ព័ត៌មានអន្ដរជាតិ
អតិផរណាអាមេរិកបន្តឡើងសន្សឹមៗជាថ្មី បង្កការបារម្ភថានឹងកាន់តែធ្ងន់ធ្ងរក្រោមអាណត្តិ ត្រាំ
ទិន្នន័យរបស់រដ្ឋាភិបាលសហរដ្ឋអាមេរិក បានបង្ហាញថា អតិផរណាអាមេរិកបានបន្តកើនឡើងសន្សឹមៗជាថ្មី ខណៈលោកប្រធានាធិបតីជាប់ឆ្នោត ដូណាល់ ត្រាំ នឹងចូលកាន់អំណាចនៅសប្ដាហ៍ក្រោយ ជាមួយនឹងគោលនយោបាយមួយចំនួន ដែលសេដ្ឋវិទូព្រួយបារម្ភថា នឹងធ្វើឱ្យអតិផរណាកាន់តែធ្ងន់ធ្ងរ។
ការិយាល័យស្ថិតិការងាររបស់សហរដ្ឋអាមេរិក ចេញផ្សាយនូវរបាយការណ៍ប្រចាំខែរបស់ខ្លួនកាលពីថ្ងៃពុធ ដែលបង្ហាញថា សន្ទស្សន៍តម្លៃអ្នកប្រើប្រាស់ប្រចាំខែធ្នូ ២០២៤ បានកើនឡើងដល់ ២,៩ ភាគរយ ក្នុងអត្រាប្រចាំឆ្នាំ ធៀបនឹងកំណើន ២,៧ ភាគរយ នៅខែវិច្ឆិកា។
ពិតណាស់ តួលេខនេះទាបជាងឆ្ងាយបើធៀបនឹង កំណើនខ្ពស់បំផុតក្នុងរយៈពេល៤ទសវត្សរ៍ប្រមាណ ៩,១ ភាគរយ នៅខែមិថុនា ឆ្នាំ ២០២២។ យ៉ាងណាមិញ វានៅតែជាការព្រួយបារម្ភ ដោយហេតុថា វាកំពុងងើបឡើងវិញសន្សឹមៗ៣ខែជាប់ៗគ្នា ងាកចេញឆ្ងាយពីអត្រា ២ ភាគរយ ដែលជាគោលដៅរបស់ធនាគារកណ្ដាលសហព័ន្ធអាមេរិក។
សេដ្ឋវិទូលើកឡើងថា នេះអាចជាឧបសគ្គធំសម្រាប់លោក ត្រាំ និងរដ្ឋបាលរបស់លោក ក្នុងការបង្រ្កាបការហក់ឡើងថ្លៃនៃទំនិញ ដើម្បីសម្រួលដល់ការចំណាយប្រចាំថ្ងៃរបស់ពលរដ្ឋអាមេរិក។ តម្លៃខែធ្នូមិនត្រឹមតែកើនឡើងប៉ុណ្ណោះទេ ប៉ុន្តែវាថែមទាំងកើនឡើងក្នុងអត្រាខ្ពស់ជាងពីខែវិច្ឆិកាទៀតផង។
នៅខែធ្នូ តម្លៃប្រេងសាំង និងអាហារ រួមចំណែកដ៏ធំបំផុតចំពោះអតិផរណារបស់អាមេរិក។ តម្លៃស៊ុត បានកើនឡើងជិត ៣៧ ភាគរយ ក្នុងអត្រាប្រចាំឆ្នាំ ដោយសារតែជំងឺផ្តាសាយបក្សី ។ ជាមួយគ្នានោះ តម្លៃធានារ៉ាប់រងរថយន្ត បានកើនឡើង ១១ ភាគរយ ក្នុងអត្រាប្រចាំឆ្នាំដូចគ្នា ខណៈតម្លៃប្រេងសាំង កើនឡើង៤,៤ ភាគរយ នៅខែធ្នូ ធៀបនឹងខែវិច្ឆិកា។
ថាតើអតិផរណាអាចនឹងកាន់តែធ្ងន់ធ្ងរដែរ ឬយ៉ាងណានៅក្រោមអាណត្តិរបស់លោក ត្រាំ គឺជាសំណួរដែលគ្រប់គ្នាកំពុងរងចាំមើល ខណៈធនាគារកណ្ដាលនឹងមានការប្រយ័ត្នកាន់តែខ្ពស់លើការសម្រេចចចិត្តណាមួយរបស់ខ្លួន លើគោលនយោបាយអត្រាការប្រាក់។ ប៉ុន្តែសេដ្ឋវិទូបានព្រមានរួចហើយអំពីលទ្ធភាពដែលអាចកើតមាន ប្រសិនបើលោក ត្រាំ ពិតជាអនុវត្តនូវអ្វីដែលលោកបានប្ដេជ្ញា។
ការព្រួយបារម្ភជាចម្បងមួយនោះគឺការគំរាមកំហែងរបស់លោក ក្នុងការដាក់ពន្ធលើទំនិញនាំចូលពីប្រទេសផ្សេងៗទៀត ដែលនោះនឹងធ្វើឱ្យតម្លៃទំនិញកើនឡើង ហើយអ្នកប្រើប្រាស់អាមេរិកគឺជាអ្នកបង់ថ្លៃ។ ក្នុងចំណោមប្រទេសដែលលោក ត្រាំ បានកំណត់គោលដៅនោះ គឺជាប្រទេសដៃគូពាណិជ្ជកម្មកំពូលៗរបស់អាមេរិក ដែលរួមមាន ម៉ិកស៊ិក កាណាដា និងចិន។ គិតតែពន្ធលើទំនិញនៃប្រទេសទាំង៣នេះ វាអាចបង្កើនតម្លៃទំនិញគ្រប់មុខ ដោយរាប់ចាប់ពីរថយន្ត ប្រេង រហូតដល់គ្រឿងអេឡិចត្រូនិក។ នេះមិនរាប់បញ្ជូលពីផលប៉ះពាល់នៃពន្ធទូទៅ ដែលលោកសន្យាថានឹងដាក់លើគ្រប់ទំនិញនៃគ្រប់ប្រទេស ១០ៗ ភាគរយផង។
ទន្ទឹមនឹងនេះ លោក ត្រាំ ក៏គំរាមកំហែងផងដែរ ពីការនិរទេសជនអន្តោរប្រវេសន៍ខុសច្បាប់ទ្រង់ទ្រាយធំ ដែលសេដ្ឋវិទូព្រមានថា ធ្វើឱ្យតម្លៃពលកម្មកើនឡើង ជាកត្តាមួយផ្សេងទៀតក្នុងការជំរុញអតិផរណា។
ទោះបីបែបនេះក្ដី គេមិនទាន់អាចនិយាយបានទេ ថាតើ លោក ត្រាំ នឹងធ្វើអ្វីឱ្យប្រាកដក្នុងអំឡុងពេលអាណត្តិរបស់លោក ដោយគេនឹងច្បាប់ផ្ដើមដឹងជាបណ្ដើរៗចាប់ពីថ្ងៃចន្ទនេះតទៅ៕
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
ប្រជាពលរដ្ឋ សហជីព និងកម្មករ ថ្កោលទោសទណ្ឌិត សម រង្ស៊ី ដែលអំពាវនាវឱ្យមានការងើបបះបោរប្រឆាំងនឹងរាជរដ្ឋាភិបាលស្របច្បាប់
អ៊ីស្រាអែលបើកការវាយឆ្មក់យ៉ាងសាហាវទៅលើជំរុំជនភៀសខ្លួន Jenin ក្នុងតំបន់ West Bank
តួកគីចាប់ខ្លួនម្ចាស់សណ្ឋាគារ និងអ្នកពាក់ព័ន្ធ ខណៈកំហឹងសាធារណៈផ្ទុះឡើងខ្លាំង
ជប៉ុនផ្ដល់ជំនួយជាង៥លានដុល្លារ ដើម្បីគាំទ្រលិទ្ធិប្រជាធិបតេយ្យនៅកម្ពុជា
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ចរាចរណ៍៣ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ