ព័ត៌មានអន្ដរជាតិ
វៀតណាមអនុម័តគម្រោងផ្លូវរថភ្លើងថ្មីជាង ៨ ប៊ីលានដុល្លារ តភ្ជាប់ចិន
សភាវៀតណាមនាថ្ងៃពុធនេះ បានអនុម័តលើគម្រោងសាងសង់ផ្លូវរថភ្លើងតម្លៃជាង ៨ ប៊ីលានដុល្លារ ដែលតភ្ជាប់ពីទីក្រុងកំពង់ផែ Hai Phong កាត់តាមរដ្ឋធានីហាណូយ ឆ្ពោះទៅកាន់ទីក្រុងព្រំដែនជាប់ចិន Lao Cai ។ នេះបើតាមការចុះផ្សាយរបស់កាសែតក្នុងស្រុកវៀតណាម។
ខ្សែរថភ្លើងថ្មីនេះ នឹងឆ្លងកាត់មជ្ឈមណ្ឌលផលិតកម្មសំខាន់ៗមួយចំនួនរបស់វៀតណាម ដែលជាទីតាំងរបស់ក្រុមហ៊ុនបច្ចេកវិទ្យាយក្សសកលជាច្រើនដូចជា Samsung, Foxconn និង Pegatron ជាដើម ដែលភាគច្រើនពឹងផ្អែកលើសមាសធាតុផលិតមកពីប្រទេសចិន។
យោងតាមសេចក្ដីសម្រេចលើគម្រោង ការសាងសង់ផ្លូវរថភ្លើងនេះ មានគោលបំណងបំពេញតម្រូវការដឹកជញ្ជូនរវាងវៀតណាម និងចិន ដោយរំពឹងថានឹងបម្រើជាកត្តាជំរុញសម្រាប់ «ការអភិវឌ្ឍសេដ្ឋកិច្ចយ៉ាងឆាប់រហ័ស និងនិរន្តរភាពតាមច្រករបៀងសេដ្ឋកិច្ច Lao Cai-Hanoi-Hai Phong» ទន្ទឹមនឹងការពង្រឹងការការពារជាតិ និងសន្តិសុខ និងការលើកកម្ពស់ឧស្សាហូបនីយកម្ម និងទំនើបកម្ម។
គម្រោងផ្លូវរថភ្លើងដែលមានប្រវែង ៣៩០,៩ គីឡូម៉ែត្រនេះ រំពឹងថានឹងត្រូវការថវិកាសាងសង់ប្រមាណជាង ៨ ប៊ីលានដុល្លារ ដោយគ្រោងនឹងចាប់ផ្ដើមសិក្សាពីលទ្ធភាពនៅឆ្នាំនេះ និងបញ្ចប់ការសាងសង់នៅឆ្នាំ ២០៣០ ខណៈប៉ុន្មានថ្ងៃមុន មន្រ្តីវៀតណាមបានលើកឡើងថា ខ្លួនមានគម្រោងខ្ចីប្រាក់ពីចិន ដើម្បីប្រើប្រាស់ក្នុងគម្រោងនេះ។
វាគឺជាគម្រោងផ្លូវរថភ្លើងមួយ ក្នុងចំណោម ២ ដែលតភ្ជាប់ទៅចិន ដែលវៀតណាមចាត់ទុកថាជាផ្នែកមួយនៃគំនិតផ្តួចផ្តើម «ច្រករបៀង២ ខ្សែក្រវ៉ាត់១» របស់ខ្លួន ដែលតភ្ជាប់គំនិតផ្ដួចផ្ដើមខ្សែក្រវ៉ាត់ និងផ្លូវរបស់ចិន។ វៀតណាមអនុម័តគម្រោងនេះឡើងជាង ១ ឆ្នាំ ក្រោយ សន្យាជាមួយចិនក្នុងការបង្កើនទំនាក់ទំនងឱ្យកាន់តែស៊ីជម្រៅ អំឡុងដំណើរទស្សនកិច្ចទៅកាន់ប្រទេសវៀតណាមរបស់ប្រធានាធិបតីចិន លោកស៊ី ជីនពីង ។
កន្លងមក មន្រ្តីវៀតណាមបានលើកឡើងថា ប្រព័ន្ធផ្លូវរថភ្លើងរបស់ខ្លួនមានលក្ខណៈចាស់ទ្រុធទ្រោម នឹងត្រូវការការជួសជុលឡើងវិញ ដើម្បីបំពេញតម្រូវការដឹកជញ្ជូនដែលកើនឡើង ចំពេលដែលប្រទេសនេះក្លាយជាទិសដៅដាក់ការវិនិយោគដ៏ពេញនិយមសម្រាប់ក្រុមហ៊ុនបរទេស ជាពិសេសក្នុងភាពតានតឹងពាណិជ្ជកម្មអាមេរិក-ចិន។
អ្នកវិភាគលើកឡើងថា គម្រោងផ្លូវរថភ្លើងថ្មីរបស់វៀតណាម មានសារៈសំខាន់ណាស់សម្រាប់សេដ្ឋកិច្ច និងការដឹកជញ្ជូនរបស់វៀតណាម ដោយហេតុថា ប្រទេសនេះនាំចូលច្រើនពីចិន នូវវត្ថុធាតុដើម និងសមាសធាតុផលិតផលផ្សេងៗ សម្រាប់ផលិតកម្មក្នុងស្រុករបស់ខ្លួន។
គួរគូសបញ្ជាក់ថា គម្រោងថ្មីត្រូវបានអនុម័តឡើង ៣ ខែក្រោយសភាវៀតណាមអនុម័តសេចក្ដីសម្រេចចិត្តលើគម្រោងផ្លូវរថភ្លើងល្បឿនលឿនតម្លៃ ៦៧ ប៊ីលានដុល្លារ ប្រវែង ១ ៥៤១ គីឡូម៉ែត្រ ដែលតភ្ជាប់ពីក្រុងហាណូយ ទៅក្រុងហូជីមិញ និងគ្រោងដាក់ដំណើរការនៅឆ្នាំ ២០៣៥៕
វៀតណាមអនុម័តគម្រោងផ្លូវរថភ្លើងថ្មីជាង ៨ ប៊ីលានដុល្លារ តភ្ជាប់ចិន
លោក ពិន ពិសិដ្ឋ អញ្ជើញចូលរួមក្នុងពិធីប្រកាសក្រុមការងារចុះត្រួតពិនិត្យជនបរទេស ខេត្តរតនគិរី
លោក ពេជ សោភ័ន លើកឡើង៤ចំណុច ដើម្បីអនុវត្តវិធានការគន្លឹះក្នុងវិស័យអប់រំកាន់តែប្រសើរ
នាយករដ្ឋមន្ត្រីជំរុញពលរដ្ឋកុំវិនិច្ឆ័យសៀវភៅដោយគ្រាន់តែឃើញក្រប
ជនជាតិចិន២០០នាក់ដែលសង្គ្រោះពី Call-Center នៅមីយ៉ាន់ម៉ាត្រៀមបញ្ជូនទៅចិនវិញ
បណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
នគរបាលច្រានចោលការលើកឡើងរបស់បណ្ឌិត សុខ ទូច
លោក ជួន ណារិន្ទ ណែនាំឲ្យស្នងការរងទទួលផែនចរាចរណ៍អញ្ជើញលោក សុខ ទូច មកដោះស្រាយបញ្ចប់បញ្ហា
ឃាត់ខ្លួនអ្នកបកប្រែភាសាម្នាក់ ក្រោយឆក់ខ្សែក មិនបានសម្រេច
ធ្លាក់ឡានក្រុងពីលើភ្នំនៅបូលីវី សម្លាប់មនុស្សយ៉ាងតិច៣០នាក់និងរបួសជាច្រើន
-
ព័ត៌មានជាតិ១ ថ្ងៃ agoគ្រាន់តែសុំមើលប្រដាប់វាស់ជាតិអាល់កុល បណ្ឌិត សុខ ទូច ត្រូវប៉ូលីសស្រែកកំហកដាក់ថា«ហែងស្អីបានមកបញ្ជាកងកម្លាំង?»
-
បច្ចេកវិទ្យា៦ ថ្ងៃ agoទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
-
ព័ត៌មានជាតិ៤ ថ្ងៃ agoរថយន្តបុកគ្នា ខ្ទាតចេញប្រេងឆាគ្មានម៉ាកយីហោ២០០កាន៖ ពលរដ្ឋខ្លាចប៉ះពាល់សុខភាពអ្នកប្រើប្រាស់
-
ព័ត៌មានជាតិ២០ ម៉ោង agoបណ្ឌិត គិន ភា៖សូម្បីបណ្ឌិតសភាចារ្យ សុខ ទូច ប៉ូលិសចរាចរណ៍មួយក្រុមនោះមិនគោរពផង ចុះពលរដ្ឋធម្មតា?
-
ជីវិតកម្សាន្ដ៦ ថ្ងៃ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
សន្តិសុខសង្គម២ ថ្ងៃ agoដើមផ្កាត្របែកព្រៃលើសួនទ្រូងផ្លូវជាតិលេខ៥ ងាប់ជាង១ពាន់ដើម ខណៈមន្ត្រីជំនាញអះអាងថា ភាគច្រើនមកពីសត្វឌួងស៊ី
-
ព័ត៌មានជាតិ២៤ ម៉ោង agoនគរបាលច្រានចោលការលើកឡើងរបស់បណ្ឌិត សុខ ទូច
-
ព័ត៌មានអន្ដរជាតិ៥ ថ្ងៃ agoរុស្ស៊ី វាយប្រហាររោងចក្រនុយក្លេអ៊ែរនៅ Chernobyl បង្កហានិភ័យលេចធ្លាយជាតិវិទ្យុសកម្ម