សេដ្ឋកិច្ច

ក្រុមហ៊ុន ហុងដា មានផែនការពង្រីកផលិតកម្មម៉ូតូនាំចេញទៅបរទេស

បានផុស

៥៥ វិនាទី មុន

នៅ

ថ្ងៃពុធ ៥ កុម្ភៈ ២០២៥

ដោយ

ក្រុមហ៊ុន ហុងដា មានផែនការពង្រីកផលិតកម្មម៉ូតូនាំចេញទៅបរទេស ខណៈរោងចក្រមានសមត្ថភាពផលិតម៉ូតូចាប់ពី ៦៥០ គ្រឿងដល់ ១ ៥០០ ក្នុងមួយវេនរយៈពេល ៨ ម៉ោងតាមតម្រូវការទីផ្សារ។ នេះបើតាមការលើកឡើងរបស់ថ្នាក់ដឹកនាំក្រុមហ៊ុន ហុងដា នៅក្នុងដំណើរទស្សនកិច្ចរោងចក្រម៉ូតូ ហុងដា របស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជានៅព្រឹកថ្ងៃទី ០៥ ខែកុម្ភៈ ឆ្នាំ ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន ហុងដា តាមរយៈដៃគូក្នុងស្រុករបស់ខ្លួនគឺ NCX Co., Ltd. បានបង្កើតការងារជាង ១២២១ កន្លែងក្នុងប្រទេសកម្ពុជា ដែល NCX គឺជាក្រុមហ៊ុនផលិត និងចែកចាយផ្តាច់មុខនូវម៉ូតូ ហុងដា នៅកម្ពុជា ហើយបានរួមចំណែកយ៉ាងសំខាន់ដល់ការបង្កើតការងារ តាមរយៈប្រតិបត្តិការផលិត ផ្គុំ និងចែកចាយផលិតផល ហុងដា របស់ខ្លួន។

មកទល់ពេលបច្ចុប្បន្ន ក្រុមហ៊ុន ហុងដា បានផលិតម៉ូតូជាង ៤,៣ លានគ្រឿង ក្នុងរយៈពេល ២៥ ឆ្នាំកន្លងមកនៅកម្ពុជា។ នៅក្នុងឆ្នាំ ២០២៤ ក្រុមហ៊ុន ហុងដា ផលិតម៉ូតូបានចំនួន ២ សែន ៣ ម៉ឺន ៨ ពាន់គ្រឿង៕