ព័ត៌មានជាតិ
តម្រូវការក្នុងស្រុក នៅតែជាទីផ្សារធំ សម្រាប់ដូងកំពត
លោក ខេន ថាញ់ ប្រធានការិយាល័យ ក្សេត្រសាស្ត្រ និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តកំពត បានឱ្យដឹងថា ដូងខេត្តកំពតនាពេលបច្ចុប្បន្ននេះទីផ្សារធំសម្រាប់ការនាំចេញ គឺនៅតែជាទីផ្សារក្នុងស្រុក តាមរយៈឈ្មួញដែលចុះទិញដល់តាមចម្ការរបស់ប្រជាកសិករ សម្រាប់នាំចេញទៅផ្គត់ផ្គង់តាមបណ្ដាខេត្តផ្សេងៗមួយចំនួន ព្រមទាំងរាជធានីភ្នំពេញ។
លោក ខេន ថាញ់ បានឱ្យ «កម្ពុជាថ្មី» ដឹងថា បើទោះបីជាការដូងកំពតនៅមិនទាន់មាននាំចេញទៅកាន់ទីផ្សារក្រៅប្រទេសក៏ពិតមែន ប៉ុន្តែតម្រូវការទីផ្សារក្នុងស្រុក នៅតែមានកំណើនខ្ពស់ដដែល។ ប៉ុន្តែ ជុំវិញដំណើរការនាំចេញទៅខាងក្រៅនេះដែរ លោកក៏មានក្រុមហ៊ុនក្នុងស្រុកមួយគឺ សូម៉ាហ្វាម ដែលស្ថិតនៅក្រុងបូកគោ ខេត្តកំពត ទទួលបានកុងត្រា ជាមួយខាងទីផ្សារប្រទេសចិន ដើម្បីនាំចេញផ្លែដូងទៅកាន់ទីផ្សារប្រទេសចិននាពេលខាងមុខនេះផងដែរ។
លោក បានអះអាងដែរថា បើទោះបីជាទិន្នផលដូងនៅក្នុងខេត្តការដាំដុះចេះតែមានការកើនឡើងក៏ពិត ប៉ុន្តែដោយសារខេត្តកំពតជាខេត្តមួយដែលទាក់ទាញភ្ញៀវទេសចរទាំងជាតិ និងអន្តរជាតិទៅលេងកម្សាន្តជាច្រើនកុះកុរ ដូច្នេះចំនួនដូងនៅក្នុងខេត្តក៏មិនទាន់អាចផ្គត់ផ្គង់គ្រប់តាមតម្រូវការទីផ្សារនោះទេ។
ជុំវិញបញ្ហានេះ ដើម្បីអាចឆ្លើយតបឱ្យទាន់តាមតម្រូវការទីផ្សារ លោក ខេន ថាញ់ ក៏បានបន្ថែមផងដែរថា អភិបាលខេត្តក៏បានចង្អុលបង្ហាញបន្ថែម ក្នុងការណែនាំដល់កសិករឱ្យដាំដុះដូងបន្ថែមទៀត ដើម្បីឱ្យស្របតាមកំណើននៃតម្រូវការក្នុងស្រុកផងដែរ។
ទន្ទឹមនេះ តាមរយៈរបាយការណ៍ដំណាំអចិន្ត្រៃយ៍ឆ្នាំ២០២៤ របស់ខេត្តកំពត បានបង្ហាញថា ដើម្បីឱ្យដឹងពីចំនួនដូងក្នុងខេត្តឱ្យកាន់តែច្បាស់លាស់ និងមានភាពសុក្រឹតជាងមុន ថ្នាក់ដឹកនាំបានសម្រេច ប្តូរពីចំនួនតោន មកគិតជាចំនួនផ្លែវិញ ដោយក្នុងឆ្នាំ២០២៤ ទូទាំងខេត្តកំពតអាចប្រមូលផលសរុបបានជាង ៦៦ លានផ្លែ ដែលស្មើនឹង ១៥ ៦០០ ផ្លែ ក្នុង ១ ហិតា។ ដោយឡែក កាលពីឆ្នាំ២០២៣ ទូទាំងខេត្តប្រមូលបានប្រមាណ ១ ៣២៤ តោន ក្នុង ១ ហិតា។
សម្រាប់ការនាំចេញនេះដែរ លោក ខេន ថាញ់ បានឱ្យដឹងថា តម្លៃដូងមានបែងចែកជា ២ ប្រភេទ គឺ ដូងធំ មានតម្លៃចាប់ពី ១ ម៉ឺន ២ ពាន់ ទៅ ១ ម៉ឺន ៥ ពាន់ ក្នុង ១ ឡូ និងទី២ ដូងទឹកក្រអូប ឬក៏ដូងគល់កែ មានតម្លៃចន្លោះពី ២ ម៉ឺន ២ ពាន់រៀល ទៅ ២ ម៉ឺន ៥ ពាន់រៀលក្នុង ១ ឡូ ដែលឈ្មួញបានទិញពីកសិករ។
កាលពីឆ្នាំ២០២៤ ខេត្តកំពតមានផ្ទៃដីដាំដុះដូងសរុបប្រមាណ ៤ ៧២៥ ហិតា ផ្ទៃដីប្រមូលផល ៤ ២៥២ ហិតា ដែលចំនួនផ្ទៃដីប្រមូលផលក្នុងខេត្តមានការកើនឡើងពី ៤ ១៣០ ហិតា នៅឆ្នាំ២០២៣ ទៅ ៤ ២៥២ ហិតា ឆ្នាំ ២០២៤៕
ពូទីន ចុះហត្ថលេខាលើច្បាប់ការពារគ្នាទៅវិញទៅមកជាផ្លូវការជាមួយបេឡារុស
រដ្ឋមន្ត្រីថាកម្ពុជាមានទឹកស្ដុកសម្រាប់ខែប្រាំងជិត៤លានម៉ែត្រគូបខណៈស្នើកសិករធ្វើស្រែតែមួយដង
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
អគារសិក្សាថ្មថ្មី ១ ខ្នង ៥ បន្ទប់ ជាក្តីសង្ឃឹមកុមារតំបន់ដាច់ស្រយាល ក្នុងស្រុកអូរគ្រៀងសែនជ័យ
ធនាគារកណ្តាលកម្ពុជានឹងបន្តសហការជាមួយចិនលើវិស័យហិរញ្ញវត្ថុ
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
សម្ព័ន្ធមិត្តអ៊ឺរ៉ុបបង្ហាញជំហរនៅជាមួយអ៊ុយក្រែនបន្ទាប់ពីជម្លោះជាមួយដូណាល់ ត្រាំ
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ