Connect with us

ព័ត៌មានអន្ដរជាតិ

មូលហេតុដែលតម្លៃអង្ករអន្តរជាតិធ្លាក់ចុះ

បានផុស

នៅ

កាល​ពី​ថ្ងៃ​អាទិត្យ​ចុង​សប្ដាហ៍ កាសែត​វៀតណាម​ VnExpress បាន​រាយការណ៍ថា​ តម្លៃអង្ករ​នាំចេញ​របស់​វៀតណាម​បាន​ធ្លាក់ចុះ​ដល់​កម្រិត​ទាប​បំផុត​ក្នុងរយៈពេល​ ៤ ឆ្នាំ​ ដែល​បង្កជា​ការ​ត្អូញត្អែរពី​កសិករ​ ហើយធ្វើ​ឱ្យ​ឈ្មួញនាំចេញ​កាត់បន្ថយ ឬបង្អែបង្អង់ទិញ​ស្រូវនារដូវប្រមូលផល​ដើម​ឆ្នាំ ២០២៥ នេះ​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម​សមាគម​អាហារ​វៀតណាម តម្លៃអង្ករបាក់ ៥ ភាគរយ របស់​វៀតណាម បាន​ធ្លាក់ចុះ​ដល់​ ៤៣៤ ដុល្លារ​/តោន​ ដែលវា​ជា​តម្លៃទាប​បំផុត​ក្នុងរយៈពេល​៤ឆ្នាំ ខណៈ​តម្លៃអង្ករ​ប្រភេទ​ដូចគ្នា​របស់​ប្រទេស​នាំចេញ​អង្ករ​ធំៗ​ផ្សេងទៀត​ លក់​នៅតម្លៃ​ក្រោម​ ៥០០ ដុល្លារ​/តោន ដែល​ក្នុង​នោះរួមមាន​ អង្ករថៃនៅតម្លៃ​ ៤៧៩ ដុល្លារ​/តោន​ ឥណ្ឌា ៤៤០ ដុល្លារ/តោន និងប៉ាគីស្ថាន ៤៤៨ ដុល្លារ/តោន។

តម្លៃអង្ករបាក់៥ភាគរយរបស់​ឥណ្ឌា ថៃ និងវៀតណាម​ ត្រូវ​បាន​ជួញដូរ​នៅតម្លៃចន្លោះពី ៥៣០-៥៧០ ដុល្លារ​/តោន កាលពីចុងខែ​កញ្ញា​ឆ្នាំ​មុន ខណៈតម្លៃអង្ករ​វៀតណាម និងថៃធ្លាប់ឡើងដល់ជាង​ ៦០០ ដុល្លារ/តោន កាលពី​ឆ្នាំ​មុន​ដូចគ្នា នៅពេល​ដែល​តម្រូវការ​សកល​ហក់ឡើង​។

អ្នកជំនាញ​និយាយថា​ តម្លៃអង្ករវៀតណាម​ធ្លាក់ចុះ​បណ្ដាល​មក​ពី​កត្តា​ច្រើន​យ៉ាង​ ជា​ពិសេស​កម្សោយ​នៃតម្រូវការ​ពី​ប្រទេស​នាំចូល​ធំ​ៗ​ ក៏ដូចជា​ការ​ប្រកួត​ប្រជែង​កាន់តែខ្លាំងសម្រាប់​ការ​ផ្គត់​ផ្គង់​អង្ករ​។ ប៉ុន្តែ​កត្តា​ទាំង​នោះ​ ក៏​​ជា​មូលហេតុផ្សំ​គ្នា​ ដែល​ធ្វើ​ឱ្យតម្លៃ​អង្ករ​អន្តរជាតិ​ ធ្លាក់ចុះ​ក្រោម​ ៥០០ ដុល្លារ​/តោនផងដែរ​។

នៅឆ្នាំ​ ២០២៥ នេះ​ ឥណ្ឌូណេស៊ី​ ដែលជា​ប្រទេស​នាំចូល​អង្ករ​ធំជាង​គេ​បំផុត​មួយ​លើ​ពិភព​លោក​ បាន​ប្រកាស​ផ្អាក​ការ​នាំចូល​អង្ករ​ ដោយ​ប្ដេជ្ញាជំរុញ​ផលិតកម្មស្រូវ​ក្នុងស្រុក ហើយ​ឆ្ពោះ​ទៅរក​ការ​ផ្គត់​ផ្គង់ដោយ​ខ្លួន​ឯង​។ អ្នក​ជំនាញ​បាន​គូស​បញ្ជាក់ថា​ កាល​ពី​ឆ្នាំ ២០២៤ ប្រទេស​នេះ និង​ហ្វីលីពីន​ ​បាន​បង្កើន​ការ​នាំចូល​អង្ករ​ដើម្បី​រក្សា​សន្ដិសុខស្បៀង​ ដែល​ជួញធ្វើ​ឱ្យ​តម្លៃ​អង្ករលើទីផ្សារ​អន្តរជាតិ​​ស្ថិត​នៅ​ខ្ពស់​ថេរ​ ហើយ​ការផ្អាកយ៉ាងដូច្នេះ បាន​ជះ​ឥទ្ធិពល​យ៉ាង​សំខាន់​ដល់​តម្លៃ​អង្ករ​។

លើស​ពី​នេះ​ ការ​ដក​ការ​រឹតត្បឹត​លើ​ការ​នាំចេញ​អង្ករ​របស់​ឥណ្ឌា​ ក៏​រួម​ចំណែក​លើ​ការ​ធ្លាក់ចុះ​តម្លៃ​អង្ករ​អន្តរជាតិ​ផងដែរ​ ដោយ​វា​ធ្វើឱ្យ​អង្ករ​​ជន់​លិច​ទីផ្សារជាថ្មី​​ ហើយ​បន្ថូរបន្ថយ​ហានិភ័យនៃការ​​ផ្គត់​ផ្គង់​ ដែល​ជា​ធម្មតា​បង្កើន​សម្ពាធ​សម្រាប់​តម្លៃ​។ ការណ៍​នេះ​មាន​ន័យថា​ ប្រទេស​នាំចូល​អង្ករ​មាន​ជម្រើស​កាន់តែច្រើន​ពី​ប្រភព​ផ្គត់​ផ្គង់​ ជាមួយ​នឹង​និន្នាការធ្លាក់ចុះ​នៃ​តម្លៃ​អង្ករ​។ ជា​ឧទាហរ​ណ៍ស្រាប់ ហ្វីលីពីនដែល​ជា​ប្រទេស​នាំចូល​អង្ករ​ដ៏​ធំបំផុត​មួយ​នោះ​ ទទួល​បាន​ប្រយោជន៍​ពី​ការ​សម្រេចចិត្ត​របស់​រដ្ឋាភិបាល​ ដែល​ធ្វើ​ឱ្យ​ប្រទេស​នេះ​មិន​ប្រញាប់ប្រញាល់​ក្នុងការ​នាំចូល​អង្ករ​សម្រាប់​សន្តិសុខស្បៀងនោះ​ទេ​ ទោះ​បីជា​មាន​ការ​រំពឹង​ទុកថា​ ខ្លួន​នឹង​បង្កើន​ការ​នាំចូល​អង្ករ​នៅឆ្នាំ​នេះ​ក៏ដោយ​។

អ្នកជំនាញ​ក៏​លើក​ឡើងផងដែរ​ថា​ តម្លៃ​អង្ករ​អន្តរជាតិ​ទំនង​មាន​ទំនោរ​បន្ត​ធ្លាក់ចុះ​នៅឆ្នាំ ២០២៥ ដោយសារ​តែ​កំណើន​នៃការ​ផ្គត់​ផ្គង់​។ យោងតាមក្រសួងកសិកម្មសហរដ្ឋអាមេរិក ការផ្គត់ផ្គង់អង្ករពិភពលោកត្រូវបានគេរំពឹងថានឹងកើនឡើងគួរឱ្យកត់សម្គាល់នៅឆ្នាំ ២០២៤/២៥ ដោយផលិតកម្មអង្ករ​​នឹងឈានដល់កម្រិតខ្ពស់បំផុតជាង ៥៣៣ លានតោន ដោយ​ខ្ពស់​ជាង​ឆ្នាំ​ ២០២៣/២៤ ប្រមាណ​ ១១ លាន​តោន​​។ ក្រៅពីតែ​ពី​ឥណ្ឌា ថៃ និងវៀតណាម​ ប្រទេសផ្សេងទៀតដូចជា អេហ្ស៊ីប ហ្គីយ៉ាណា ជប៉ុន និងវេណេហ្ស៊ុយអេឡា ​ក៏​រួម​ចំណែក​កាន់តែខ្លាំង​សម្រាប់​ផលិតកម្មស្រូវអង្ករផងដែរ​ មាន​ន័យ​ថា​ ការ​ផ្គត់​ផ្គង់កាន់តែច្រើន​សម្រាប់ទីផ្សារ​៕

Helistar Cambodia - Helicopter Charter Services
Sokimex Investment Group
ព័ត៌មានជាតិ៣ នាទីutes មុន

រដ្ឋបាលខេត្តមណ្ឌលគិរី នឹងរៀបចំលេងល្បែងប្រជាប្រិយ ក្នុងឱកាសបុណ្យចូលឆ្នាំថ្មី នៅលើសួនដំរី

ព័ត៌មានជាតិ១៣ នាទីutes មុន

ខេត្តរតនគិរី៖ ស្វាយចន្ទីធម្មតាថ្លៃជាងពូជM23 ប៉ុន្តែឆ្នាំនេះចន្ទីមិនសូវមានផ្លែ ក៏អាចលក់បានតម្លៃសមរម្យ

ហុក សារិតុលា
ជីវិតកម្សាន្ដ១៦ នាទីutes មុន

ខាត់ ស្រីច័ន្ទ ជឿថា សារិតុលា នឹងជោគជ័យនៅពេលក្រោយ បើទោះពេលនេះបានត្រឹមលំដាប់រងទី២ MSC

ព័ត៌មានជាតិ១៧ នាទីutes មុន

រដ្ឋមន្ត្រីសុខាភិបាល ជំរុញថ្នាក់ដឹកនាំ និងបុគ្គលិកមន្ទីរពេទ្យកុមារជាតិ ខិតខំបន្ថែមទៀត ដើម្បីកាត់បន្ថយអត្រាស្លាប់កុមារកាន់តែប្រសើរ

ខេត្តតាកែវ
ព័ត៌មានជាតិ២២ នាទីutes មុន

អភិបាលខេត្តតាកែវ ដឹកនាំប្រតិភូចុះសួរសុខទុក្ខ​កងកម្លាំងឈរជើងការពារព្រំដែនប្រាសាទតាមាន់

ព័ត៌មានអន្ដរជាតិ២២ ម៉ោង មុន

មីយ៉ាន់ម៉ា៖ ​ក្រុមសង្គ្រោះ​តួកគី ជួយ​ជីវិត​បុរសម្នាក់ ក្រោយ​ជាប់ក្រោមគំនរបាក់បែក៥ថ្ងៃ

ព័ត៌មានអន្ដរជាតិ២២ ម៉ោង មុន

ត្រឹមមួយថ្ងៃដើមខែមេសា ប្រទេសអាស៊ីអាគ្នេយ៍ចំនួន៣ កើតគ្រោះអគ្គិភ័យរន្ធត់ដំណាលគ្នា

ព័ត៌មានអន្ដរជាតិ៧ ម៉ោង មុន

ត្រាំ ប្រកាសដំឡើងពន្ធទ្រង់ទ្រាយធំជាសកល ក្នុងនោះកម្ពុជា រងគ្រោះខ្លាំង

ព័ត៌មានអន្ដរជាតិ៥ ម៉ោង មុន

សភាពាណិជ្ជកម្មអាមេរិកនៅកម្ពុជា ស្នើឱ្យ​ដោះស្រាយបញ្ហា​ពន្ធអាមេរិកថ្មី ​ដើម្បីបញ្ចៀស «វិបត្តិសេដ្ឋកិច្ចជ្រាលជ្រៅ»

ព័ត៌មានជាតិ៣ ម៉ោង មុន

អាមេរិកថាកម្ពុជាយកពន្ធខ្លួន ៩៧ ភាគរយ​ តែអតីតប្រធាន EuroCham នៅកម្ពុជា ហៅតួលេខនេះថា «បំភ័ន្ត» ជំរុញដោយនយោបាយ

Sokha Hotels

ព័ត៌មានពេញនិយម