំពេញតម្រូវការក្នុងស្រុកផង ហើយការនាំចេញធ្វើកិច្ចសន្យាកុងត្រានាំចេញទៅក្រៅប្រទេសផង ដូច្នេះគេប្រមូលទិញពីស្រុកខ្មែរ ទៅទាំងអស់ដោយមិនគិតទៅលើគុណភាពស្រូវ។
លោក ឈឹម វជិរ៉ា បន្តថា ពិភពលោកបារម្ភពីបាតុភូតអេលីណូ ពាក់ព័ន្ធនឹងគ្រោះរាំងស្ងួត ដោយសារការប្រែប្រួលអាកាសធាតុ ដូច្នេះហើយស្រូវឆ្នាំមុន បានឡើងហួសកម្រិត ដែលតម្លៃស្រូវនាខុនឡើងដល់ជាង ១ ពាន់រៀលក្នុងមួយគីឡូក្រាម។

លោក ឈឹម វជិរ៉ា បន្តថា៖ «ឆ្នាំនេះ ស្រូវនាងខុន លក់ពីដំបូងបានចន្លោះពី ៨០០ រៀល ទៅ ៨០៨០ រៀលក្នុងមួយគីឡូក្រាម ហើយបន្ទាប់មកវាធ្លាក់រហូត ហើយមានតែរោងម៉ាស៊ីនតូចៗ ទេ ព្រោះគាត់ទិញឥឡូវនេះ គាត់ទិញនៅពេលដែលគាត់កិនជាអង្កទៅនៅក្នុងខែ ៧ ខែ ៨ ម្យ៉ាងទៀតរោងម៉ាស៊ីនធំៗភាគច្រើន កែច្នៃស្រូក្រអូប ផ្កាម្លិះ ផ្ការដួល ស្រងែ ឬសែនក្រអូប ដោយឡែកស្រូវ អូអឹម ឬនាងខុន គាត់អត់ដែលទិញទេ ហើយឆ្នាំនេះ វៀតណាមក៏មិនទិញ ហើយតម្រូវការយើងប្រើប្រាស់ក្នុងស្រុកតិចតួច ហើយរោងម៉ាស៊ីនបានសម្រុកទិញរដូវវស្សាឆ្នាំ ២០២៤ កន្លងមក គឺយើងប្រមូលទិញទុកច្រើន មកដល់ម៉ោងនេះ ការបញ្ចេញអង្ករលក់ទៅក្រៅប្រទេសបានតិចតួច អញ្ចឹងបានជាស្រូវនៅឃ្លាំងធំៗពេញធ្វើឱ្យគាត់ចាល់»។
បើតាមលោក ឈឹម វជិរ៉ា តម្លៃធ្លាក់ចុះតាមនិន្នាការទីផ្សារខាងក្រៅប្រទេស ខណៈរោងម៉ាស៊ីនកំពុងស្នើទៅរដ្ឋាភិបាលទម្លាក់ថវិកាប្រមូលទិញស្រូវស្ដុកទុក ដែលនឹងធ្វើឱ្យតម្លៃឡើងវិញ។
លោកក៏បានណែនាំឱ្យអាជ្ញាធរមូលដ្ឋាន និងកសិករ ប្រសិនបើមានលទ្ធភាពអាចហាលស្រូវទុករង់ចាំតម្លៃកើនឡើងវិញ៕

អត្ថបទ៖ ឡេង ដេត

-
ព័ត៌មានអន្ដរជាតិ៥ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១៤ ម៉ោង ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១៤ ម៉ោង ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់