សេដ្ឋកិច្ច
មៀនប៉ៃលិននឹងលក់ចេញក្នុងតម្លៃ ៣ ពាន់ ៥ រយរៀល ក្នុង ១ គីឡូក្រាមនាំចេញទៅចិន
ប្រធានសមាគមមៀនប៉ៃលិន លោក សួស ស៊ីយ៉ាត បានឱ្យដឹងថា តម្លៃមៀនប៉ៃលិន ចាប់ពីខែកុម្ភៈ នេះតទៅ នឹងលក់បានក្នុងតម្លៃ ៣ ៥០០ រៀល ក្នុង មួយគីឡូក្រាម សម្រាប់ការនាំចេញទៅកាន់ប្រទេសចិន ជាតម្លៃមួយដែលកសិករបានចុះកុងត្រាជាមួយក្រុមហ៊ុន។
លោកបានមានប្រសាសន៍ថា ទីផ្សារធំរបស់មៀនប៉ៃលិន គឺនាំចេញទៅកាន់ប្រទេសចិន ព្រោះមិនថាតែក្រុមហ៊ុនក្នុងខេត្ត ក៏ដូចជាក្រុមហ៊ុនមួយចំនួនដែលបានប្រមូលទិញមៀនប៉ៃលិន ភាគច្រើនសុទ្ធសឹងតែនាំចេញទៅទីផ្សារប្រទេសចិន។
លោក ក៏បានឱ្យដឹងបន្ថែមផងដែរថា «ទោះបីមានប៉ៃលិនមានតម្រូវការច្រើនសម្រាប់ការនាំចេញទៅទីផ្សារប្រទេសចិនក៏ពិត ប៉ុន្តែបញ្ហាប្រឈមនៅតែមាន ដោយកាលពីកំឡុងខែធ្នូ និងខែមករា នេះ មៀនចាល់គ្នាច្រើន ដែលធ្វើឱ្យអ្នកប្រមូលផល ប្រមូលផលមៀនមិនអស់ សល់មៀនច្រើននៅតាមចម្ការ ធ្វើឱ្យប្រជាកសិករមួយចំនួនប្រឈមនិងការខាតបង់ផងដែរ»។
បើតាមលោក សួន ជុំ អនុប្រធានសមាគមមៀនប៉ៃលិន បានឱ្យដឹងបន្ថែមថា តម្លៃមៀនប៉ៃលិន គឺក្រុមហ៊ុនជាអ្នកកំណត់តម្លៃឱ្យតាំងពីដើមរដូវដែលមានការប្រែប្រួលទៅតាមខែនីមួយៗ ដោយតម្លៃក្រុមហ៊ុនអាចទិញចន្លោះពី ២ ពាន់ ៥ រយរៀល, ២ ពាន់ ៨ រយរៀល, ៣ ពាន់រៀល ទៅ ៣ ពាន់ ៥ រយរៀល ជាតម្លៃដែលសមាជិកបានធ្វើការចុះកិច្ចសន្យាផ្ទាល់ជាមួយក្រុមហ៊ុន។
លោកថា «តម្លៃនេះ គ្រាន់តែជាតម្លៃមួយដែលបានកំណត់ជាមួយក្រុមហ៊ុនប៉ុណ្ណោះ ប៉ុន្តែជាក់ស្តែង ទីផ្សារមៀនចាប់ផ្តើមមានបញ្ហាចាប់ពាក់កណ្តាលខែធ្នូ រហូតមកដល់ពាក់កណ្ដាលខែមករា ឆ្នាំ២០២៥ នេះ មៀនច្រើនចាល់គ្នាដែលធ្វើឱ្យតម្លៃមិនសូវល្អប្រសើរ ហើយក្រុមហ៊ុនសម្រុកទិញមៀនចូលលើសការកុម្ម៉ង់គុណនិងបីដងឯណោះ»។
លោកក៏បានបញ្ជាក់ដែរថា «ក្រុមហ៊ុននៅក្នុងខេត្តបានព្យាយាមទិញមៀនពីកសិករច្រើនក្នុងមួយថ្ងៃៗ ដោយក្រុមហ៊ុនធំនៅក្នុងខេត្តប៉ៃលិន ថ្ងៃខ្លះទិញចូលប្រហែល ១០ ទូកុងតឺន័រឯណោះក្នុងមួយថ្ងៃ ( ១ ទូកុងតឺន័រ ស្មើនិង ២៦ តោន) ដើម្បីជួយសម្រួលដល់ប្រជាកសិករ ព្រោះតែទិន្នផលមៀនក្នុងខេត្តចាល់គ្នាខ្លាំងពេក»។
មកដល់បច្ចុប្បន្ននេះ មៀនប៉ៃលិននៅលក់នាំចេញធម្មតា ប៉ុន្តែតម្លៃមៀននៅមិនទាន់មានភាពល្អប្រសើរនៅឡើយទេ ដោយសារតែអាកាសធាតុក្តៅ ដែលធ្វើឱ្យមៀនមិនសូវមានគុណភាពល្អ ហើយមៀនដែលប្រមូលផលសល់កាលពីមុនក៏ខូចគុណភាពមិនអាចយកបាន។
លោក បានអះអាង «ប៉ុន្តែសម្រាប់មៀនល្អ ស្របតាមស្តង់ដារគុណភាព ក្រុមហ៊ុននៅតែទិញក្នុងតម្លៃមួយល្អ លើកលែងតែមានដែលខូចគុណភាព ឬមៀនជុំជ្រុលប៉ុណ្ណោះ»។
គួរជម្រាបថា រយៈពេល ១១ខែ ក្នុងឆ្នាំ២០២៤ ផ្លែមៀនប៉ៃលិនស្រស់ត្រូវបាននាំចេញទៅកាន់ទីផ្សារប្រទេសចិនមានចំនួនប្រមាណជាង ១២ ម៉ឺនតោន (១២៤៧០.៣៦តោន)។
បច្ចុប្បន្នខេត្តប៉ៃលិន មានផ្ទៃដីដាំដុះមៀនប៉ៃលិន សរុប ៤៩២០ ហិតា ក្នុងនោះមានកសិករដាំដុះមៀនប៉ៃលិនចំនួន ៦៨៩ គ្រួសារ ដោយមានផ្ទៃដីប្រមូលផលចំនួន ៤១២០ ហិតា ដែលមានបរិមាណប្រមូលផល បានចំនួន ៦១៨០០ តោន៕
អង្គរសង្ក្រាន្តឆ្នាំនេះ នឹងរៀបចំទ្រង់ទ្រាយធំជាងឆ្នាំមុនៗ ដើម្បីទាក់ទាញទេសចរជាតិ-អន្តរជាតិ
សមត្ថកិច្ចឃាត់បុរសម្នាក់ពាក់ព័ន្ធមុខសញ្ញាជួញដូរគ្រឿងញៀន នៅស្រុកកោះញែក
កុំឱ្យកកស្ទះចរាចរណ៍ពលរដ្ឋ នាយករដ្ឋមន្ត្រីឱ្យពិនិត្យឡើងវិញការបិទផ្លូវ ពេលក្បួនឆ្លងកាត់
ឃាត់ជនបរទេស២៥៨នាក់នៅខេត្តមណ្ឌលគិរី ពាក់ព័ន្ធទីតាំងអនឡាញខុសច្បាប់
ព្រឹត្តិការណ៍អង្គរសង្ក្រាន្ត ឆ្នាំនេះ នឹងរៀបចំឡើងវិញក្រោមប្រធានបទ«ញញឹមសាទរសង្ក្រាន្តឆ្នាំថ្មី»
កុំឱ្យកកស្ទះចរាចរណ៍ពលរដ្ឋ នាយករដ្ឋមន្ត្រីឱ្យពិនិត្យឡើងវិញការបិទផ្លូវ ពេលក្បួនឆ្លងកាត់
កម្ពុជាអាចមានភ្លៀងធ្លាក់គ្របដណ្តប់លើផ្ទៃដី១០-២០% រយៈពេល៣ថ្ងៃ
កម្លាំងវិស្វកម្ម កំពុងពន្លឿនការស្ថាបនាផ្លូវក្រវាត់ព្រំដែនក្នុងភូមិសាស្រ្តស្រុកអណ្តូងមាស
សមត្ថកិច្ចឃាត់បុរសម្នាក់ពាក់ព័ន្ធមុខសញ្ញាជួញដូរគ្រឿងញៀន នៅស្រុកកោះញែក
ព្រះវិហារថ្មី និងសមិទ្ធផលនានា ក្នុងវត្តសុវណ្ណគិរីកេសរធ្លក ខេត្តសៀមរាប ត្រូវបានសម្ពោធដាក់ឱ្យប្រើប្រាស់ជាផ្លូវការ
-
សន្តិសុខសង្គម៦ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ជីវិតកម្សាន្ដ៦ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
សន្តិសុខសង្គម២ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ៦ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៤ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៥ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៤ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
ចរាចរណ៍៦ ថ្ងៃ agoបុរសម្នាក់ ស្លាប់ភ្លាមៗ ខណៈជិះម៉ូតូឆ្លងផ្លូវត្រូវរថយន្ត ១ គ្រឿង បុកពេញទំហឹង