ព័ត៌មានអន្ដរជាតិ
ឥណ្ឌូណេស៊ីពិន័យ Google ជាង ១២ លានដុល្លារ ដោយចោទពីបទ «អនុវត្តអាជីវកម្មមិនស្មើភាពគ្នា»
ទីភ្នាក់ងារប្រឆាំងការប្រកួតប្រជែងមិនស្មើភាពគ្មារបស់ប្រទេសឥណ្ឌូណេស៊ី កាលពីថ្ងៃអង្គារ បានចេញការផាកពិន័យក្រុមហ៊ុនបច្ចេកវិទ្យាអាមេរិក Google ប្រហែល ២០២ ប៊ីលានរូពី (១២,៤ លានដុល្លារ) ដោយចោទប្រកាន់ពីបទ «អនុវត្តអាជីវកម្មដោយមិនស្មើភាពគ្នា»។
តាមការចុះផ្សាយរបស់ទីភ្នាក់ងារសារព័ត៌មានរ៉យទ័រ បទចោទប្រកាន់នេះ គឺទាក់ទងនឹងសេវាកម្មប្រព័ន្ធទូទាត់របស់ក្រុមហ៊ុនសម្រាប់ Play Store ដែលជាវេទិកាចែកចាយកម្មវិធីរបស់ Google។
ការផាកពិន័យដដែល ធ្វើឡើងក្រោយទីភ្នាក់ងារឥណ្ឌូណេស៊ី បានបើកការស៊ើបអង្កេតលើ Google ដែលជាក្រុមហ៊ុនបុត្រសម្ព័ន្ធរបស់ Alphabet Inc. ក្នុងឆ្នាំ ២០២២ ជុំវិញការសង្ស័យដែលថា Google បានប្រើអំណាចរបស់ខ្លួនដើម្បីបង្ខំអ្នកបង្កើតកម្មវិធីឥណ្ឌូណេស៊ីឱ្យប្រើប្រាស់ប្រព័ន្ធទូទាត់ Google Play ក្នុងអត្រាខ្ពស់ជាងជម្រើសបង់ប្រាក់ផ្សេងទៀត បើមិនដូច្នោះទេ ពួកគេត្រូវប្រឈមមុខនឹងការដកចេញពី Play Store។
ទីភ្នាក់ងារឥណ្ឌូណេស៊ី និយាយក្នុងសវនាការថា ប្រព័ន្ធទូទាត់របស់ Google បានកាត់បន្ថយប្រាក់ចំណូលរបស់អ្នកបង្កើតកម្មវិធីឥណ្ឌូណេស៊ី ដោយវានាំឱ្យមានការកាត់បន្ថយអ្នកប្រើប្រាស់។ ភ្នាក់ងារបន្ថែមថា ក្រុមហ៊ុន Google បានរំលោភបំពានច្បាប់ប្រឆាំងនឹងការផ្តាច់មុខរបស់ឥណ្ឌូណេស៊ី ខណៈប្រព័ន្ធទូទាត់របស់ Google បានគិតថ្លៃរហូតដល់ ៣០ ភាគរយ តាមរយៈប្រព័ន្ធទូទាត់ Google Play។
បើតាមទីភ្នាក់ងារ Google បានគ្រប់គ្រងចំណែកទីផ្សាររហូតដល់ ៩៣ ភាគរយ នៅក្នុងប្រទេសឥណ្ឌូណេស៊ី ដែលមានប្រជាជន ២៨០ លាននាក់។
ប្រតិកម្មទៅនឹងការណ៍នេះ អ្នកនាំពាក្យរបស់ Google បាននិយាយកាលពីថ្ងៃពុធថា ក្រុមហ៊ុននឹងប្តឹងឧទ្ធរណ៍ចំពោះសេចក្តីសម្រេចនេះ។ ខណៈប្តេជ្ញាគោរពតាមច្បាប់ឥណ្ឌូណេស៊ី អ្នកនាំពាក្យបានលើកឡើងថា៖ «ការអនុវត្តបច្ចុប្បន្នរបស់យើង ជំរុញឱ្យមានប្រព័ន្ធអេកូកម្មវិធីឥណ្ឌូណេស៊ីដែលមានសុខភាពល្អ និងប្រកបដោយការប្រកួតប្រជែង»។
គួរគូសបញ្ជាក់ថា នេះមិនមែនជាលើកទី១ទេ ដែលក្រុមហ៊ុន Google រងការប្រកួតប្រជែងពីការអនុវត្តអាជីវកម្មមិនស្មើភាពគ្នា។ ក្នុងរយៈពេលមួយទសវត្សរ៍ចុងក្រោយនេះ Google បានរងការផាកពិន័យជាទឹកប្រាក់ជាង ៨,៣ ប៊ីលានដុល្លារ ពីសហភាពអឺរ៉ុបលើបញ្ហានេះ៕
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
ត្រាំ គំរាមដាក់ពន្ធលើសហភាពអឺរ៉ុប និងចិនជាថ្មី ខណៈម៉ិកស៊ិក និងកាណាដា ត្រៀមចាត់វិធានការឆ្លើយតប
សហជីពនៅកម្ពុជា៖ ការស្លាប់របស់លោក លិម គិមយ៉ា ជាឈ្នាន់ដើម្បីក្រុមប្រឆាំងប្រមូលកម្លាំងតវ៉ាករណីកោះគុត
កម្ពុជារកចំណូលបានជាង $៦៧១ លាន ពីការនាំចេញជ័រកៅស៊ូ ខណៈតម្លៃបានកើនជាង ៦០០ ដុល្លារ ក្នុងមួយតោន
លោក ស៊ី និងលោក ពូទីន ពិភាក្សាគ្នាពីទំនាក់ទំនងជាមួយ ត្រាំ អ៊ុយក្រែន និងតៃវ៉ាន់
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
Elon Musk សប្បាយអរជាងគេជាងឯង ពេលឮ ត្រាំ សន្យាដាក់ទង់ជាតិអាមេរិកលើភពអង្គារ
ចាក់សោផ្ទះទៅផ្សារមួយភ្លែត សង្ស័យឆ្លងចរន្តអគ្គិសនី ឆាបឆេះអស់សម្ភារៈមួយចំនួន
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ