ព័ត៌មានអន្ដរជាតិ

PTT ព្យាករពីតម្លៃប្រេងសកលធ្លាក់ចុះ

បានផុស

១ សប្តាហ៍ មុន

នៅ

ថ្ងៃពុធ ២៩ មករា ២០២៥

ដោយ

ក្រុមហ៊ុនប្រេង និងឧស្ម័នជាតិថៃ PTT Plc បានចេញផ្សាយរបាយការណ៍របស់ខ្លួនស្ដីពីទីផ្សារប្រេងពិភពលោកប្រចាំសប្តាហ៍ ដែលថា តម្លៃទីផ្សារថាមពលសកលរំពឹងថានឹងធ្លាក់ចុះ ជុំវិញការផ្លាស់គោលនយោបាយថាមពលនៅសហរដ្ឋអាមេរិក។ នេះបើតាមការចុះផ្សាយរបស់កាសែតបាងកកប៉ុស្តិ៍ថ្ងៃពុធនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ PTT បានលើកឡើងថា ផលិតកម្មប្រេងសកលរំពឹងថានឹងកើនឡើងលើសតម្រូវការ ក្រោយប្រធានាធិបតីអាមេរិកថ្មី លោក ដូណាល់ ត្រាំ បានប្រកាសពីភាពអាសន្នផ្នែកថាមពលជាតិនៅថ្ងៃដំបូងដែលលោកចូលកាន់តំណែង ហើយបានចុះហត្ថលេខាលើអធិបញ្ជាស្តីពីថាមពល ដើម្បីបង្កើនការខួងយក និងផលិតកម្មប្រេង។

លោក Poonpat Leesombatpiboon អគ្គលេខាធិការនៃគណៈកម្មាការនិយតកម្មថាមពលថៃ បាននិយាយថា ការបញ្ជារបស់លោក ត្រាំ នឹងមិនត្រឹមតែប៉ះពាល់ដល់តម្លៃប្រេងប៉ុណ្ណោះទេ ប៉ុន្តែថែមទាំងតម្លៃឧស្ម័នធម្មជាតិផងដែរ ពីព្រោះសហរដ្ឋអាមេរិកគឺជាអ្នកនាំចេញឧស្ម័នធម្មជាតិរាវ និងប្រេងឆៅលំដាប់កំពូលរបស់ពិភពលោកក្នុងឆ្នាំ ២០២៣ ដោយផ្អែកលើរដ្ឋបាលព័ត៌មានថាមពលរបស់សហរដ្ឋអាមេរិក។

ទោះបីជាមានការព្យាករបែបនេះក៏ដោយ អ្នកជំនាញខ្លះបានលើកឡើងថា ការធ្លាក់ចុះនៃតម្លៃប្រេងសកលអាចនឹងមានកម្រិត ហើយស្ថិតនៅក្នុងភាពស្រពិចស្រពិលនៃការឡើងចុះ ដោយសារតែទណ្ឌកម្មរបស់អាមេរិកលើរុស្ស៊ី និងកូឡុំប៊ី ដែលជាប្រទេសផ្គត់ផ្គង់ប្រេងដ៏សំខាន់ៗ ធ្វើឱ្យប៉ះពាល់ដល់ការផ្គត់ផ្គង់ ខណៈការជំរុញសេដ្ឋកិច្ចរបស់ចិនអាចធ្វើឱ្យប្រទេសនេះនាំចេញប្រេងច្រើន៕