ព័ត៌មានអន្ដរជាតិ
ក្រុមហ៊ុនចិនគ្រោងផលិត «មនុស្សយន្តធ្វើការ» ទ្រង់ទ្រាយធំ ដើម្បីដោះស្រាយបញ្ហាកង្វះកម្លាំងពលកម្ម
ក្រុមហ៊ុនផលិតរ៉ូបូតចិន UBTech Robotics កំពុងត្រៀមផលិតមនុស្សយន្តធ្វើការទ្រង់ទ្រាយធំនៅចុងឆ្នាំនេះ ក្នុងគោលដៅចែកចាយមនុស្សយន្តឧស្សាហកម្មសេរ៊ី Walker S ចន្លោះពី ៥០០-១ ០០០ គ្រឿង ដើម្បីដោះស្រាយបញ្ហាកង្វះកម្លាំងពលកម្ម។
![](https://www.kampucheathmey.com/wp-content/uploads/2025/01/image-1911.png)
កាសែត South China Morning Post (SCMP) បានរាយការណ៍ថា ម៉ូដែលថ្មី Walker S2 រំពឹងថានឹងមានច្រើនជាង ៦០ ភាគរយ នៃការចែកចាយមនុស្សយន្តសរុបនៅឆ្នាំនេះ។ តាមសេចក្តីរាយការណ៍ មនុស្សយន្តទាំងនេះនឹងត្រូវបញ្ជូនទៅកាន់ឧស្សាហកម្មផ្សេងៗ រួមទាំងក្រុមហ៊ុនផលិតរថយន្ត ក្រុមហ៊ុនផលិតគ្រឿងអេឡិចត្រូនិក Foxconn និងក្រុមហ៊ុនដឹកជញ្ជូន SF Express ជាដើម។
សេចក្ដីរាយការណ៍លើបញ្ហានេះ ធ្វើឡើងចំពេលដែលឧស្សាហកម្មចិនជាច្រើន ជាពិសេសផលិតកម្ម កំពុងប្រឈមនឹងការខ្វះខាតបុគ្គលិក។ កង្វះកម្លាំងពលកម្មជាហេតុផលធំមួយដែលធ្វើឱ្យរោងចក្រនានា ចាប់អារម្មណ៍កាន់តែខ្លាំងការប្រើមនុស្សយន្តធ្វើការ។
![](https://www.kampucheathmey.com/wp-content/uploads/2025/01/image-1912.png)
យោងតាមគេហទំព័ររបស់ក្រុមហ៊ុន មនុស្សយន្តធ្វើការស៊េរី Walker S រួមមាន ម៉ូឌែល Walker S ម៉ូឌែល Walker S1 និងម៉ូឌែលថ្មីមិនទាន់ចេញ Walker S2។ ប្រព័ន្ធមនុស្សយន្តទំនើបទាំងនេះ មានភាពច្បាស់លាស់ និងសុវត្ថិភាព និងមានគោលបំណងជួយដល់ឧស្សាហកម្មដោយការរួមបញ្ចូលបច្ចេកវិទ្យាបញ្ញាសិប្បនិម្មិត និងរ៉ូបូត។
គួរគូសបញ្ជាក់ថា មនុស្សយន្តធ្វើការរបស់ UBTech Robotics បានដាក់ដំណើរការដោយជោគជ័យនៅក្រុមហ៊ុនមួយចំនួនរួចហើយ រួមទាំងនៅរោងចក្រផលិតរថយន្តរបស់ក្រុមហ៊ុនផលិតរថយន្តអគ្គិសនីចិន BYD៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?