ព័ត៌មានអន្ដរជាតិ
Apple ធ្លាក់ចេញពីតំណែងលក់ស្មាតហ្វូនដាច់ជាងគេនៅចិន ចំពេលការប្រកួតប្រជែងកាន់តែខ្លាំង
ក្រុមហ៊ុនបច្ចេកវិទ្យា Apple ដែលផលិតទូរស័ព្ទដៃម៉ាក iPhone បានធ្លាក់ចេញពីតំណែងកំពូលលើការលក់ស្មាតហ្វូនដាច់បំផុតនៅក្នុងប្រទេសចិន ចំពេលមានការប្រកួតប្រជែងកាន់តែខ្លាំងពីក្រុមហ៊ុនក្នុងស្រុក។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ទិន្នន័យពីក្រុមហ៊ុនវិភាគទីផ្សារ Canalys ដែលចេញផ្សាយកាលពីថ្ងៃព្រហស្បតិ៍ បានបង្ហាញថា ពេញមួយឆ្នាំ ២០២៤ ក្រុមហ៊ុនផលិតស្មាតហ្វូនចិន Vivo បានចាប់យកចំណែកទីផ្សារ ១៧ ភាគរយ នៅក្នុងប្រទេសចិន ក្រុមហ៊ុន Huawei ប្រមាណ ១៦ ភាគរយ ខណៈក្រុមហ៊ុន Apple បានធ្លាក់ចំណាត់ថ្នាក់ទៅលេខ៣ ជាមួយនឹងចំណែកទីផ្សារ ១៥ ភាគរយ។
ទិន្នន័យដដែលបង្ហាញថា វាគឺជាការធ្លាក់ចុះនៃការលក់ស្មាតហ្វូនប្រចាំឆ្នាំដ៏ធំបំផុតរបស់ក្រុមហ៊ុន Apple នៅក្នុងប្រទេសចិនចាប់តាំងពីឆ្នាំ ២០១៦ ជាមួយនឹងកំណត់ត្រាធ្លាក់ចុះទាំង៤ត្រីមាសក្នុងឆ្នាំ ២០១៤ រួមទាំងការធ្លាក់ចុះ ២៥ ភាគរយ នៅក្នុងត្រីមាសចុងក្រោយ។
លោក Toby Zhu អ្នកវិភាគរបស់ក្រុមហ៊ុន Canalys បាននិយាយថា៖ «នេះគឺជាលទ្ធផលប្រចាំឆ្នាំដ៏អាក្រក់បំផុតរបស់ក្រុមហ៊ុន Apple នៅក្នុងប្រទេសចិន»។
លោកបានកត់សម្គាល់ថា Apple ប្រឈមមុខនឹងការប្រកួតប្រជែងពីការបញ្ចេកលក់នូវស្មាតហ្វូនថ្មីៗរបស់ក្រុមហ៊ុន Huawei កំណើននៃទូរស័ព្ទដែលអាចបត់បានក្នុងស្រុក និងម៉ាក Android ដូចជា Xiaomi និង Vivo ដែលទាក់ទាញអតិថិជនជាមួយនឹងបច្ចេកវិទ្យាថ្មីៗផ្សេងៗ។
គួរកត់សម្គាល់ថា ការធ្លាក់ចុះការលក់ស្មាតហ្វូនរបស់ក្រុមហ៊ុន Apple កើតឡើងទោះបីជាក្រុមហ៊ុននេះបញ្ចេកយុទ្ធសាស្រ្តផ្សេងៗ រួមទាំងការលក់បញ្ចុះតម្លៃនូវម៉ូឌែលស្មាតហ្វូន iPhone ផ្សេងៗរបស់ខ្លួន៕
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
-
ព័ត៌មានអន្ដរជាតិ១៣ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២៣ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?