ព័ត៌មានអន្ដរជាតិ

ប៉ាណាម៉ាច្រានចោលការអះអាងរបស់អាមេរិក ជុំវិញការមិនយកប្រាក់នាវាអាមេរិកសម្រាប់ការឆ្លងព្រែកជីកប៉ាណាម៉ា

បានផុស

៣ សប្តាហ៍ មុន

នៅ

ថ្ងៃព្រហស្បតិ៍ ៦ កុម្ភៈ ២០២៥

ដោយ

អាជ្ញាធរព្រែកជីកប៉ាណាម៉ា បានច្រានចោលការអះអាងរបស់រដ្ឋាអាមេរិកដែលថា ប៉ាណាម៉ាអនុញ្ញាតឱ្យនាវារដ្ឋាភិបាលអាមេរិកអាចឆ្លងកាត់ផ្លូវទឹករបស់ខ្លួនដោយមិនគិតថ្លៃ។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការច្រានចោលនេះ ទំនងនឹងបង្កើនភាពតានតឹងទំនាក់ទំនងរវាងប្រទេសទាំង២ ខណៈនាពេលកន្លងមក ប្រធានាធិបតីអាមេរិក លោក ដូណាល់ ត្រាំ បានគំរាមកំហែងយកព្រែកជីកប៉ាណាម៉ាមកគ្រប់គ្រងឡើងវិញ ដោយចោទប្រកាន់ថា ចិនជាអ្នកគ្រប់គ្រងព្រែកនេះ។ ការណ៍នេះ បង្កការច្រានចោល និងថ្កោលទោសខ្លាំងៗពីកាណាដា។

ក្នុងការច្រានចោលចុងក្រោយ អាជ្ញាធរព្រែកជីក ដែលជាទីភ្នាក់ងារស្វយ័តគ្រប់គ្រងដោយរដ្ឋាភិបាលប៉ាណាម៉ា បាននិយាយក្នុងសេចក្តីថ្លែងការណ៍ថា ខ្លួនមិនបានធ្វើការផ្លាស់ប្តូរណាមួយក្នុងការគិតថ្លៃ ឬសិទ្ធិក្នុងការឆ្លងកាត់ព្រែកនោះទេ ដោយបន្ថែមថា សេចក្តីថ្លែងការណ៍របស់ខ្លួនគឺជាការឆ្លើយតបដោយផ្ទាល់ទៅនឹងការអះអាងរបស់សហរដ្ឋអាមេរិក។

អាជ្ញាធរព្រែកជីកបានបន្តថា អាជ្ញាធរព្រែកជីកប៉ាណាម៉ាមានឆន្ទៈក្នុងការពិភាក្សាជាមួយមន្ត្រីសហរដ្ឋអាមេរិកអំពីការឆ្លងកាត់នៃនាវាសម័យសង្គ្រាម ដូចបានលើកឡើង។

គួរគូសបញ្ជាក់ថា ការច្រានចោលនេះធ្វើឡើងក្រោយក្រសួងការបរទេសសហរដ្ឋអាមេរិក បានអះអាងថា រដ្ឋាភិបាលប៉ាណាម៉ាបានយល់ព្រមមិនគិតថ្លៃឆ្លងកាត់សម្រាប់នាវារដ្ឋាភិបាលអាមេរិក ដោយការណ៍នេះជួញសន្សំប្រាក់រាប់លានដុល្លារក្នុងមួយឆ្នាំៗ។

ការអះអាងរបស់អាមេរិក ធ្វើឡើងក្រោយរដ្ឋមន្ត្រីការបរទេសអាមេរិកលោក Marco Rubio និងប្រធានាធិបតីប៉ាណាម៉ា លោក Jose Raul Mulino បានបើកការចរចាជុំវិញការទិញសិទ្ធិកាន់កាប់ព្រែកជីកប៉ាណាម៉ាកាលពីថ្ងៃអាទិត្យ ដោយបញ្ចប់ទៅ ដោយប៉ាណាម៉ាដកខ្លួនចេញពីគំនិតផ្ដួចផ្ដើម «ខ្សែក្រវ៉ាត់ផ្លូវ» របស់ចិន៕