ព័ត៌មានអន្ដរជាតិ
រដ្ឋមន្រ្តីក្រសួងមហាផ្ទៃរបស់ ត្រាំ ហៅការបង្កើនការបូមប្រេងជាគន្លឹះនៃសន្តិសុខជាតិ ទោះមានក្ដីបារម្ភបញ្ហាអាកាសធាតុ
រដ្ឋមន្រ្តីក្រសួងមហាផ្ទៃ ដែលប្រធានាធិបតីជាប់ឆ្នោតសហរដ្ឋអាមេរិក ដូណាល់ ត្រាំ បានជ្រើសតាំង ពោលគឺលោក Doug Burgum បានថ្លែងថា លោកនឹងអនុវត្តផែនការបង្កើនផលិតកម្មថាមពល រួមទាំងការបូមប្រេងបន្ថែម ព្រោះវាជាគន្លឹះសម្រាប់សន្ដិសុខជាតិ ទោះបីជាមានការព្រួយបារម្ភពីការប្ដេជ្ញាចិត្តរបស់អាមេរិកលើការប្រយុទ្ធប្រឆាំងនឹងការប្រែប្រួលអាកាសធាតុក៏ដោយ។ នេះបើតាមការចុះផ្សាយរបស់ទីភ្នាក់ងាសារព័ត៌មានរ៉យទ័រ។
លោក Burgum បានលើកឡើងដោយស្របនឹងគោលដៅរបស់លោក ត្រាំ យ៉ាងដូច្នេះ នៅពេលលោកថ្លែងទៅកាន់សភាអាមេរិក ក្នុងអំឡុងសវនាការតែងតាំងលោក។ ការណ៍នេះ បង្ហាញពីការផ្លាស់ប្តូរយ៉ាងខ្លាំងនៅក្នុងគោលនយោបាយរបស់សហរដ្ឋអាមេរិក បន្ទាប់ពីលោកប្រធានាធិបតី ចូ បៃដិន បានព្យាយាមអស់ជាច្រើនឆ្នាំ ដើម្បីកំណត់ការខួងយកប្រេង និងឧស្ម័ន ដោយកាត់បន្ថយការដេញថ្លៃជួលរបស់សហព័ន្ធ និងហាមឃាត់ការអភិវឌ្ឍន៍នាពេលអនាគតតាមដែនទឹកមួយចំនួន ដើម្បីប្រយុទ្ធប្រឆាំងនឹងការប្រែប្រួលអាកាសធាតុ។
លោក Burgum ដែលបម្រើការជាអភិបាលរដ្ឋ North Dakota បានប្រាប់ក្រុមសមាជិកព្រឹទ្ធសភាអាមេរិក ដែលកំពុងពិចារណាលើការតែងតាំងរបស់លោក យ៉ាងដូច្នេះថា៖ «អាមេរិកផលិតថាមពលស្អាត ឆ្លាត និងមានសុវត្ថិភាពជាងប្រទេសណាៗក្នុងពិភពលោក។ ខណៈការផលិតថាមពលត្រូវបានដាក់កម្រិតនៅអាមេរិក តម្រូវការមិនធ្លាក់ចុះនោះទេ ដោយគ្រាន់តែផលិតកម្មផ្លាស់ប្ដូរទៅរុស្ស៊ី វេណេហ្ស៊ុយអេឡា និងអ៊ីរ៉ង់ ដែលមានមេដឹកនាំផ្តាច់ការមិនខ្វល់ពីបរិស្ថាន ទៅវិញ»។
លោកបានបន្ថែមថា ការបង្កើនទិន្នផលថាមពលជាអតិបរមា អាចកាត់បន្ថយតម្លៃអ្នកប្រើប្រាស់ ហើយអាចធ្វើទៅបាន ខណៈធានាបាននូវខ្យល់ និងទឹកស្អាត។
លោក Burgum បានបន្តថា ក្នុងឋានៈជារដ្ឋលេខាធិការក្រសួងមហាផ្ទៃ លោកនឹងពង្រីកការដេញថ្លៃជួលខួងលើដីសាធារណៈស្របតាមច្បាប់។ លោកថា លោកក៏នឹងគាំទ្រការអនុញ្ញាតឱ្យមានការកែទម្រង់ដែលអាចបង្កើនល្បឿននៃគម្រោងថាមពល រួមទាំងគម្រោងដែលជួយជំរុញការបញ្ជូន និងការបង្ហូរប្រេងទៅវិស័យថាមពល។
លោកក៏បានរិះគន់ផងដែរលើគោលនយោបាយគាំទ្ររថយន្តអគ្គិសនីរបស់លោក បៃដិន ដោយថា វាបង្កើនការពឹងផ្អែករបស់សហរដ្ឋអាមេរិកលើសារធាតុរ៉ែសំខាន់ៗពីប្រទេសចិន។ ក្រៅពីនេះ លោក
បានបដិសេធមិននិយាយថាតើលោកនឹងគាំទ្រឧស្សាហកម្មថាមពលខ្យល់ដែរឬយ៉ាងណាទេ ប្រសិនបើលោកជាប់ឈ្មោះជារដ្ឋមន្រ្តីក្រសួងមហាផ្ទៃ ខណៈលោក ត្រាំ បានប្តេជ្ញាថាបញ្ចប់ឧស្សាហកម្មនេះព្រោះវាថ្លៃពេក ហើយអាចបង្កគ្រោះថ្នាក់ដល់ត្រីបាឡែនក្នុងសមុទ្រ។
គួរគូសបញ្ជាក់ថា ក្រសួងមហាផ្ទៃអាមេរិកត្រួតពិនិត្យលើផ្ទៃដី និងទឹករាប់លានហិចតា ដែលលាតសន្ធឹងតាំងពីតំបន់អាក់ទិក រហូតដល់ឈូងសមុទ្រម៉ិកស៊ិក។ ស្ថាប័ននេះ ជាអ្នកដាក់ជួលដីសម្រាប់ប្រតិបត្តិការខួងយកប្រេង ដែលបច្ចុប្បន្នផលិតបានប្រហែល ១/៤ នៃទិន្នផលប្រេង និងឧស្ម័នរបស់សហរដ្ឋអាមេរិក។
មែនទែនទៅ សហរដ្ឋអាមេរិកគឺជាប្រទេសផលិតប្រេង និងឧស្ម័នលំដាប់កំពូលរបស់ពិភពលោករួចទៅហើយ ដោយសារតែការរីកដុះដាលនៃការខួងយករ៉ែជាច្រើនឆ្នាំ ភាគច្រើននៅលើដីឯកជនក្នុងរដ្ឋតិចសាស់ និងម៉ិកស៊ិក ដែលជំរុញដោយបច្ចេកវិទ្យាទំនើបៗ និងតម្រូវការប្រេងរបស់សកលដ៏រឹងមាំ ក្រោយរុស្ស៊ីចូលឈ្លានពានអ៊ុយក្រែនទ្រង់ទ្រាយធំនៅឆ្នាំ ២០២២។
ការចូលមកកាន់អំណាចជាថ្មីរបស់លោក ត្រាំ បង្កការព្រួយបារម្ភពីអ្នកបរិស្ថាន ដោយសារតែអ្នកនយោបាយអភិរក្សនិយមរូបនេះ ប្ដេជ្ញាបង្កើនការបូមប្រេង ឬបង្កើតគោលនយោបាយផ្សេងៗ ដែលប៉ះពាល់ដល់ការប្ដេជ្ញាចិត្តរបស់អាមេរិកលើការប្រយុទ្ធប្រឆាំងនឹងការប្រែប្រួលអាកាសធាតុ។ លោកហៅការប្រែប្រួលអាកាសធាតុថាជាការបោកបញ្ឆោត និងតែងតែរិះគន់លើកិច្ចប្រឹងប្រែងជំរុញថាមពលបៃតង ថាជាការបោកប្រាស់៕
រដ្ឋមន្រ្តីក្រសួងមហាផ្ទៃរបស់ ត្រាំ ហៅការបង្កើនការបូមប្រេងជាគន្លឹះនៃសន្តិសុខជាតិ ទោះមានក្ដីបារម្ភបញ្ហាអាកាសធាតុ
លោក លី ធុជ អំពាវនាវឲ្យអ្នកដោះមីនទាំងអស់ ត្រូវមានការប្រុងប្រយ័ត្នខ្ពស់ និងគោរពតាមបទដ្ឋានបច្ចេកទេស
រុស្ស៊ី និងអ៊ីរ៉ង់ ត្រៀមចុះហត្ថលេខាសន្ធិសញ្ញា «ភាពជាដៃគូយុទ្ធសាស្ត្រគ្រប់ជ្រុងជ្រោយ»
សេន រ៉ានុត ត្រូវបានសម្តេចតេជោ នឹករលឹក និងលើកសរសើរនូវទឹកដមសំឡេង ច្រៀងបទប្រពៃណីពីរោះរណ្តំពេញចិត្តសម្តេច
រដ្ឋមន្ត្រីព័ត៌មានប្រាប់មន្ត្រីរួមគ្នាផ្សាយព័ត៌មានពិត ដើម្បីឆ្លើយតបនឹងការបំភ្លៃព័ត៌មានខុសពីក្រុមជ្រុលនិយម
លោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
អ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
ពាក់មី ហួសចិត្តនឹងអ្នកប្រើរូបខ្លួន ប្រកាសលក់ផ្ទះបន្ទាន់ និងស្នើសាធារណជន កុំគាំទ្រទង្វើរកសុីបែបនេះ
សូម្បីនាយករដ្ឋមន្ត្រីថៃក៏ស្ទើរតែចាញ់បោកក្រុមចោរបច្ចេកវិទ្យា ដោយប្រើ AI ធ្វើត្រាប់សំឡេង
នាយព្រីង ត្រូវកាត់ជេីង ដោយសារទទួលទានភេសជ្ជៈប៉ូវកម្លាំងរាល់ថ្ងៃ
-
ចរាចរណ៍៤ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ព័ត៌មានជាតិ១ សប្តាហ៍ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៧ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ជីវិតកម្សាន្ដ៦ ថ្ងៃ agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
-
ចរាចរណ៍៤ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានជាតិ៣ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
ព័ត៌មានជាតិ៧ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៦ ថ្ងៃ agoស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ