ព័ត៌មានអន្ដរជាតិ
រដ្ឋបាល ត្រាំ ពិចារណាបញ្ចូលក្រុមហ៊ុនចិន Shein និង Temu ក្នុងបញ្ជី «ពលកម្មដោយបង្ខំ»
រដ្ឋបាលសហរដ្ឋអាមេរិករបស់លោកប្រធានាធិបតី ដូណាល់ ត្រាំ កំពុងពិចារណាលើការដាក់បញ្ចូលក្រុមហ៊ុនលក់ទំនិញអនឡាញចិន Shein និង Temu ទៅក្នុងបញ្ជី «ប្រើកម្លាំងពលកម្មដោយបង្ខំ» របស់ក្រសួងសន្តិសុខមាតុភូមិ (DHS)។ នេះបើតាមការចុះផ្សាយរបស់សារព័ត៌មាន Semafor។
Semafor បានស្រង់សម្ដីរបស់ប្រភព២រូប ដែលសុំបង្ហើបព័ត៌មានជាអនាមិកថា រដ្ឋបាល ត្រាំ មិនទាន់ច្បាស់នៅឡើយទេ ថាតើការសម្រេចចិត្តចុងក្រោយនឹងទៅជាបែបណា។
យ៉ាងណាមិញ សេចក្ដីរាយការណ៍នេះធ្វើឡើងក្រោយប្រទេសចិនដាក់ប្រកាសដាក់ពន្ធសងសឹកនឹងអាមេរិក ហើយកំណត់គោលដៅស៊ើបអង្កេតប្រឆាំងការផ្ដាច់មុខ លើក្រុមហ៊ុនបច្ចេកវិទ្យាយក្សអាមេរិក រួមមានទាំង Google បន្ទាប់ពីពន្ធ ១០ ភាគរយ របស់ ត្រាំ លើទំនិញចិន ចូលជាធរមាននៅថ្ងៃអង្គារ។
មកទល់ពេលនេះ គេមិនទាន់ឃើញមានប្រតិកម្មពីក្រុមហ៊ុន Temu ដែលជាបុត្រសម្ព័ន្ធរបស់ក្រុមហ៊ុនពាណិជ្ជកម្មអេឡិចត្រូនិកចិន PDD Holdings ក៏ដូចជាក្រុមហ៊ុន Shein នៅឡើយទេ។
គួរគូសបញ្ជាក់ថា ក្រុមហ៊ុន Temu និង Shein ដែលលក់ផលិតផលអនឡាញថោកៗ បានរងការចោទប្រកាន់ពីសហរដ្ឋអាមេរិកនាពេលកន្លងមកថា បានប្រើប្រាស់កម្លាំងពលកម្មដោយបង្ខំនៅតំបន់ស៊ីងជាំង ខណៈរដ្ឋាភិបាលចិនបានរងការចោទប្រកាន់ពីការរំលោភសិទ្ធិមនុស្សធ្ងន់ធ្ងរប្រឆាំងនឹងជនជាតិអ៊ុយហ្គួរមូស្លីម និងជនជាតិភាគតិចផ្សេងទៀតនៃតំបន់នេះ ជាអ្វីដែលចិនច្រានចោល។
ការប្រើកម្លាំងពលកម្មដោយបង្ខំទាំងនោះ រួមមានទាំងការរើសកប្បាស ដើម្បីធ្វើសម្លៀកបំពាក់។ ការស៊ើបអង្កេតរបស់សារព័ត៌មាន Bloomberg បានបង្ហាញថា Shein បានប្រើប្រាស់កប្បាសពីតំបន់ស៊ីនជាំង ក្នុងសម្លៀកបំពាក់របស់ខ្លួន ខណៈគេហទំព័ររបស់ Temu បានបង្ហាញថា របស់មួយចំនួនប្រើកប្បាសពីតំបន់ដូចគ្នា។ នេះបើតាមរបាយការណ៍របស់សភាអាមេរិក។ ទោះបីជាយ៉ាងណាក៏ដោយ កន្លងមកក្រុមហ៊ុន Shein បានបដិសេធពីការជាប់ទាក់ទងនឹងការប្រើប្រាស់កម្លាំងពលកម្មដោយបង្ខំ៕
កូនខ្មែរដំបូង! បង្កើតចង្វាក់ថ្មី KHMER VIBE កំពូលតារាចម្រៀងឧកញ៉ា ខេមរៈ សិរីមន្ត និងស្ដេចភ្លេង tempo tris បង្កើតស្នាដៃដ៏អស្ចារ្យនេះ
លោក ស៊ូ សុជាតិ៖ ប្រព័ន្ធផ្សព្វផ្សាយឌីជីថល ដើរតួនាទីសំខាន់ជំរុញការអភិវឌ្ឍវិស័យមូលបត្រ
រដ្ឋមន្ត្រី៖ ការផ្សាយព័ត៌មានក្លែងក្លាយ មិនមែនជាសេរីភាពសារព័ត៌មានឡើយ ហើយការផ្សាយបែបនេះ ត្រូវទទួលទោសតាមច្បាប់
ចូលឆ្នាំថ្មីឆ្នាំម្សាញ់នេះ នៅភ្នំពេញ នឹងបើកឱ្យមានការលេងកម្សាន្តសប្បាយ រហូត ៥ ថ្ងៃ ចាប់ពីថ្ងៃទី ១២ មេសា តទៅ
តើការបំពាក់ប្រព័ន្ធប្រកាសអាសន្នគ្រោះរញ្ជួយដី មានតម្លៃប៉ុន្មានសម្រាប់ប្រទេសនីមួយៗ?
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
សន្តិសុខសង្គម៥ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១៩ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
សន្តិសុខសង្គម៤ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ