ព័ត៌មានអន្ដរជាតិ
ត្រាំ ទាមទារឱ្យបញ្ចុះអត្រាការប្រាក់ តម្លៃប្រេង នៅវេទិកាសេដ្ឋកិច្ចពិភពលោក ក្រុងដាវូស
ក្នុងសុន្ទរកថាទៅកាន់មេដឹកនាំពាណិជ្ជកម្ម និងនយោបាយពិភពលោក ប្រធានាធិបតីអាមេរិក លោក ដូណាល់ ត្រាំ បានទាមទារឱ្យអង្គការនៃប្រទេសនាំចេញប្រេងកាត (OPEC) បញ្ចុះតម្លៃប្រេង ហើយរដ្ឋាភិបាលនានាទូទាំងពិភពលោកទម្លាក់អត្រាការប្រាក់ ខណៈព្រមានយកពន្ធចំពោះក្រុមហ៊ុនផ្សេងៗប្រសិនបើពួកគេមិនវិនិយោគក្នុងស្រុកអាមេរិក។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
លោក ត្រាំ បានលើកឡើងពីការណ៍ទាំងនេះតាមរយៈប្រព័ន្ធវិដេអូទៅកាន់វេទិកាសេដ្ឋកិច្ចពិភពលោកនៅទីក្រុង ដាវូស នាប្រទេសស្វីស កាលពីថ្ងៃព្រហស្បតិ៍។ លោកនិយាយថា៖ «ខ្ញុំនឹងទាមទារឱ្យមានការទម្លាក់អត្រាការប្រាក់ភ្លាមៗ ហើយដូចគ្នានេះដែរ វាគួរតែធ្លាក់ចុះទូទាំងពិភពលោក។ ខ្ញុំក៏នឹងស្នើឱ្យអារ៉ាប៊ីសាអូឌីត និងអង្គការ OPEC បញ្ចុះថ្លៃប្រេង»។
ជាមួយគ្នានោះ លោក ត្រាំ ក៏បានព្រមានផងដែរអំពីការយកពន្ធគយថ្មីរបស់សហរដ្ឋអាមេរិកក្នុងអត្រាខុសគ្នា លើគ្រប់ប្រទេសទាំងអស់។ បន្ថែមពីនេះ លោកបានប្រាប់ទៅក្រុមនាយកប្រតិបត្តិអាជីវកម្មពិភពលោកថា៖ «សាររបស់ខ្ញុំទៅកាន់គ្រប់អាជីវកម្មទាំងអស់ក្នុងពិភពលោក គឺសាមញ្ញណាស់៖ មកផលិតផលិតផលរបស់អ្នកនៅអាមេរិក នោះយើងនឹងផ្តល់ឱ្យអ្នកនូវអត្រាពន្ធទាបបំផុតជាងប្រទេសណាៗទាំងអស់លើផែនដី»។
លោក ត្រាំ បាននិយាយថា៖ «ប៉ុន្តែប្រសិនបើមិនផលិតផលិតផលរបស់អ្នកនៅអាមេរិកទេនោះ នោះវាជាការសាមញ្ញបំផុត គឺអ្នកនឹងត្រូវបង់ពន្ធ។ បរិមាណខុសគ្នា ប៉ុន្តែពន្ធនោះ នឹងបង្ហូរប្រាក់រាប់រយពាន់លានដុល្លារ និងសូម្បីតែរាប់ទ្រីលានដុល្លារទៅក្នុងរតនាគាររបស់យើង ដើម្បីពង្រឹងសេដ្ឋកិច្ចរបស់យើង និងទូទាត់បំណុល» ។
គួរគូសបញ្ជាក់ថា លោក ត្រាំ បានស្នើការកាត់បន្ថយពន្ធសារជីវកម្មមកត្រឹម ១៥ ភាគរយ ប៉ុន្តែត្រូវការការអនុម័តពីសភាអាមេរិកជាមុនសិន។
លោក ត្រាំ បានស្បថចូលកាន់តំណែងប្រធានាធិបតីនៃអាណត្តិទី២របស់ខ្លួនកាលពីថ្ងៃចន្ទ ដោយមិនដាក់ពន្ធភ្លាមៗតាមការសន្យាក្នុងអំឡុងយុទ្ធនាការបោះឆ្នោតនោះទេ ដែលក្នុងនោះរួមទាំងពន្ធ ១០ ភាគរយ លើទំនិញនាំចូលពីគ្រប់ប្រទេសទាំងអស់ និង ៦០ ភាគរយ លើទំនិញចិន។
យ៉ាងណាមិញ លោកបានថ្លែងក្រោយស្បថចូលកាន់តំណែងថា សហរដ្ឋអាមេរិកប្រហែលជាងអាចចាប់ផ្ដើមយកពន្ធគយ ២៥ ភាគរយ លើកាណាដា និងម៉ិកស៊ិក ចាប់ពីដើមខែកុម្ភៈតទៅ ចំពោះតួនាទីប្រទេសទាំង២លើអន្តោប្រវេសន៍ខុសច្បាប់ និងលំហូរថ្នាំញៀនហ្វេនតានីល។ លោកក៏គំរាមយកពន្ធ ១០ ភាគរយ លើចិនចាប់ពីថ្ងៃទី ១ កុម្ភៈ ផងដែរ ដោយសំអាងលើតួនាទីរបស់ចិន លើចង្វាក់ផ្គត់ផ្គង់ហ្វេនតានីល៕
ត្រាំ ទាមទារឱ្យបញ្ចុះអត្រាការប្រាក់ តម្លៃប្រេង នៅវេទិកាសេដ្ឋកិច្ចពិភពលោក ក្រុងដាវូស
តារាកំប្លែងនាយ ផ្លក់ ចយ មានជំងឺច្រើនមុខ ចូលសង្គ្រោះនៅមន្ទីរពេទ្យ
ផែកំពង់កណ្តាលកណ្តាលក្រុងកំពត ជាទីតាំងបោះដុំនិងចែកចាយគ្រឿងសមុទ្រដ៏ធំបំផុតនៅខេត្តកំពត
ស្ថាប័នហិរញ្ញវត្ថុពីរសហការគ្នាដើម្បីពង្រឹងបរិយាបន្នហិរញ្ញវត្ថុនៅកម្ពុជា
មេណាតូ៖ បើសមាជិកនៅតែកំណត់ ២% លើវិស័យការពារ ណាតូនឹងមិនអាចការពារខ្លួនបានទេ
អ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
នេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
អ្នកនាំពាក្យ៖ ករណីពលរដ្ឋទៅទទួលអំណោយនៅមុខភូមិគ្រឹះអ្នកឧកញ៉ា សុខ គង់ ស្លាប់៤នាក់ ខណៈ៥នាក់ទៀតកំពុងសង្គ្រោះ
វៀតណាម បំបែកសម្បុកក្រុមលាងលុយកខ្វក់ ក្នុងទំហំទឹកប្រាក់ ១,២ពាន់លានដុល្លារ
គាំទ្រភ្លូកទឹកភ្លូកដី! សំបុត្រទស្សនាទស្សនីយភាព «ល្ខោនបាមោជ្ជទ័យ» រឿងកុលាបប៉ៃលិន ទាំង ៤ថ្ងៃ លក់អស់ហើយ
-
ចរាចរណ៍៤ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៧ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៤ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ១៨ ម៉ោង agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
កីឡា១ សប្តាហ៍ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ១ សប្តាហ៍ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ១៩ ម៉ោង agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានជាតិ១ សប្តាហ៍ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ