សេដ្ឋកិច្ច

ជប៉ុនសន្យាជំរុញការតភ្ជាប់ជើងហោះហើរត្រង់ ជាមួយកម្ពុជាឡើងវិញឆាប់ៗ

បានផុស

១ សប្តាហ៍ មុន

នៅ

ថ្ងៃចន្ទ ២៧ មករា ២០២៥

ដោយ

ជប៉ុនសន្យាជំរុញក្នុងការតភ្ជាប់ជើងហោះហើរត្រង់ជាមួយកម្ពុជាឡើងវិញក្នុងពេលឆាប់ៗខាងមុខ បន្ទាប់ពីការដាក់ឱ្យដំណើរការព្រលានយន្តហោះអន្តរជាតិតេជោ ដើម្បីផ្តល់ភាពងាយស្រួលដល់ទាំងធុរជន និងទេចរជប៉ុនមកកាន់កម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧកញ៉ា ឆារស៍ វ៉ាន់ នាយកគ្រប់គ្រង នៃក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) បានលើកឡើងក្នុងពេលដែល គណៈប្រតិភូជប៉ុនប្រមាណ ១២០ រូប ដឹកនាំដោយលោក អូអ៊ិណូ អាត់ស៊ូហ្ស៉ី (UENO Atsushi) ឯកអគ្គរាជទូតជប៉ុនប្រចាំនៅកម្ពុជា ទស្សនកិច្ចពិនិត្យវឌ្ឍនភាពអាកាសយានដ្ឋានអន្តរជាតិតេជោ នៅព្រឹកថ្ងៃទី ២៧ ខែមករា ឆ្នាំ ២០២៥។

លោកឧកញ៉ា ឆារស៍ វ៉ាន់ បានប្រាប់ថា ឯកអគ្គរាជទូតជប៉ុនប្រចាំនៅកម្ពុជា សន្យាជំរុញឱ្យក្រុមហ៊ុនអាកាសចរណ៍ជប៉ុនតភ្ជាប់ជើងហោះហើរផ្ទាល់មកកម្ពុជានៅពេលខាងមុខឆាប់ៗនេះ។

គិតត្រឹមថ្ងៃទី ២៧ ខែមករា ឆ្នាំ ២០២៥ អាកាសយានដ្ឋានអន្តរជាតិតេជោ សម្រេចការសាងសង់បានជាង ៩៤ ភាគរយ ចំណាយថវិកាជិត ១ ពាន់ ៤០០ លានដុល្លារ និងគ្រោងដាក់ឱ្យដំណើរការនៅខែកក្កដា ឆ្នាំ ២០២៥។ នេះបើយោងតាមរដ្ឋលេខាធិការដ្ឋានអាកាសចរណ៍ស៊ីវិល។

អាកាសយានដ្ឋានអន្តរជាតិតេជោមាន៣ដំណាក់កាល គឺដំណាក់កាលទី១ សាងសង់រួចរាល់នៅឆ្នាំ ២០២៥ អាចទទួលអ្នកដំណើរបានប្រមាណ ១៣ លាននាក់ក្នុងមួយឆ្នាំ ដំណាក់កាលទី២ នឹងបញ្ចប់នៅឆ្នាំ ២០៣០ ដែលអាចទទួលបានអ្នកដំណើរប្រមាណជា ៣០ លាននាក់ក្នុងមួយឆ្នាំ និងដំណាក់កាលចុងក្រោយ នឹងបញ្ចប់នៅឆ្នាំ ២០៥០ អាចនឹងទទួលបានអ្នកដំណើររហូតដល់ ៥០ លាននាក់ក្នុងមួយឆ្នាំ។

បើយោងតាមរដ្ឋលេខាធិការដ្ឋានអាកាសចរណ៍ស៊ីវិល នៅក្នុងឆ្នាំ ២០២៤ កម្ពុជាទទួលបានអ្នកដំណើរចេញ-ចូលតាមជើងហោះហើរជាង ៦ លាននាក់ កើនឡើង ២២% ធៀបនឹងឆ្នាំ ២០២៣ ទទួលបានជើងហោះហើរជិត ៦ ម៉ឺនជើង (៥៨,៣៥៤) កើនឡើង ១៤%៕